طوارئ

الحلقة التاسعة عشر

#طوارئ💉
الحلقة التاسعة عشر
//
//

علي خشت بلال وانا نحكي مع روني

انا >> اهو عالسيرة جا
بلال قرن حواجبه وبحت فيا

روني >> ههههههه المهم ما نعطلكش رانه بنقولك لما تفضي قوليلي نتلاقو نهدرزو ما خذيتش راحتي يوم جيناكم

انا >> تمام ان شاء الله

صكرت منها وبلال واقف قدامي

انا >> روني
بلال ضحك

انا>> عليش الضحك
بلال>> حركات السلفات ولا شن يقولولهن 🤣
انا >> اول شي روني صبيتي حاتقعد مش سلفتي
ثاني شي هي يلي رنت
بلال>> وانا شن عرفني نحساب السلفه بنت الجيران 🤣كنها شن تبي
انا>> شي تهدرز
بلال>> اهاا باهي و هدرزن
انا>> نننننن
حول بنطلع

بلال>> اطلعي😂
انا>> يامستفز
بلال>> را مانخليكش تطلعي "وصكر الباب"
انا>> يا ليل الليل
بلال>> قدمي خطوه كذا
انا ضحكت>> بلال حول من قدام الباب بنطلع بنروح
بلال>> قدمي خطوه تروحي

انا ببرود قدمت خطوه و كان بيني وبين بلال نص خطوه اصلا

بلال >> ايوه هكي تمام
انا >> وهكي شن استفدت بالخطوه هذي
بلال>> شن فهمك انتي بس
انا >> باه حول

بلال بعد من قدام الباب وطلعت وانا نضحك عليه قعد يحول من جوايا شعور انه بلال كان يحب من قبل و عاش القصة ومل
حسيت انه كأنه بادي معايا من جديد شعور جديد يوم بيوم نحسو بيه ونعيشوه مع بعضنا
ما كنتش نعرف شعور بلال بزبط
بس كنت حاسه بيه !
كيف ما حاسه بروحي و بالخبطه لي تصيرلي

//

عند هانيبال وبلال فالليل

هاني>> شن تبي فيا ساكن نبيك نبيك
بلال>> بنحكي معاك قعمز
هاني >> اهو قعدنا
بلال>> ولاعة معاك نسيتها فسياره
هاني >> امسك

ولع بلال دخانه وبحت في هاني

هاني>> تي احكي زح مش صاحبتك انا

بلال>> هاني لخبطه ولبز و قرف قلنالك بعيد صح
رنيم طلعها من القصة هذي

هاني>> ومن قالك خاشلها بلخبطة ولبز

بلال>> عنجد من لي قالك ! انت لي قلت وانت لي بديت القصة وانت يلي راهنت ماتقعدش توا تنكر

هاني>> غير اهدا اهدا بس .. مانكرت شي بي فنفس الوقت ما خذيتش منك قرش

بلال>> وهضا لي مشخشبني ! عليش ما خذيتش قرش ؟

هاني >> واضح الموضوع يا بيلو مش عباطه هي سيبتلك لفلوس يعني فتت لرهان

بلال>> المشكله انك وسخ مانعرفش تفكيرك