قصة : ( لا ترخي يديك ) ل سهيلة سعيد المنجي

الحلقة ١٣ و ١٤

قصة : { #لا_ترخي_يديك } 🙏💙

الحلقة الثالثة عشر { ١٣ } ✨

( يفرح الكل ، يقوم اسلم )
اسلم : كل واحد ع تمرينه يلا ، ورانا حاجات كتير والوقت ضيق
( يقوم كل واحد ع تمرينه )
اسلم ل أية وهو بيمشي : تعالي اما اشوف اتعلمتي ايه
( تتوتر أية وتروح وراه )
اسلم وهو بيقف : قدر معلش خليكي عند الميوزك لما نجهز شغليها
قدر وهي بتقرب ع السماعة : اة حاضر
اسلم وهو بيقلع الچاكيت : قربي
( تقرب أية بهدوء وتوتر ، يلاحظ اسلم ، يقرب هو يقف قصادها ويرفع كم قميصه )
اسلم : جاهزة ؟
( تشاورله ب أة ، يحط ايده ف وسطها ، تتخض وتزقها بتلقائية )
اسلم ب استغراب : ايه !
أية ب احراج : معلش اسفة !
( يحط ايده تاني ، جسمها يترعش ، يلاحظ ، تحط ايدها ع ايده )
اية وهي بتزق ايده : استنى طيب !
اسلم بتنهيدة : اوك !
أية : اوك يلا
( يحط ايده تبعد )
اسلم بنفاذ صبر : كدة مينفعش ، اومال كنتي بتتمرني مع المدرب ازاي ؟!
قدر : كانت لهلوبة والله !
اسلم : اومال ايه طيب ، مش عاوزة ؟!
أية بخضة : لا لأ عاوزة والله ، يلا اهو جاهزة يلا
( يحط ايده ف وسطها ، تحاول متبينش اي رد فعل بس هي من جواها هتموت م الأحراج ، تحط ايدها ع كتفه والأيد التانية تحطها ف ايده ودة يحرجها اكتر )
اسلم : جاهزة ؟
أية وهي بتبصله : اة !
اسلم وهو بيبص ل قدر : شغلي
( تشغل قدر الأغنية ، ايده تبقا ف ضهرها ، يوترها اكتر ، يبدؤا يتحركوا ع نغمتها وأية هتموت م التوتر واسلم ملاحظ الفرق الكبير بينها وبين ريتال لإن ريتال كانت واخدة عليه ف كانت بترقص بكل ارتياح )
اسلم وهو بيقف : محتاجة تتمرني اكتر !
( تطفي قدر الأغنية )
اسلم : حركتك بطيئة ومش ف مكانها ورتم الأغنية سريع !
اية : اة !
اسلم : كتري من تمارين المشي 
اية : حاضر
اسلم : روحي ابدأي
أية وهي بتمشي : اوك
( تمشي أية وتقرب عليه قدر )
قدر : ايه ؟
اسلم ب احباط : زي م انتي شايفة !
قدر : ع فكرة هي مكانتش كدة خالص مع المدرب !
اسلم : انا الي موترها يعني ؟!
قدر : انت بتتعامل معاها بكل جدية مش سايبها تاخد راحتها معاك او تتعود عليك الأول ، قافش كدة معرفش ليه !
اسلم : قدر مفيش وقت للتعامل اللين دة !
قدر : م انت لو معملتش كدة هتخسرها ، بقولك كانت غزال مع المدرب ورقصها تحفة ، جت معاك انت وترتها واحرجتها !
( يتنهد اسلم )
قدر : خليها تاخد عليك الأول ، واحدة واحدة اوك
اسلم : اوكي 
( يعدي الوقت ، أية ف اوضة الچيم بتجري ع المشاية ، يدخل اسلم )
اسلم : أية كفاية كدة !
( توقف المشاية )
اسلم : بقالك كتير هتتعبي !
أية وهي بتنزل من ع المشاية : انا تمام
اسلم : غيري هدومك عشان نروح 
أية : حاضر
( يمشي اسلم ، تدخل أية تغسل وشها وتغير هدومها وتمشي مع اسلم ، يقفوا عند سوق )
