قصة : { #لا_ترخي_يديك } 🙏💙
الحلقة الخامسة { ٥ } ✨
( تسكت وتكمل الموسيقى ، دلوقتي بس زين فهم الأغنية الي كانت بعتهاله أية ف الڤيديو بطريقة كوميدية بس مهتمش وقتها إنه حتى يكمل الڤيديو ، يفضل باصصلها ، تلمحه باصصلها ، تدمع عيونها )
أية وهي باصة ل زين : عينيك الف رحلة وفيها خدت ع السفر ، ي ليل قد عمري نفسي يطول وأسهره ، ي زنب ف حياتي الي لو بكرة اتغفر ، بقية حياتي هعيده وافضل اكرره
( تعيد الكوبليه تاني ، تهدى الموسيقى ، تنزل دموعها )
أية وهي بتمسح دموعها : لو اختار ما بين نفسي وما بينك هعترف ، ب إن انت اغلى واولى وكمان اولاً ، بحبك سنين ف السر ومحدش عرف ، وانا ادفع سنين تانيين وأحبك ف العلن
( تسكت ، يسقف الكل ويصفروا ويقوموا يقفوا ، تبتسم أية وتحييهم وترجع لورا عشان الستارة تتقفل ، يعدي الوقت ، واقفة أية قدام المدرسة مستنية عربية تعدي عشان تركب وتروح ، تشوف زين واقف مع ساندي ومبتسمين وبيتكلموا ، تبتسم بيأس وتبص للأرض ، يقرب تاكسي ، تشاورله وتركب وتمشي ، تعدي الأيام ومازالت أية مراقبة اكونتات زين بس من بعيد لبعيد ، أية ف اوضتها ماسكة الفون بتتفرج ع صور زين ، تنزل دموعها ، يرن جرس باب بيتهم ، تقرب مامتها تفتح )
الام بفرحة : خليييييل !
خليل وهو بيحضنها : وحشتيني اوي
الام : وانت كمان ي حبيبي ، تعالى ادخل
خليل : اومال فين البت أية ؟
الام : ف اوضتها ، هقولها إنك جيت دي هتموت م الفرحة لما تعرف
خليل وهو بيقعد : ماشي
( تدخل الأم ل أية )
الام : بت
أية وهي بتمسح دموعها : نعم ؟
الام ب استغراب : ايه مالك ؟!
أية : لا كنت بسمع اغنية نكدية
الام : عارفة مين برة ؟
أية ب استغراب : مين ؟!
الام : خالك
أية وهي بتقوم بخضة : ايه !!
( تجري ع برة )
أية وهي بتجري ع خليل : خالووووو !
( يقوم خليل ، تهجم عليه تحضنه )
أية : وحشتني وحشتني وحشتني وحشتني
خليل : وانتي كمان ي قلبي ، عاملة ايه ؟
أية بعياط : خدني معاك بالله عليك خدني معاك
خليل ب استغراب : طيب مالك في ايه ؟!
( يذيد عياطها وتحضنه اكتر ، يبص لأخته ويشاورلها ب في ايه تشاورله بمعرفش )
خليل ب قلق : اهدي واحكيلي حصل ايه !!
أية وهي بتمسح دموعها : محصلش حاجة ، انت واحشني بس
خليل وهو بيقعدها وبيقعد جنبها : لو عاوزة فعلاً تيجي معايا هاخدك
أية : بجد ينفع ؟
خليل : ينفع طبعاً ، انتي خلصتي امتحانات الثانوي وممكن تكملي الكلية برة عادي
أية بسرعة : وانا موافقة
الام بخضة : موافقة ع ايه لا طبعاً ، عاوزة تسيبيني !
أية بحزن : بالله عليكي تسبيني اروح معاه
الام : بس .........................
خليل : سبيها ي مديحة تغير جو ولو زهقت هرجعهالك تاني
الام بقلق : طب وابوها هيوافق !
خليل : لما اسيبله مصاريف دراستها ويحطها ف جيبه هيوافق
الام : طب .............................
أية ودموعها بتنزل : ماما عشان خاطري
الام ب تنهيدة : طيب ي أية ، براحتك !
( تعدي الأيام ويخلص خال أية اجراءات السفر بتاعتها وفعلاً تسافر معاه ، ف لبنان ، جوة بيت صغير يشبه الڤيلا فوق جبل ، يوصلوا أية وخالها قدام البيت ، ينزلوا م العربية )
الخال : ايه رأيك ف الجو دة ؟
أية وهي بتبص حواليها ب اندهاش : حلو اوي ي خالوا بجد !
الخال : هتعجبك العيشة هنا اوي
أية : اكيييد
الخال وهو بينزل الشنط م العربية : بكرة الواد اسلم يرجع م الجولة بتاعته ويلففك لبنان حتة حتة
أية : يرجع بالسلامة ب اذن الله
( يقربوا ع الباب ، يفتحوا الخال ، وفجأة ................................. )
كيلي واطفال : Surpriseeeeeee
أنت تقرأ
قصة : ( لا ترخي يديك ) ل سهيلة سعيد المنجي
Romance_ الأن سأقفز نحو قلبك ، هل بأمكانه الالتقاط ، هل سيمسك بيدي ، سأفعلها الأن وللتذكير انا لا اجيد القفز ، ف حذاري وتركي للسقوط ، فليس لي بعد ربي سواك .
