قصة : ( لا ترخي يديك ) ل سهيلة سعيد المنجي

الحلقة ٣ و ٤

قصة : { #لا_ترخي_يديك } 🙏💙

الحلقة الثالثة { ٣ } ✨

( تشاورلها ب اة )
الام : المهم انتي عاملة ايه ف مذاكرتك ؟
أية : ماشي الحال
الام : شدي حيلك الأمتحانات داخلة
أية : حاضر
الام وهي بتقوم : هقوم انام ، عاوزة حاجة ؟
أية : سلامتك
( تمشي الأم ، تتنهد أية ، يرن ماسدچ ع الواتساب ، تمسك أية الفون تفتح المسچ )
احلام : بت
أية : ايه ؟
احلام : عيد ميلاد زين بعد بكرة
أية : م انا عارفة طبعاً
احلام : جبتي هدية ؟
أية : لا لسة هنزل بكرة بعد المدرسة
احلام : اشطاا هاجي معاكي
اية : اشطاا متعرفيش هيعمله فين ، منزلش ستوري ولا قال !
احلام : مأجر ڤيلا هيعمله فيها وعازم قرايبه وصحابه
احلام : هو عزمك ؟
اية : لا بس انا راشقة طبعاً
احلام : طبعاً ، هتجيبيله ايه ؟
اية : هتشوفي بكرة
احلام : ماشي
( ف بيت زين ، قاعد مع بباه )
الاب : عامل ايه مع البنت الي مطهقاك دي ؟
زين بزهق : اديك قلتها ، مطهقاني
الاب ب استغراب : انت ليه مش عارف تتقبلها ؟!
زين : عشان مفيش حب بالطريقة دي !
الاب : الحب طرقه كتير بس مش كلها بتيجي ع هوانا
زين بتنهيدة : يمكن
( تاني يوم ، الكل قاعدين ف الفصل بس المدرس لسة مدخلش وزين لسة مجاش )
اية وهي قاعدة ف مكانها : نچوم الليييل والقمر ما بيااا ، حتى قلبي راح يهضر ويشكي عليااااا ، لاموني عليك وقالولي ننساااااااك
( الكل قاعد بيسمعلها )
اية : كي ندير ننساااك وعقلي راح معاااااااك ، نعذر قلبي هو اللي يهواااااااك
( يدخل زين )
ايه وهي بتقف ع الكرسي : وانزل ي جميل ف الساحة ، واتمخطر كدة بالراحة
( يقوم الكل يرقصه ويسقفه ل زين ، يتحرج )
اية والباقي : مااااالك طالع ف العالي ، ي شاغل قلبي ليالي
( يبتسم زين ب احراج ويقعد والباقي يرقص ويسقف مع أية ، تقرب ساندي تقعد جنب زين )
ساندي : كل سنة وانت بخير
زين ب ابتسامة : وانتي بخير ، هتيجي بكرة صح ؟
ساندي : اكيد
( تلمحهم اية ، تضايق ، يدخل المدرس ، كل واحد يقعد مكانه ويبدأ اليوم الدراسي ، يعدي الوقت ، يخلصه البنات مدرسة ويروحوا المول يشتروا الهدية ويروحوا ، ييجي الليل ، اية قاعدة بتذاكر ، يرن فونها ، تمسكه )
اية بفرحة وهي بترد : خالوووووو
الخال : قلب خالو من جوة
اية بحب : واحشني اوي اوي اوي اووووي
الخال : وانتي كمان ي حبيبتي ، عاملة ايه ؟
أية : انا فل الحمدلله ، انت عامل ايه ؟
الخال : بخير الحمدلله
اية : دايماً ي حبيبي
الخال : عاملة ايه ف الدراسة ، طمنيني ؟
اية بفخر : رافعة راسك كالعادة طبعاً
الخال : حبيبة قلبي عارف طبعاً
اية : طنط كيلي عاملة ايه ؟
الخال : كويسة ي قلبي بتسلم عليكي ، مش ناوية تيجي بقا ونشوفك
اية : اول طيارة وهكون عندك ع طول
الخال : ههههه هستناكي ع الغدا
اية بضحك : ههههههه ، والله وحشني اكلك الجميل
الخال : واحنا وحشنا شقاوتك وجنانك
اية : مش ناويين تنزلوا اجازة ي خالوا بقا
الخال : انتي عارفة والله ميقدروش يستغنوا عني ف الشغل ودراسة الولاد ، بس بحاول اليومين دول والله
اية : حاول بالله عليك عشان واحشني
الخال : حاضر ي قلبي ، سلميلي ع ماما وبابا كتير
اية : عنيا حاضر
الخال : مش محتاجة اي حاجة ؟
اية : لا ي حبيبي سلامتك
الخال : لو احتاجتي اي حاجة تقوليلي ع طول
اية : اكيد طبعاً
الخال : مع السلامة ي قلبي
اية : مع السلامة ي خالو
( تقفل أية وتفرح جداً بالمكالمة ، تاني يوم بالليل ، ف عيد ميلاد زين ، جوة ڤيلا متزينة ومترتبة للعيد ميلاد ، قاعد زين ع ترابيزة مع اهله وصحابه منتشرين ف المكان مع حالهم ، توصل أية واحلام )
اية : هديله الهدية الأول وبعدين اقعد
احلام : ماشي ، هقعد انا هناك مع العيال
اية : اوك هخلص واجيلك
( تمشي احلام تقعد مع صحابها ، تلف اية يمين وشمال بتدور ع زين ، تلمحه واقف مع اهله ، تقرب عليه )
اية وهي بتمدله ايدها : ازيك ؟
( يبصلها بتوتر ويبص لأهله الي باصينلهم )
زين وهو بيسلم عليها ب احراج : الحمدلله !
اية وهي بتديله الهدية : كل سنة وانت بخير
زين وهو بياخدها : تسلمي !
اية : افتحها
( يبصلها بخضة ويبص لأهله ب احراج )
زين وهو بيحطها ع الترابيزة : هبقا افتحها بعدين !
اية : طيب اوك
( تبص ل اهله )
اية ب ابتسامة : كل سنة وانتوا بخير
الكل : وانتي بخير !
( تمشي اية تروح تقعد مع احلام ، بعد شوية )
اية بملل : بقولك ايه ، انا زهقت ، ايه عيد الميلاد التسعيناتي دة !
احلام : واحنا مالنا يختي ، احنا شوية وماشين
اية وهي بتقوم : استني طيب
احلام بقلق وهي بتمسك ايدها : بت اقعدي متفضحيناش ، احنا مش ف المدرسة هنا !
اية وهي بتشد ايدها منها : اصبري بس
( تقرب اية ع ال dg وتكلمه ف ودنه )
ال dg : عنياااا
( يشتغل مهرجان *مبحبكيش* يتخض زين واهله وينفعله الشباب والبنات مرة واحدة ويقوم الكل يرقص ، اية واقفة جنب ال dg بترقص ، يشوفها زين يعرف إن هي الي شغلت المهرجان ، يبصلها بيأس )