شمس الحياة (مكتملة)

اقتباس

-بقولك إيه صحيح هو أنتَ هتعمل إيه في العملية دي يعني؟
هتفت بها في فضول لم يعهده هو، فنظر لها متعجبًا لكنه تجاهل تعجبه قائلًا:
_هعمل عملية نقل كبد بس بتسألي ليه يعني؟!
أردفت برهبة ظهرت جليًا بصوتها:
_يعني أنتَ هتفتح بطنه وتطلع منها الكبدة بتاعته وترجع تقفلها تاني، وتفتح بطن الراجل التاني وتحطها جواه وتقفله.  
ضحك هو على حديثها قائلًا من بين ضحكاته:
_حاجة زي كده مش بالظبط يعني.
_لا طب بص بقى أنتَ كده تنزلني هنا وحلو أوي كده يا ابن عمي، أنتَ من طريق وأنا من طريق ما أنا مش هقعد مع سفاح بيقطع بطن البني آدمين.
ضحك بشدة على سذاجتها، ثم أردف قائلًا:
_يا بنتي بقطع إيه وسفاح إيه بس، أنا بنقذ حياتهم وبعدين إحنا وصلنا الجامعة أصلًا.
نزلت مسرعة من السيارة قائلة له:
_طب سلام بقى.. لأ ويقولي بنقذهم ده بيقطع بطنهم.

حبيت أنزلكم اقتباس خفيف وحلو كده على ما أنزل أول فصل يوم الاتنين، قولولي رأيكم وتفتكروا مين الأبطال اللي في الاقتباس؟🖤