طوارئ

الحلقة الرابعة والعشرون (الأخيرة )

#طوارئ💉
الحلقة الرابعة وعشرين
"و الاخيرة"
//
//

فكيت يدي منه وركبت فوق

بلال>> استغفر الله بس

لحقني بلال وخش ورايا للشقة

بلال>> انتي عارفه انه مش ذنبي صح؟ وعارفه انها جايه بدون ارادتي ! وانه والله كان ب يدي نعيش انا وياك ويونس بعيد عن العالم كله بس مش ذنبي هي حقيره انا نعرفها كويس مش جايه تبي يونس جايه بتخربلي حياتي بس

انا >> بلال الكلام هضا كله عارفته ، وزي ما انت ما لكش ذنب ف انا ماليش ذنب في مشاعري ! ما نقدرش نتحكم فيهن ، مش قادره نشوف وحده كانت في يوم في حياتك و في بينك وبينها طفل
بغض النظر عن اني عارفه مشاعرك لها وانك ماتحبهش مجرد ام يونس
بس مانقدرش نتحمل فكرة وجودها عارفتك ما ليكش ذنب ! بس والله حتي انا ما ليش ذنب في مشاعري

بلال>> باهي خليكي معايا ونوعدك اني حانردها من وين ما جت ومستحيل نخليها تخربلي حياتي انا ما صدقت تريحت ولقيتك

انا >> انا معاك بس من حقي نعيش زعلتي!كل ما ينقال اسمها ولا نشوفها ونشوف نظراتها الحقيره قلبي يوجعني والله ، مش متخيله فكرة انه حد يشاركني في انسان نحبه !

خشت شيماء الدار و بلال قعمز عالصالون وهو كان يلقى يقتل جيداء

//
//

ثاني يوم فالمستشفي

كان عندي مناوبة بروحي وبلال مناوبته ليل
حطني فالمستشفي ومشى المحل عند هاني وزيدان

رنيم>> شنجوك؟؟
انا >> تمام
ولاء>> شنصار ؟؟
انا >> مافيش جديد مازلت مش عارفه شن حايصير
الاستقرار لي كنت عايشته فالشهرين لي فاتن قلب توتر بكللل
رنيم>> حقييييييره الخبث في عيونها !
ولاء>> بكلللل ياساتر جت قلبت المستشفي وروحت
انا >> يلا مش عارفه شن حايسير فنفس الوقت قلبي علي بلال بكل عشان خايف علي يونس
وحتي ام حسن وام بلال مضايقات كلهم متعودين عليه عشان هكي خايفين

ونحن مصبيين عالريسبشن نحكو سمعت صوت طوارىء وحذيفة يعيط من برا

حُذيفة >> كلمو دكتور الاعصاااااب بسرعه
رنيم>> تو نكلمه ولاء خوذي الملف وعدي

مشيت نجري مع حذيفه >> وتو العمليات

رنيم>> قالك الدكتور ديري اللازم اقل من دقايق ونوصل

انا >> تمام

طلعت بسرعه لبست و غسلت يديا وخشيت العمليات

شويه ووصل الدكتور

انا >> سكته دماغية ، الضغط فالدم عندها مرتفع
وما استجابتش للعلاج فالمستشفي الاولى دارولها تحويل بالاسعاف هنا
تدخل جراحي