كال بس لازم تصير قوية تدرين اني سمعت ناس يكولون خطية وخطية وشوف حالهة ادمرت بدون اهلة كتلة لعد شسوي اني فعلا ادمرت كال ياحبيبتي كون قوية رفعي راسج والله ابوج ميحب يشوفج هيج ومن دسوين هيج بنفسج دتعذبيهم والله مسح دموعي كال. اريد منج شغلة كتلة شنو كال تروحين تسبحين وتبدلين ملابسج واني بيدي حسويلج الاكل بس قبل كولشي خابرت المحامي يجي يسجل املاك اهلج بأسمج لان الي يريدوهم هواي حسجلهن بأسمج ومن يكبر حيدر تتقاسمهن البيت هاذا اجري واني حخذج يمي تعيشين خوالج هم يريدون ياخذوج يمهم كتلة لالاماريد يم بيت جدي اتفاجئ كال ليش كتلة هيج كال اعتبريني اخوج وصديقج وابوج هم كتلة عمو مارتاح يمهم وابن خالي يتحارش بية انصدم كال اهلج اللة يرحمهم جانو يدرون كتلة لا لان هو كلي اذا تكولين ميصدكون بيج لان اصغيرة واني اخاف اروح يمهم اخاف كولشي يصير كال همزين كتيلي يحلمون ياخذج انتي بنت الغالي والغالية يلة حنزل اسويلج اكل بيدي واخليج ترجعين وردة حلوة وتخبل حرامات هل جمال يذبل اخذت ملابس ورحت اسبح نسيت اخذ منشفة رجعت دفتح الباب اسمع عمي يبجي يكول كسرت ظهري بدونك ياحسين هيج تعوف بنتك وابنك مفكرت بيهم اسمع شهكات. اول مرة اسمع عمي يبجي كال بس لتخاف والله لعيشهم احسن عيشة واخليهم بعيوني سمعتة كام رسن ركضت لحمام كلت بعد ما ابجي واباوع على وجهي الدموع تنزل من وحدهن خلاص مابجي البجي ميرجعهم سبحت وطلعت خالتي انصدمت كالت بالعافيه كتلة اللة يعافيج وين عمي كالت جوة هو اصلا يريدج. نزلت جوة شفتة كال هلا بالعافية مالتي. لبسي شال وتعالي لبست شال دخلت انصدمتت نفس الشاب عزاا شجابة وشعجب عمي مسوة شي من شافة ظليت مصدومة عمي كلي اكعدي اهنا وهو يباوع علية واني اباوع علية بصدمة. كلة عمي ضابط سيف هو كلة عيني كلة هسة كدامك حيصير كولشي انت الشاهد اذا اجوي خوالهة ياخذوهة لو يكولون ضحكتو عليهة واخذتو املاكهة. اني حسجل كولشي بأسمهة واخذهة يمي تعيش هو رسن كال بصدمة كال تأخذهة يمك عمي اتفاجئ على فزة مالتة كلة اي اخذهة يمي ميصير اعوفهة وحدهة هي واخوهة اهنا اخاف عليهة.....
يتبع......
