قصة : ( لا ترخي يديك ) ل سهيلة سعيد المنجي

الحلقة ١ و ٢

قصة : { #لا_ترخي_يديك } 🙏💙

الحلقة الأولى { ١ } ✨

( شهر 7 ، سنة 2021 )

( جوة شقة ديكورتها باللون الجراي والأبيض وعفشها بسيط ومودرن ، جوة اوضة ، واقف شاب لابس بنطلون اسود وماسك فون ف ايده ، يرمي الفون ع السرير ويمسك قميص ابيض يلبسه ويزرره ، يتني الكم بتاعه وياخد جرافتة سودة يحطها تحت لياقة القميص ب اهمال ويقعد ع طرف السرير يربط كوتشيه الأبيض ويقوم ياخد الفون وشنطة مدرسة سودة ويطلع م الأوضة ، برة ع السفرة ، قاعد راجل ف الأربعينات حاطط تابليت قدامه بيتفرج عليه وبيفطر )
زين وهو بيقعد ع السفرة : صباح الخير

*( ملحوظة .. زين شاب وسيم ، بشرته بيضة ، عيونه عسلي ، شعره بني تقيل ، غمازة ف خد واحد ، طويل وجسمه رفيع ورياضي ، عنده ١٨ سنة ، ف تالتة ثانوي ، والدته متوفية من ٦ سنين وهو عايش مع بباه ، زين منطوي جداً وجد ف كل حاجة ، بباه رجل اعمال عنده سلسلة فنادق مشهورة )*

الاب : صباح النور ، عامل ايه ؟
زين : الحمدلله ، صاحي من بدري ؟
الاب : من ساعة كدة
زين وهو بياكل : اممممم
( يرن فون زين ، يمسكه )
زين : الو
تركي : ايه فينك ؟
زين : بفطر
تركي : لسة بتفطر ، انا تحت العمارة يلااا
زين : طب خلاص نازل ، باي
( يقفل زين ويقوم )
الاب وهو بيبصله : كمل فطارك ي بني !
زين : معلش تركي مستنيني تحت
الاب : طيب سلملي عليه
زين وهو بيلبس شنطته : يوصل
( يمشي زين ينزل لصاحبه )
تركي : كل دة ي عم
زين وهو بيقرب ع عربية : معلش يلا
( يركب زين يسوق وتركي جنبه ويمشوا ، ف منطقة قريبة من منطقة زين بس ع ابسط شوية ، جوة شقة ف عمارة بسيطة ، جوة اوضة ، يتفتح بابها بهدوء وتخرج بنت بتمشي بالراحة ع اطراف صوابعها وف ايدها الشوز بتاعها وشنطة مدرسة ع كتفها ، وفجأة .............................. )
الأب ب انفعال : بتتسحبي كدة ليه ي روح امك !
( تتخض البنت وتغمض عيونها بتنهيدة )
الأب وهو بيقرب عليها : مش قلتلك امبارح تسيبيلي المصروف بتاعك ، مسيبتهوش ليه ؟!
أية بزهق : ي بابا دي مصاريف المدرسة !

*( ملحوظة .. أية بنت جميلة ، بشرتها بيضة ، عيونها دهبي ، شعرها بني قصير جداً شبه الولاد نازل ع عيونها ، قصيرة وجسمها مظبوط ، ظروفها المادية بسيطة ، والدها موظف حكومي ومامتها ربة منزل )*

الاب بتريقة : خدنا ايه يعني من تعليمك يختي ، هتطلعلنا دكتورة ولا مهندسة
أية : وهو يعني انا الي باخد منك حاجة دة خالي الي بيبعتلي الفلوس دي ، انت اصلاً متقدرش ع مصاريف مدرسة زي ديا !
الاب وهو بيذغدها بغيظ : ي بت بطلي ام لماضة وهاتي الفلوووس
أية بوجع : اااه ، طب بص العصفورة
الاب وهي بيتلفت حواليه : عصفورة ايه ؟
( تجري أية تمشي م البيت )
الاب بغيظ : ي بنت الكلب هتروحي مني فييين !
( تاخد أية نفسها ب ارتياح اول م تخرج م العمارة )
اية وهي بتلبس الشوز بتاعها : كل مرة يقع ف نفس المقلب ههههه
( تركب عجلتها وتمشي ، توصل قدام المدرسة قريبة م البيت ، تقابل صاحبتها )
احلام : صباحووو ي قصير
أية وهي بتركن العجلة : صباحوو ي برووو
( يدخله المدرسة ، تشوف زين وصاحبه ماشيين قدامهم )
أية وهي بتبص ل زين : جوزي وصل ، هروح اصبح عليه
احلام : يخربيتك ، والله هتتشتمي ف مرة !
أية بهيام : يارييييييت
( تقرب أية ع زين تمشي جنبه )
أية وهي بتزقه بكتفها : ي صباح التفاح
( يبصلها ويضير وشه )
أية وهي بتزقه تاني : ي عم رد الصباااح
( يغمض زين عيونه بتنهيدة )
أية : انت شوفت الڤيديو الي بعتهولك امبارح ؟
( يبصلها )