#طوارئ💉
الحلقة الحادية عشر
.
.
فالكم يوم اللي فاتن لي كنا فيهن برا بنغازي ما صارش شي جديد فالعيله غير انه منير قرر يطلع العرس ف اقل من شهرين و ريم قنعت هلها واوس برضو ماكانش عنده مشكله و نورين هلها موافقين
استمرينا فالشغل فالمستشفي عادي حذيفة وولاء ردو يحكو مع بعضهم عادي و نورين معش قعدت تجي للمستشفي واجد عشان حايسه في بتات عرسها و توتاي
منير مستلم كل شي من الالف للياء من ناحية شقة اوس و برضو حوش جدي دارله شويه تغيرات بس ما قربش عشان عارف روحه حا يطلع بعد فتره لما يلقى شقة كويسه او اجار مؤقت كويس
اروي لا حس ولا خبر من يوم حددنا العرس لا كلمتني ولا انا كلمتها عشان ما نزيدهش عليها رنيت علي زينب و قالت لي لاهيه في امتحاناتها عشان اخرلها سنه ف شاده حيلها في القرايا ومشروع التخرج
هاني من بعد ما جا للمستشفي اخر مره معش رد وجا مره ثانيه رنيم كانت مستغربه لانه اخر جيه له كان مصر " ماتندريش انه السيد واخذ الموضوع بلعبه مش فارقه معاه "بس في نفس الوقت عند هاني كان مضايق من الموضوع عشان خذا معاه وقت 😂😂مستعجل ع الالف جنيه 🤦🏻♀️
************************
فالمستشفي يومها كنا كلنااا قاعدين وعندنا يوم زاحم بكل كل حد في شغله وفي الحالات يلي عنده
سمعنا صوت طواريء والمره هذي ماكانش كيف اي طواريء كانت حافلة موظفين
فيها ٧ اشخاص السواق جا متوفي من وهوا فالاسعاف عشان الضربه كانت من جهته
اما السته الباقيين اربعه منهم جروح ورضوض وكسور بسيطه
واثنين منهم فاقدين الوعي تمامًا وحالتهم خطيره
جزء استلم الحالات البسيطه ولاء ورنيم و دكتور عوض جزء يدير في كشف كامل عشان مرات يكون فيه شي داخلي او ضربه فالراس وجزء يداوي فالرضوض
انا وبلال و دكتور ماهر و حذيفة كنا عالحالتين الاخرات
كان دبشي معبي دم و لابسه الكمامه كنا نعلقوله في جهاز القلب والاكسجين و جهاز القلب دار صوت
انا بحتت في بلال وبصوت يرجف >> خش في صدمه شن ندير
بلال بكل هدوء>> حذيفة جهاز الصدمات بسرعه "بحت فيا " ديري مساج
انا كنت باديه ندير و جهاز القلب بدا يدير في صوت اخرى >> خش في غيبوبه
بلال المره هذي بتوتر وخوف >> حذيييييفة بسرعه
وخرت و كريت الجهاز وبحتت في بلال >> متوسط
بلال اشرلي بعيونه
انا >> قوي الجهاز
بلال بحت فيا >> شيماء خلاص
انا >> قتلك قوي !
بلال >> المريض توفي شيماء خلاص" ومسك يدي"
انا >> بلال ماماتش مازال
كنت ما نبيش نبحت فالجهاز مانبيش نشوف الخط مستقيم كنت حاستها مسؤليه بكللل وحاسه كآني انا كنت سبب في موته
