#طوارئ💉
الحلقة عشرين
//
//
يوم الفاتحه كنت طبعا واخذه اذن من المستشفي !
اما بِلال ف فاليوم هضا بذات ما رقدش ... وردت بيه الذاكره لاكثر من ثلاث سنين فاتن
لما قريت فاتحتي علي جيداء ! وكيف كنت مصكر راسي وشايفها انها الانسانه اللي ح نكمل حياتي معاها
قعدت اكثر من نص ساعه وانا نذكر في تفاصيل اليوم هضا ... كيف صار وكيف مشا كل شي وكيف اول يوم وكل شي مر في بالي كآنه حلم
ماقطعش تفكيري غير صوت تلفوني اللي رن
//
//
اما انا ف كنت متوتره بكل ديما كنت انا الي نحوس في افراح العيله 😂و اغلب المناسبات نصبيلهم المره هذي كله مديور عشاني كان شعور غريب بكل !
كنت فالصالون مع البنات وكان يوم عائلي مافيش حد غريب ودايرين عشا للعيله
عدو الرجاله لكبار لجامع و باقي الشباب الصغار قدام الحوش و انا مع اروى وبنات العيله وكلهم ملتمين حذايا .... بعد شوية انقريت الفاتحه
ورسمي قعدت انا وبلال مرتبطين ... ماحسيتش ب شي وقتها عشان كانو كلهم حذايا ويباركولي وهكي
فالليل درنا العشاء و لمة العيلة بعدها كل حد روح الحوشه كلهم دكاتره وينوضو بدري 🙄😂
غيرت دبشي وكانت اروى معايا
كنت نحول في اكسسواراتي عالمرايا ونهدرز مع اروى
انا >> عارفه توا كيف حسيت بجدية الموضوع كنت مش معدله بكل
اروى>> حتي هي قراية فاتحه شن في بعدها
انا >> مش عارفه حاسه بخوف ومسؤولية توا كيف حسيت بيهن
اروى>> لا حاتمشي انتي قدها ... بنحط ناكل نحطلك ؟
انا >> اه جيعانه بكل ما كليتش شي
مشت اروى للمطبخ وانا قعدت نغير في دبشي علي رنة تلفوني وكان بلال !
حسيت انه الموضوع قعد بجد ياجماعة 😭😂
انا >> الو
بلال>> ايون
انا >> شن فيه في حاجه؟
بلال>> لا بس المفروض يقولو مبروك مثلا
انا >> صح؟ 😂😂والله مانعرف بجد هذي اول مره
بلال>> عارفك حتي انا مبلده 😂
انا >> يا سيدي مبروك
بلال>> الله يبارك فيكي
انا >> بلال انا مش مستوعبه مازلت 😭😂
بلال>> يومين وتستوعبي 🌚
انا>> كيف يعني ؟
بلال>> لا شي 🤷🏻♀️😂
انا >> شن الجو عندكم؟
بلال>> لا نحن كملنا من مبدري داير عزومه للشباب وروحو متآخر والله
انا >> الساعه ٢ توا نحن مبدري مروحين
بلال>> لا انتو راقيين 🙂🌚
نسمع في صوت هانيبال جنبه>> سقدنا ياخونا راك تحسابه عرسك اليوم
انا >> ههههههه مش قتلي روحو؟
بلال >> لا هضا ما يروحش للاسف 😂
انا >> خلاص عدي شوفهم وانا عندي اروى
بلال>> تم
