#طوارئ💉
الحلقة التاسعه
.
.
//
//
فالمستشفي
مرن كم يوم مافيهنش ولا جديد شغل كالعاده وحالات و مرضى و كله وبلال فشغله وانا فشغلي ومرات يكون فيه حالات مشتركه بينا او مرات عملية مع حد من الدكاتره نخشو معاهم وهكذا
و هانيبال كان له فتره معش خطم عالمستشفي ، و برضو رنيم فايته الموضوع ومش حاطته في بالها اصلا .... كانت واقفه عالريسبشن مع ولاء و حذيفة
ولاء>> ايوه ملفه هضا
رنيم >> تمام يبيه دكتور ماهر
ولاء >> تمام وبعدها رديه ليا مش تعطيه الحذيفه
حذيفة >> خرفي علي سي حذيفة 🙄
رنيم >> 😂😂😂
كانت رنيم تضحك والملف في يدها التفتت وبتمشي علي خشت هانيبال
هاني>> ساوعيكو
رنيم >> وعليكم السلام
هاني >> شنجوها الدكتوره
رنيم ابتسمت >> الحمدلله
هاني >> فاضيه ؟؟
رنيم >> عندي شغل لو في حاجه ضروريه راجيني هنا نشيل الملف ونجي
هاني >> اشطة نستنى فيك
رنيم ب استغراب >>اوك
مشت رنيم تشيل فالملف و هانيبال مشى شور الريسبشن قعد يهدرز مع ولاء ء و حذيفة و يشفطو علي ولاء
ولاء >>يييييييه كنت في واحد قعدت في اثنين انا
هاني >> والله كنت بنخش طب انا غير ربي ما سخرش 😂
ولاء>> حتي البزنس كويس
حذيفة >> خليك في ملفاتك مالك ومال البزنس انتي
ولاء >> اوووووهووو علينا😡
علي نزلت بلال من فوق
هاني شيرله>> بيللو
بلال>> قيسه يوم هوا 🤦🏻♀️
هاني >> شن قلنا نحن
بلال>> مش شوري بيك انا
فاته ونزل بلال لوطا للتحاليل
جت رنيم بعد شويه هكي لقت هانيبال قاعد علي تلفونه
رنيم >> سوري طولت عليك
هاني>> ولا يهمك كملتي شغل
رنيم>> مستحيل يكمل الشغل هنا بس حاليا ماعنديش شي ، خير ان شاء الله شن فيه؟
هاني>> لالا مافيش شي بس بنحكي معاكي في حاجه
رنيم ب استغراب>> حاجه شنو؟
هاني>> اسمعي انا دغري وماعنديش فاللف والدوارن ، انقنك عجبتيني و نبي رقمك عشان نتعرفو بلكي يصير بينا نصيب
رنيم رفعت حاجبها وسكتت
هاني>> شن نفهم منها رفعت الحاجب هذي
رنيم >> افهم انه لا !
هاني >> وعليش ؟؟ انا خاش دغري ولا لفيت ولا درت
رنيم >> رقمي مانقدرش نعطيه
هاني >> فيه حد ثاني ؟؟
رنيم >> لالا بس انا مانعرفكش عشان نعطيك رقمي بعدين هكي خبط لزق الموضوع بكل جراءه
