#طوارئ💉
الحلقة الخامسة
.
.
يونس ماسك في بالطو بلال من لاوره ويكر فيه >> بابا
بلال>> نعم يا بابا نعم
انا ؟؟؟؟؟؟
ولاء ؟؟؟
بابا >> هضا يونس ؟
بلال >> هوا يونس
بابا >> مشاء الله ربي يصون
بلال>> الله يسلمك
طلع بابا وقعدنا انا وولاءء نبحتو في بعضنا
رفع بلال يونس وطلع من المستشفي
وانا خشيت لغرفة الاستراحة ولحقتني ولاء
انا>> وهِنا كانت الصدمة
ولاء>> لا وراسك الا هِنا كان لازم ندخل
انا >> 😂😂😂
ولاء>> كيف حاجه زي هذي ما لقطتهش
انا >> مش باينه اصلا لا والكبيره انه بابا يعرف
ولاء>> غريبه بكل
انا >> لالا مش غريبه هوا مش صغير بعد تجي تبحتي وكان يقرا ويشتغل في غربه اكيد اجوز زي تفكير اغلب الليبيين
ولاء >> ممكن و ممكن مربيه ومش ولده
انا >> تي نسخة بلال حانسآل بابا بعدين بي خليني نكمل باقي شغلي ونروح عندنا غدا فحوش جدي
ولاء>> ييييه سيبت حذيفه كان يحكيلي ، قوليلي بس بعد تعرفي
انا >> عدي عدي لسيد حذيفة😂
ولاء>> خطيني 😒
طلعت ولاء وانا شيكت عالشغل اللي باقي و جت حالة طواريء استلمتها بروحي و كتبت تقريرها ورنيت علي منير جا روح بيا لحوش جدي
لقيتهم دوبهم كيف مكملين غدا عشان انا جيت متآخر
منير>> ديما مطيره طعمة اللمه
انا >> علي اساس الحنية لي مقطعه بعضها 😒
خشيت للمطبخ قعدت نفتح فالطناجر
ماما>>تي اطلعي صدعتي راسي
سالمة "مرات عمي" مستحيل تعقل😂
ماما>> متعبتني والله تقول عمرها ١٠سنين
انا >> هضا كله عشان فتحت طنجرة وصكرتها😒بناكل باه
سالمة>> اطلعي زروطتي الدنيا تو نحطلك
طلعت وسيبتهم🤷🏻♀️😂
//
كان منير طالع من المطبخ بسفرة الشاهي شايلها العمامي قابلاته اروى ماحكتش معاه بكل
حط منير السفرة وطلع
منير>اوي
اروي >>نعم؟
منير>>كنك
اروي >>كيف؟😂😂
منير >>بلا ضحك صاير معاك حاجه متربيين مع بعضنا وانا زي خوك الكبير ونعرفك
اروي>> مافش شي مضغوطه من القرايا
منير >> بس؟؟
اروى ابتسمت بمجامله>> بس 😊
منير>>هضا بس الي مخليك ماتقوليش مبروك
اروي بقلة حيلة>> ياسيدي مبروك
منير >> الله يبارك فيك
وانا طالعه من المطبخ شفتهم يحكو
انا>>يييييييه را اروى تفضحنا هنا
مشيت شورهم خشيت فالحوار و اروي انسحبت ومشت ومنير فطن انها مش طايقته
منير>> حاكيتلها حاجه انتي علي خطبتي والقصه
انا>> اول شي عمرك قلتلي حاجه وقلتها؟
منير>>لا بس مش عارف صح اروي ديما اتحشم مني وماتحكيش معايا واجد بس حاسها كارهتني
انا>> ماحكيتلهش شي وماحدش حايعرف شي بطل تحط الموضوع في راسك وتوسوس
منير>> ممكن
