قصة : ( لا ترخي يديك ) ل سهيلة سعيد المنجي

الحلقة ١٩ و ٢٠

قصة : { #لا_ترخي_يديك } 🙏💙

الحلقة التاسعة عشر { ١٩ } ✨

( يقرب اسلم يقف جنبها ويسند ايده ع السور الي وراه )
اسلم وهو باصص للأرض : فعلاً دة غلط 😒
أية وهي بتبص للأنورا ودموعها بتنزل : نفسي ابطل اعمل كدة .. نفسي ابطل اهين مشاعري وقلبي .. نفسي 💔
اسلم : مش كل حاجة نحس بيها ينفع نقولها .. بس لينا الحق اوي إن نقول بحبك .. لإن لو مقلنهاش عيونا هتفضحنا .. ازاي انا عيوني مش فضحاني ؟
( تبصله ب خضة )
اسلم وهو بيبصلها : مش شايفة نفسك جواها ؟!
( تنزل دموعها )
اسلم : وقت م جيتي حكتيلي ع جبر خفت .. خفت بجد الي هو ايه دة في ايه مالك بيها دي بتاعتي انا .. بس قلة اهتمامك بيه خوفني اكتر إنك تكوني شايلة الفكرة من بالك بسبب الي حصلك .. ف سكت .. قلتي إننا صحاب مصدقتكيش .. يمكن عشان انا مكنتش عاوز اصدقك مش عشان دة صح او لأ .. انا كمان بحبك ي أية .. ويمكن من قبل م انتي تحسيها انا حسيتها ♥️✨
( ترتبك اية وترجع ل ورا وتنسى إنها ع السور تفلت ايدها يلحقها يضمها ل جوة بسرعة تبقا واقفة قصاده )
اسلم وهو ايده ف وسطها مقربها منه اوي : ومش مجرد حب .. انتي الي عاوز اكمل حياتي معاها ♥️
أية ودموعها بتنزل : كل دة بجد ولا بتجبر ب خاطري 😥
اسلم ب ابتسامة : والله بحبك .. كل حاجة فيكي بحبها .. كنت بضغط عليكي ف التمارين عشان تفضلي معايا اطول وقت ممكن وافضل ماسك ايدك وانا بمرنك .. لمسة ايدك كانت بتحسسني إن كل حاجة ف العالم دة ثابتة إلا انا .. انا مش ع الأرض .. مش حاسس بيها .. مش حاسس غير بيكي .. كأني تهت ونسيت انا كنت فين وفجأة لقيتك قصادي 🤍✨
( تذيد دموعها ، يبوس دماغها ، تترمي ف حضنه ، يبتسم ويحضنها )

*( مجدر خوفك انكسرتي من جبلي كتيييير ، ولما شوفك راح اثبتلك إنه انا غيييير ، بنهرب يوم وبنسمي نچوم اسامي غريبة لإنها هتدوم ، وكله كوم ولما اچي ابوس الأيدين الشعور مش معقول ، وانا وين اروح هالحب مش ب أيدي حبيتك ، ولو تعطيني فرصة راح اثبتلك إن حبنا غير ، هخبيكي عن عيونهم لإنه جلبك ابيض من الغيوم ، راح احميكي انا منهم انتي ملاكي ي چنة هالكون .. 💙✨ )*

( تنتبه ل حضنه ، تتحرج وتبعد )
اية ب احراج : معلش بس اصل متوقعتش دة رد فعلك 😅
اسلم : من وقت م جيتي هنا .. اول م ماما قالتلي إنك وصلتي قلت تمام وحلو .. بس عمري م اتخيلت إنك هتفرقي اوي كدة ف حياتي ♥️
اية : من امتى حسيت بتحبني ؟
اسلم : من لما شفتك واقفة فوق السرير وبترقصي ع المهرجان ومتأثرة اوي 😄
أية ب خضة : يلهوي انت كنت شايفني 😮
اسلم : اه الباب كان مفتوح
اية ب احراج : احيييييه ي فضحتي 🤦🏻‍♀️
اسلم : ههههههه 😂
اية ب استغراب : بس ازاي وانت كان عندك حبيبة وقتها ؟!
اسلم : بالظبط ودة الي خلاني متكلمتش ولا لمحت .. لإنه مينفعش .. قلت يمكن صلة رحم حب قرايب واخوات وسكت 🤷🏻‍♂️
اية ب فهم : امممم
( يسكتوا باصين لبعض )
اسلم : ممكن اسألك سؤال كنت هموت واسأله
اية : اكيد
اسلم : الرسمة الي كنتي رسمهالي .. ليه رسماني حاضن بنت .. ليه مش راسمة وشي لوحده عادي !
اية : عشان كنت شيفاك كدة وقتها .. كنت شيفاك حضن .. طبطبت ع قلبي من غير م تلمسه 🙂♥️
اسلم : وعد مني هبقالك كدة دايماً .. هكون سبب ف اي حاجة تفرحك ♥️
أية ب حب : حبك دة اكتر حاجة فرحتني ي اسلم ♥️
( يبتسم ويمسك ايدها يبوسها ، بعد شوية ، أية ف اوضتها بتتكلم ف الفون )
أية ب فرحة وحماس : بقولك قالي بحبك قالي بحبك 😍 انا فرحانة اوي اوي اوي 🥺 ايوة .. طلع إن حد يقولك بيحبك دة احساس حلو اوي ي احلام .. دة اجمل احساس ف الدنيا .. خصوصاً لو ف قلبك نفس المشاعر ♥️
( يعرفوا صحابهم ب خبر ارتباطهم ويفرحوا جداً ، تعدي الأيام والشهور وعلاقة اسلم ب أية بتتطور وف شغلهم كمان والسيرك بيكبر والناس بتعرفهم اكتر وبتجيلهم من كل مكان ومستمرين ع العروض ، ف مكان التمرين ، قاعد اسلم ف الأرض وفارد رجله وبيعمل تمارين وف نفس الوقت ماسك كتاب بيذاكر ، أية واقفة بعيد بتتمرن ، تبصله وتبتسم 🙂 )