قصة : { #لا_ترخي_يديك } 🙏💙
الحلقة السابعة { ٧ } ✨
( يعدي الوقت ، ييجي الليل ، أية قاعدة ف اوضتها بتلعب ع الفون ، تسمع صوت زبزبة وصب عالي وموسيقى ، تستغرب الصوت قريب وجاي من ناحية البلكونة ، تقوم تدخلها ، متلاقيش حاجة بس الصوت مستمر ، يسكت ويرجع يشتغل تاني ، تفتكر إن دي اوضة اسلم ، ترجع تقعد ع السرير تكمل لعب ف الفون ، الصوت عالي )
أية بزهق : انت مزعج ي اسلم ، مزعج مزعج مزعججججج !
( تهبد الفون ع السرير وتقوم تطلع البلكونة تاني ، تسند ع السور وتبص ع بلكونته )
أية : تيراااااريراااا اناااا انا بعشقك انا ، انا كلي لك انا ، انا انا ، انا انا ، انا انا انا
( تطفي الأغاني )
أية بصوت عالي : انااااااااااا الله يخربيتك صدااااااعت !
( تتخض لإن الأغاني انطفت وصوتها بقا واضح ، يطلع اسلم البلكونة ، ترتبك أية ، تلف ولسة هتدخل ............................ )
اسلم : اسف ع الأزعاج !
( تغمض عيونها بندم وتلفله )
أية ب احراج : ااا لا لأ عادي خد راحتك مش مزعج خالص ، بس انت بتعمل ايه ؟!
اسلم : بظبط موسيقى جديدة للعرض الجاي
أية بعدم فهم : مش فاهمة معلش !
اسلم : بصي احنا باند
أية : فرقة ؟
اسلم : بالظبط فرقة ، مكونة من بنتين و٣ ولاد دول الأساسيين ، استني هوريكي احسن م اشرحلك مش هتفهمي ، تعالي
أية : اجيلك الأوضة ؟!
اسلم وهو داخل م البلكونة : ايوة تعالي
( تدخل أية الأوضة تاخد فونها من ع السرير وتطلع من اوضتها ، تقرب ع اوضته ، لسة هتخبط يفتح الباب )
اسلم وهو بيدخل : تعالي
( تروح وراه ، يقعد ع سريره ويمسك اللاب توب ، تقرب تقعد قصاده )
اسلم وهو بيدخل لجوة وبيشاورلها جنبه : تعالي هنا عشان تشوفي
أية وهي بتقف : طب م نقعد ع الكنبة احسن !
اسلم ب ابتسامة وفهم : اوكي
( تقعد أية ع الكنبة ، يقعد اسلم جنبها وع رجله اللاب توب ، يفتح صور )
اسلم : بصي احنا النوفو سيرك ودة مفيهوش اي حيوانات ف البيريد بتاعنا ، احنا اكروبات
أية بعدم فهم : بريد ، بريد ايه ؟!
اسلم : لا لا مش بريد ، بيريد العرض يعني
أية بفهم : اهاااا فهمت
اسلم وهو بيفتح صور : دي قدر
( تظهر بنت ماسكة حبل لفاه ع رجليها بتتمرجح عليه )
أية ب اعجاب : الله حلوة اوي
اسلم : ودة عميرة ساحر
أية بحماس : اهااا
اسلم : ودة جبر بيمشي ع الحبل
أية : صعبة اوي اللعبة دي !
اسلم : اة جداً
أية وهي بتبصله : تقريباً دي اصعب حاجة ف السيرك صح ؟
اسلم وهو بيبصلها : يعني تقريباً اة
( يكمل لف ف الصور )
اسلم : ودة يوريك زي م انتي شايفة كدة ، بيمشي فوق الدايرة دي وبتقعد تلف
أية : لا فعلاً دي اصعب !
اسلم : هو عمتاً مفيش حاجة سهلة للي مش فاهم فيها
أية : هو كله شباب كدة مفيش غير بنت واحدة ي عيني !
اسلم وهو بيقلب ف الصور : لا في بنت تانية ، دي ريتال
( تبان ريتال ف صورة مع اسلم واقفين وضعية رقصة وباصين لبعض )
أية ب اعجاب : الله حلوين اوي
اسلم : اممممم
أية : يعني انت رقاص الفرقة ؟
اسلم : هههههههه
أية بندم : احيه مش قصدي والله ، اقصد دي فقرتك يعني !
اسلم بضحك : ايوة دي فقرتي ، الرقاص
أية : هههههه انا اسفة !
اسلم : ولا يهمك ، بس مش دة بس تخصصي
أية : اومال ايه تاني ؟
اسلم : الترابيز
أية بعدم فهم : دة يعني ايه ؟!
اسلم وهو بيقفل الللاب : لا دة تشوفيه ع الحقيقة احسن ، ايه رأيك تيجي معايا بكرة مكان التدريب اعرفك عليهم
أية ب حماس : بجد ينفع ؟
اسلم ب ابتسامة : ينفع
أية : اشطااا
اسلم ب ابتسامة : انتي عشرية اوي
أية ب استغراب : انا !
اسلم : اتوقعت إنك مش هتحبي تتعاملي معايا ، هتحسي إني غريب عنك !
