နှာခေါင်းထဲ သင်းကနဲဝင်လာသည့် ပန်းရနံ့က ထယ်ယောင်း မျက်လုံးတို့ကို ပွင့်အာစေသည်အထိ စွမ်းဆောင်နိုင်သည်။
နာကျင်နေသည့် ခန္ဓာကိုယ်ကို လျစ်လျူရှုပြီး ဘေးဘီဝေ့ကြည့်တော့ ခေါင်းရင်းနားရှိ စားပွဲလေးပေါ်တွင် ပန်းအိုးလေးနှင့် သပ်ရပ်စွာရှိနေသော ဆယ်ဂျူပန်းနီနီလေးတွေ။
အရှင်များ ထားပေးထားတာလားဆိုပြီး တွေးမိတော့ ရှက်စနိုးငုံ့သွားသည့် ခေါင်းလုံးလုံးလေးက ရင်ဘတ်တဝိုက်ရှိ နီညိုပုတ်ရောင် အမှတ်အသားတွေကို မဝံ့မရဲလေးအကြည့်ရောက်သည်။
အရှင်က သိပ်ဆိုးတာပဲ ။
အမှတ်အသားတွေကို လက်ဖြင်တို့ထိရင်း ထိုသို့ စိတ်ကနေ ရေရွတ်နေသည့် ထယ်ယောင်း။
မဆီမဆိုင် အကြည့်တို့က
ကုတင်ခြေရင်းဆီရောက်သွားတော့ အမှတ်မထင်တွေ့လိုက်ရသည့်
အဝါရောင်ချည်တဘက်ကလေး။
အလျင်အမြန်ပင် လှမ်းယူတော့ ချည်တဘက်ထဲကနေ ပုံ့ခနဲ ကျလာသည့် စာရွက်အခေါက်တစ်ခု။
#ထယ်ယောင်း ငါ ပေးတဲ့ တဘက်လေးကို ကောင်းကောင်းဝတ်နော် ။
ငါ မနက်ကပဲ ဒိုဒန်းကို ပြန်ဖြစ်တယ် ။ မနှုတ်ဆက်လိုက်ရလို့ တောင်းပန်ပါတယ်နော်#
စာက ဤမျှသာ ဆိုပေမဲ့
ထယ်ယောင်းခမျာတော့
ဒိုဒန်းပြန်သွားသည့် သူငယ်ချင်းကို ဒေါသတွေ ထွက်နေပါပြီ။
''ဂါး!! ပတ်ဂျီမင် ငါ့ကို ဘာကိစ္စနှုတ်ဆက်မသွားတာလည်း ။
တွေ့ဦးမယ် ။ တွေ့ဦးမယ်''
ဒေါသစိတ်လေးဖြင့် အိပ်ရာပေါ်ကနေ ခပ်မြန်မြန်ဆင်းတော့ စူးကနဲနာကျင်သွားသည့် တင်ပါးကြောင့် မျက်ရည်ပင် ဝဲသွားသည့် ထယ်ယောင်း။
တပြိုင်နက် ပူရှိန်းရှိန်းအထိအတွေ့ကြောင့် အရှင် ဆေးလိမ်းပေးထားမှန်းသိသည်နှင့် ရှက်ပြေးလေး
နီရဲသွားသည့် နားရွက်ဖျားလေးတွေ။
အခဲမကြေသည့်စိတ်လေးက ရှက်စိတ်ကိုကျော်သွားသည်ထင် ဝတ်ရုံရှည်ကို ခပ်မြန်မြန်ဝတ်ကာ အိမ်အပြင်သို့ ထွက်သွားသည့် ထယ်ယောင်း။
KAMU SEDANG MEMBACA
Blue Side ( Completed )
Fiksi Penggemarကျွန်တော်က ရုန်းတော့ အရှင်ကပြုံးတယ်... မသိလိုက်ခင်မှာပဲ ကျွန်တော် အရှင့်အပြုံးမှာ ကျဆုံးတယ်... ကြၽန္ေတာ္က ႐ုန္းေတာ့ အ႐ွင္ကျပံဳးတယ္... မသိလိုက္ခင္မွာပဲ ကြၽန္ေတာ္အ႐ွင့္အျပံဳးမွာ က်ဆံုးတယ္... KOOKV Mature