أية ب استغراب : وقفت ليه ؟!
اسلم : انزلي نتمشى شوية
أية : اوك
( ينزلوا يدخلوا السوق يتمشوا )
اسلم : متزعليش مني لو بتعامل معاكي بحدة وقت التمرين
أية : لا مش زعلانة م دة الصح وقت التمرين مفيهوش هزار
اسلم : امممم ، خطوة خطوة هتبقي تمام
أية : ب اذن الله مش هخذلك
اسلم وهو بيبصلها : عارف
( تبصله وتبتسم وبعدين تبص ع خطواتها ف الأرض ، تبدأ تمشي رجل قدام رجل كأنها بتقدم عرض ازياء ، يلاحظ ، يبص لخطواتها ويبدأ يعمل زيها ، تبص لخطواته وبعدين تبصله ، يرفعلها حواجبه ، تضحك ، يلاقوا بياع ايس كريم مشغل موسيقى ، يقف اسلم ويبدأ يحرك رجله مع الموسيقى ، تقف جنبه أية وتبدأ تراقب حركات رجله وتقلده ، يبتسم ويرقص معاها ، يعلي البياع الصوت وينتبهلهم الناس ويبدؤا الي يقف يتفرج والي يقف يرقص معاهم ، تتلم الناس كتير ، يلاحظوا ، ياخد ايدها ويجروا وهما بيضحكوا )
أية وهي بتقف : ههههه اااه مش قادرة !
اسلم وهو بيمشي : م انتي زي الفل اهو ، اومال كان مالك انهاردة !
أية وهي بتمشي جنبه : مش عارفة ، حسيت إني خايفة ، ومحروجة
اسلم : طب محروجة ممكن عشان دي كانت اول رقصة لينا ، اما خايفة ليه ؟!
أية : خايفة ميخرجش مني الي انت متوقعه ، وفعلاً دة الي حصل
اسلم : بس دة مش سبب لخوفك ، دة خوفك هو الي اتسبب ف دة !
أية : اسلم انا عاوزة ارجع اشوفك مبسوط تاني
( يبص اسلم ف الأرض ويحط ايده ف جيبه )
أية : عوزاك ترجع اسلم الي شوفته ف اول مرة لما جيت هنا ، عارفة الي حصل كفيل يغيرك ، بس لو انت متخطتهوش هتفضل واقف ف مكانك !
اسلم : انا كويس والله ، كل الحكاية إني حسيت إني بخسر حاجة تانية بحبها وهي شغلي ، لإني فقدت شغفي ف اي حاجة كانت مهمة عندي
أية : كل حاجة هترجع زي الأول واحلى والله صدقني ، بس انت متستسلمش
( يشاورلها ب أة ، تشتغل اغنية *shapee of you* )
أية : بحب الأغنية دي
اسلم : اهاا حلوة
اية : اول مرة سمعتها لما اخدتني اتعرف ع صحابك ، يوميها شغلتها ورقصت عليها انت وريتال ،  كان عاجبني رقصكم اوي ، لدرجة إني اتخيلت نفسي مكانها من كتر الحماس !
( يبتسم اسلم بحزن ، تاني يوم ، ف مكان التمرين ، أية ف اوضة فيها مرايات ، شغالة اغنية *سنيوريتا* وبترقص عليها ، يقرب اسلم يشوفها ، يبتسم ، رقصها فعلاً حلو ، يدخل ، تشوفه تتحرج وتوقف رقص ، يمدلها ايده ، تبتسم بكسوف وتاخد نفس عميق وتقرر إنها مش هتخاف تاني وهتبقا اقوى ، تحط ايدها ف ايده ، يشدها عليها ويبدؤا يرقصوا ع انغام الأغنية ، بس المرة دي أية بترقص براحة اكتر وافضل كتير م الي فات وبكل حماس ، برة شايفينهم ف الكاميرات وواقف الكل بيتفرج ، تخلص الأغنية ، يسقف الكل ويفرحوا إنهم اخيراً بدأوا يندمجوا ، تعدي الأيام )

*( قبل المسابقة بيومين )*