ظلت تحجي وياية هديل وتنصحني نفس نصائح خالتي لان اني دوم اتخابر واراسل خالتي وهي دوم تحجي وياية وتنصحني وشيصير وياية احجيلهة لان اعتبرتهة امي نفس طيبتهة وحنيتهة وخوفهة علية وعلى حيدر مرات تاخذ حيدر يمهة اسبوع اسبوعين وترجعة يمي واشكال تجيبلي وتشتري لحيدر المهم دتطلع هديل كتلهة هديل عليج الله اخذي حيدر عشي فدوة كالت ماشي من عيوني كلبي راحت ظليت ابجي واذكر محمد اشلون مد ايدة علية اوول مرة يزعلني ويمد ايدة علية كولش ضجتت منة بشكل فكرت بكلام هديل معقولة عمي يزوجة اوووف ياربي كلت اوي خلي يزوج ويطلكني وخرب باليبقة يمة اذا ازوج ظليت فوك منزلت ومحد صاحني على عشة ولا احد ذكرني جان عمي اذا ما انزل يصعد بنفسة يشوفني شبية بجيت بالزايد والله العظيم لو اهلي عايشين مجان صار كل هاذا اجة حيدر جايب صينية مال اكل كووة شايلهة كتلة عزا هاي شلون صعدتهة باوع ليورة طلعت اشوف منو ملكيت احد كتلة هاي منو دزهة كال عمو دزهة الج صفن علية كال لالا مو عمو اني اني دزيتهة الة امبين من حجية جذاب عمي دازهة فرحة كولش من عمي بعد مغير طبعا وميكدر يزعل علية بس مشتهيت اكل الاوجاع لي بجسمي موو طبيعية ظليت لدعش اخذت تليفون حيدر ونومتة نام وظليت كاعدة عيني على باب اجذب اذا اكول ما انتظر جنت كاعدة منتظرتة اجة بالوحدة بليل فتح الباب رسن سويت نفسي نايمة اخذ ملابس ودخل سبح طلع واني فتحتة تك عيني اشوف حركاتة اجة نام حضني دفعتة. رجع قرب علية كال ادري كاعدة ترة حط ايدي على بطني وخرتهة كتلة وخرررر بصوت عالي اشويةة كال اسف والله ساعة غضب مجان قصدي ائذيج والله مرديت علية كال اسف فرح احجي وياية والله ماتحمل اشوفج زعلانة مني كعدت كتلة شيفيد اسفك بلة حيطيب هل جروح نزعت الدشداشة وشوفتة ظهري وكتافي كتلة اسفك حيطيب هذنيييي هااا احجييي لو حيطيب اييدي هو ظل مصدوم كال والله مادري مااادري ساعة شيطان انتي نرفزتيني واني منا ضايج والله مجنت بوعي اسف اسففف بس والله اني اريد اصير اب كتلة اصير اب اني بعدني مو كد مسؤلية منو لي يحبل تسع تشر انت لو اني منووو لي يسهر لصبح انت لو انييي احجييي منووو كال.....
يتبع......
