#طوارئ💉
الحلقة الثامنة عشر
//
//
اول ما خشو للصالون رن تلفون روني وكانت جيداء ترن
رنت مره واثنين وثلاثه
صبت روني وطلعت قدام باب الصالون وردت
روني>> نعم؟؟
جيداء>> من الصبح و انا عم رن
روني >> جيداء قتلك انه لما تصير حاجه حانرن عليكي
جيداء>> يعني معقول ماحكيتي مع بلال بخصوص الموضوع ل هلء
روني >> لا حكيت معاه ورفض قالي خالي حايدزهن بالفاكس مش ضروري مشيتنا
وقبل ما تقوليلي ليش ما قلتيله ما يندزنش بالفاكس قتله وقالي تو نصرف
جيداء>> كيف يعني ؟ يعني مارح يجي
روني >> اها للاسف
جيداء >> انتي بالبيت طيب ؟؟
روني >> لا برا وبلال مش معايا
جيداء >> روني بالله عليكي تحاولي هالمره بس عشاني والله بوعدك مارح افتحلو الموضوع ابدا
روني تنهدت بقلة حيلة >> ان شاء الله
صكرت روني وخشت للصالون وانا خشيت وراها سلمت عليهم وقعدت جنبهم هدرزنا شويه
بعدها صبيت من حذاهم
كان القبول من جميع الاطراف مافيش اي اعتراض ابدا
اتفقو علي كل شي و خلاص خلو باقي الكلام للرجاله الدفع والموخر و الكلام هضا كله مش شورنا
انا >> طول اليوم اخته مش علي بعضها حتي ما بحتتش فيا بكل
اروى>> بلكي صايره معاها حاجه مضايقتها
انا >> ممكن حتي ما شربتش لا عصير لا قهوه لا شي
اروى>> غريبه
انا >> يلا الحمدلله اهم شي متفقين
اروى>> ربي يتمم علي خير يارب
//
//
روح بلال بهله و حكو شويه عالموضوع وام حسن م ام بلال فرحانات بكل بالموضوع
بلال>> روني شن رايك في شيماء ؟
روني >> حلوه كويسه
بلال>> عنجد حلوه كويسه مش بلوزه هيه
روني >> ههههههه قصدي يعني ربي يهنيكم
ركب بلال فوق و فالليل خشت عليه روني في داره
روني>> طالع؟
بلال >>اها عندي مناوبة
روني >> باهي نبيك شويه
بلال صبا فم باب الدار>> كنك اليوم؟؟
روني >> ماهو اوعدني انك مش حا تعيط ولا تهزب
بلال>> شن فيه ؟؟ ياروني هكي حا نهزب ماهو
روني >> خلاص خلاص فوت
صكر باب الدار وخش
بلال>> صاير معاك حاجه ؟
روني >> لا والله بس بنحكيلك انه لما كنت في مصر شفت جيداء اخر فتره
بلال اتكى عالباب >> باهي ؟؟؟؟
روني >> وبس يعني حكتلي علي يونس وانها خاطرها تشوفه
بلال>> كان من الاول مش بعد كم سنه جايه تقرر بتشوفه ، وبعدين انتي كيف تطلعي معاها من غير ما تقوليلي