أية : انتوا كلكم هنا اهلي ومش حاسة بغربة مع حد فيكوا خالص ، بالعكس دة انا مطمنة هنا اكتر م كنت مطمنة ف بيتنا !
اسلم ب ابتسامة : انا مبسوط بوجودك معانا
أية : تسلم
( تقوم تقف )
أية : هروح اوضتي بقا واسيبك ترتاح
اسلم وهو بيقف : اوكي
( تمشي أية ، يرن فون اسلم ، يمسكه )
اسلم : ايه ي بيبي
( يعدي اليوم ، تاني يوم ، تنزل أية تفطر معاهم )
اسلم وهو بيقوم : أية هستناكي برة
أية : اوك
كيلي : رايحين وين ؟
اسلم : هعرف أية ع الباند
كيلي : حلو كتير ، هتنبسطي اوي معاهم
أية : اة
( يمشي اسلم ، أية قاعدة بتاكل وماسكة فونها ، تفتح ستوري الواتساب بتاعت زين ، تلاقيه منزل صورة ليه هو وساندي وكاتب engagement soon تتخض وتقوم تقف )
الخال : رايحة فين ، كملي اكل !
أية ب ارتباك : اااا لا كلت ، كلت !
( تطلع تجري ع اوضتها ، تدخل وتقفل الباب ، تمسك الفون ، تدخل شات احلام بسرعة )
أية : بت
اية : بت ردييييييي !
احلام : في ايه ؟!
اية : هو زين هيخطب ساندي ؟
احلام : كان قرا الفاتحة الأسبوع الي فات ، بس انا مردتش اقولك عشان متزعليش !
( تسيب أية الفون وتنزل دموعها وتعيط وبعدين تمسك الفون تاني تفتح شات زين وتكتب )
: انا وحشة صح ؟
: ايوة انا وحشة
: فيها ايه دي زيادة عني ؟
: فيا ايه انا ناقص عنها ؟
: هي احلى ولا انا الي متحبش ؟
( يشوف زين الكلام )
: يمكن عشان هي تقلت عليك صح ؟
: ايوة اكيد تقلت عليك اما انا كنت رامية نفسي
: انا لو تقلت كان زمانك بتجري ورايا صح ؟
( زين عمال يقرا وساكت ومش عارف يرد يقولها ايه )
: انا مطلبتش منك غير حبك
: بس يمكن دي حاجة مكانش ينفع تطلب !
( لسة زين هيرد يلاقيها عملتله بلوك ، ترمي أية الفون ع السرير ويزيد عياطها ، اسلم تحت مستنيها تنزل ، يبص ف ساعته ، يلاقي نفسه هيتأخر ، يرجع يدخل البيت )
اسلم : فين أية ؟!
كيلي : طلعت اوضتها
( يستغرب اسلم ويطلع ، يقرب ع اوضتها ويخبط ، أية نايمة ع السرير عمالة تعيط ، يخبط اسلم تاني )
اسلم ب استغراب : اية ، انتي جوة ؟!
( تقوم أية وتمسح دموعها وتاخد نفس طويل وتفتح الباب )
اسلم وهو بيبصلها ب استغراب : في ايه ؟!
أية وهي بتحاول تتماسك : مفيش
اسلم : ليه بتبكي كدة !
أية بصعوبة : بص ، روح انت مشوارك ، انا مش هقدر اروح معاك ، اوك
اسلم : طب قوليلي جرا ايه ؟!
أية ودموعها بتنزل : معلش امشي
( تقفل الباب ف ساعتها قبل م تسمع رده ، يتضايق اسلم عليها مش فاهم مالها ، يزيد عياط أية ، تقعد ف الأرض ، ف بيت زين ، يتخنق م الي حصل ، يطلع من اوضته ، بباه قاعد ف الأنتريه ، يقعد زين جنبه بتنهيدة )
الاب وهو بيبصله : مالك ؟!
زين بضيق : مش عارف ، حاسس إني مخنوق من وقت الي حصل !
الاب : لسة بتفكر ف الموضوع بتاع البنت دي ؟
زين وهو بيديله الفون : مش بفكر فيه ، بس بفتكره
( يقرأ الأب الشات )
الاب وهو بيبص ل زين : حاسس بالزنب ؟
زين : كل يوم ، وندمان اوي ، كنت اقدر ابعد بطريقة الطف من كدة ، وكمان الكلام الي بعتتهولي دة وجعني ، او حسسني بوجعها هي اكتر !
الاب : اصعب حاجة ف الدنيا احساس إنك ظلمت او اذيت ، إنك تبقا فاعل العن من إنك تبقا مفعول به
زين وهو بيقوم : عندك حق
الاب : رايح فين ؟!
زين : هغير هدومي وانزل اتمشى شوية
الاب : ماشي
أنت تقرأ
قصة : ( لا ترخي يديك ) ل سهيلة سعيد المنجي
Romance_ الأن سأقفز نحو قلبك ، هل بأمكانه الالتقاط ، هل سيمسك بيدي ، سأفعلها الأن وللتذكير انا لا اجيد القفز ، ف حذاري وتركي للسقوط ، فليس لي بعد ربي سواك .
