طوارئ

الحلقة السابعة

#طوارئ💉
الحلقه السابعه
.
.

لقيت بلال طالع من الفرندا شكله كان يدخن و مشى قعمز عالكرسي
جيت وين ما مقعمز و سحبت كرسي وقعمزت

كان قاعد علي حاشية مقعمز وانا مقابلته
انا >> صباح الخير
بلال >> صباح الخير
انا >> مافصلتش من امس ؟؟
بلال >> طلعت امس و رديت فالليل ومازلت قاعد
انا >> ليش ما روحت ؟ عندك شغل نكمله عليك وعدي
بلال>> لا نرجي في دكتور عوض
انا >> اها تمام
بلال>> كويسه انتي اليوم ؟
انا >> الحمدلله
بلال>> حاننزل نشوف دكتور عوض

خذا تلفونه و قهوته و نزل جت رنيم قعمزت حذايا

انا >> نحسابك روحتي ؟
رنيم >> نراجي فيهم يجو معش جوني
انا >> قصة لازم اديري سياره
رنيم >> ياريت يخلوني
انا >> اكيده خايفين عليك حتي انا كنت نسوق ودرت حادث ومنها بابا حرمها عليا

"رفعت يدي ووريتها يدي من جوا كان فيها جرح باهت "

رنيم >>احييييه هذي من الحادث؟
انا>> اه كان حادث خطير عشان هكي حرموها عليا بكل
رنيم >> تخوف السواقه
انا >> انتي شكلك صغيره اصلا 😂
رنيم >> ههههه نعاني من الموضوع هضا محدش محترمني عشان حجمي صغير
انا>> نفس الجو ديما يقولولي مش ماشي معاك انك دكتوره 🤦🏻‍♀️😂
رنيم >>هههههههههههه ، اهو يرن خويا شكله برا باي
انا >> باي

نزلت رنيم و جاني نداء بالمكبر من دكتور عوض عرفت انه موعد العمليه 🤦🏻‍♀️

//
//

كملت مع دكتور عوض وطلعت مع المريض للغرفة نشييك عليه ونكتب تفاصيل حالته لقيت فيه حاله جاي بروحه جيت قربت شوره وكان واضح التعب عليه

قعمز عالكرسي وانا مقابلته

انا >> لو سمحت تسمع فيا تقدر تحكيلي شن تحس ؟؟

كان حاط يده علي معدته ويتنفس بصعوبه و جسمه ساخن علي جيت بلال كان طالع مروح

انا >> بلال ساعدني ارفعه معايا

جا بلال يجري

انا>> اكسجين اكسجين

رفعه بلال و حطه فالطواريء و حطله اكسجين و قعد يفحص فيه وانا حذاه وباب الغرفه مفتوح

انا بحتت في بلال >>الاعراض فيهن حاجه غريبه مش مطمنه

بلال كان يديرله في الفحص السريري

انا >> لازم من تحليلات فالمختبر لوطا و اشعه علي صدره

بلال>> المختبر يركبله فوق
انا >> شن فيه ؟؟
بلال بتفكير>> اهو احتياط
انا تآكدت انه فيه حاجه مش مطمنه>> اوكي حاننزل نقوللهم
بلال>> لالا استني