مجاوبتة ظل يباوع علية اجة باسني من راسي وحضني اني شكد جنت محتاجة حضنة بس دفعتة وهو طلع هم اريد اكل ماكدر اكل باليسرة رجع اجة كال اساعدج بالاكل كتلة ماريد شكرا كال لتعاندين ظل يوكلني كملت انطاني العلاج ساعدني ابدل وطلعنة من المستشفى عمتي لكيتهة مجهزتلي غرفتي ومنظفتهة ولاو هي نظيفة بس شفت الدرج كمت ابجي. ساعدني محمد اصعد لغرفتي صعدت انجطلت ظل يعتذر من محمد محجيت شي وياة. رسن حضنتة وكمت ابجي بالزايد. كتلة والله تعبت تعبت كلبي ديوجعني محمد كال اتحملي كلة اختبار اللة يعوضج بالاحسن يحجي ويمسح على راسي كتلة كلهم عافوني كلهم كال لا اني يمج ووعد ماعوفج والله اظل يمج بس لتبجين كافي مسح دموعي وظل حاضني. اجة حيدر حضني ويبوس بية كال لج كلبة ليش عفتيني وحدي البارحه بجيت عليج حضنتة كتلة بعد ماعوفك والله نزل محمد جابلي العشة وهم كعد يوكلني اخذت العلاج ونمت ظليت اسبوع بغرفتي صرت احسن رجعت اتحرك بس قليل الدكتورة كالت لمحمد شهر متتقربلهة ومحمد ظال متكلي تكلي 😂💔 ظال على البوسات بس مرة اسبوعين عدل جنت بالمطبخ والكل مجتمعين خوات محمد اجني كتلة حمودي اريد بقلاوة وكيك كال اخاف حامل ولج كتلة لايمعود مو حامل كال تدللين هسة اروحلج راح فتح الباب نسيت اكلة يجبلي ببسي ركضت ورة فتحت الباب شفتة يحجي وياة سيف دخلت بدون ميشوفني سيف عزاا هاذا شجابة بعدني بالكراج دتمشة بتجاه المطبخ صار رمي نار برة لزمت كلبي كلت محمد. عمي طلع ومحسن وعلي هم والبنات دطلع اشوف محسن عيط علية كلي دخلي جوة كمت اعيط وابجي ولكم محمد برة وعمتي كالت لا وين اكو است. جان جوة كتلة لالا محمد طلع كمت اعيط وابجي عمي تخربط واني اريد اطلع ميخليني محسن طلع محسن واجة ايدة وملابسة كلة دم. وعيط على هديل تجيب مفاتيح السيارة كتلة محسن فدوة فدوة محمد وين ميححي وياة كاال ريممم نسرين تعالوو دخلوهة جوة واني ايدي على كلبي متت فرفحت محد يحجيلي وريم حاضنتني وتبجي وابجي واكللهة ولجن كلبي ممطن صاير شي والله العظيم صاير شي اجتي نسرين تعيط وتملخ بروحة وتصيح راح اخوية ولج ريم راح اخوية. كمزت علية كتلة احجي منو منو محمد. وهي متحجي كتلةة ولللج احجييييي كمت املخ بروحي وريم وفاطمة يصيحن منوو ولج احجيييي منوووو كاالت......
يتبع
