لايك قبل ما تقرو
#طوارئ 💉
الحلقة الثالثه
.
.
مرن اليومين هذينا ومنير فتح مع هله الموضوع موضوعه هو وريم و كان الجواب فالاول رفضو بس منير كبير وقاللهم يبي يجوز ويستقر وماقاللهمش علي الي صاير و الكارثه لي بينهم بس فتحلهم موضوع الزواج بس
و لما قالوله عالحوش فقاللهم علي فكرة انه يقعد في حوش جدي مؤقت لعند يلقى حوش اجار يقعد فيه سنه لين يحصل حوش
بس باته قاله معاك شهرين بس وحوش جدك لنا كلنا ومالكش الحق تمنع حد منه
لم عمامي وحكى معاهم وكلهم وافقو محد رفض ، الموضوع كان بين الكبار و انا نعرف بيه اما اروى كانت في عالم ثاني ماتندريش علي شي
^***************
في المستشفي " فاليومين اللي فاتن علاقتي ببلال متوتره من بعد هزبني وهزبته اخر مره ، هو خشمه فالسما وانا مش معبرته نشتغل علي حالي ولاهيه في المواضيع العرم لي صارن فالفتره الاخيره
ولاء>> اسمعي في ملف متاع مريض عنده خروج قالك دكتور عوض شوفيه ووقعيله خروج
انا>> عطيني الملف
ركبت للمريض وشيكت عليه
انا >> للاسف نبضك ضعيف مانقدرش نديرلك خروج لعند نطمنو عليك
المريض >> بس انا لازم نطلع ما نقدرش
انا>> صحتك اهم صدقني مش حاتقدر ادير اي شي مدام انت تعبان
المريض>> انا نشتغل علي حالي و عيالي الاسبوع الجاي مدارسهم لازم نشتغل بيش نلم حق حاجة المدرسه وحتي حق العلاج لي بتعطوه ليا ماعندي
جيت نبي نحكي خش دكتور بلال>> مش حاتقدر تشتغل وتجيب فلوس وانت بالحاله هذي حاتهلك روحك وتخوفهم عليك بالنسبة لعلاجك ولا يهمك صيدلية المستشفي تصرف في دوا بالبلاش
انا بحتت فيه
المريض >> بس
انا >> مافيش بس هو كلها يوم بس نديرولك تشك سريع نطمنو وبكرا تطلع وترد الشغلك وتجيب الهلك كل شي يبوه وانت بصحتك
المريض >> ان شاء لله خير
طلعت من الغرفة ورايا بلال
انا >> بس فالصيدليه مافيش دوا بلاش
بلال>> براڤو عليك ، عشان هكي حانعطيك روشيته بالدوا متاعه توا وتنزلي تجيبيه وتقوليلهم لوطا للدكتور بلال وتجيبيه ليا
انا>> بس
بلال>> بدون بس هاكي جيبيه وتعاليلي
انا مشيت بعدها برمت>> وكنك ماتعدي بروحك تجيبه
بلال>> عندي مريض ثاني ولا نسيبه يموت
انا >> اوف 😒
نزلت جبت الدوا وخشيت لمكتب بلال حطيته عالطاوله وانا بنبرم لفتت نظري صوره مسكتها وبحتت فيها و حطيتها مكانها وطلعت
مسكت تلفوني ورنيت علي اروي
انا >> الو
اروى بهزيبه>> نعم
انا >> نعن دا ردي كويس
اروي>> شن تبي
انا >> نبيك فموضوع تعاليلي فالحوش اليوم
اروي>> بابا مش فاضي
انا>> قصه ، بتروح بيا ماما اليوم تو نخليها اتكي عليك وتجوني فالمستشفي تاخدوني و نعدو
اروي>> شن تبي باه
انا >> راسي مصدع مش وقتك ، اربعه ونص خليك واتيه ماتعطلونيش
اروي>> باهي دا
