مرة سنة واني يم بيت عمي اخذو ملابس محمد وكولشي يخصة بس اني ضميت قطعة مال ملابس كل يوم اشمهة يلة انام كاضيتهة بس ابجي وحابسة نفسي بالغرفة وعمي يجبرني اكل جنت نايمة الضهر اجاني حيدر فرح فرح اجة خالو حسن كعدت كتلة شيريد كال يريدج عمو يكول تعالي يريدج لبست شالي ونزلت شفت خوالي كال لمي غراضج يلة حناخذج ويانة بعد ماعدج شي اهنا كتلهم لا ماريد اريد اضل اهنا يم ذكريات محمد عمي كال لي راح راح ميرجعة بعد اخذني على صفحة كال روحي واذا سولج شي كلليلي خابريني وعوفي هل ذكريات وشوفي حياتج. الدنيا متوكف على شخص ماعرف مخذت ملابس هواي حسيت مراح اطول يمهم ولااخذت ذهبي ولافلوسي عفتهن واخذت جنطة اصغيرة كم قطعة الي ولحيدر رحنة طول الطريق خوالي يسولفون ويحجون على عمي بالموزين ومن احجي واردهم يعيطون علية وصلنة سلمت على بيت جدي ورحت ابدل وابدل لحيدر. بدلنة وطلعت كعدت يمهم شفت جعفر وهم نفس نظراتة البشعة والمقرفة عفتة مهتميت ظليت اتلاث تيام يمهم وكولش هادئات. جنت الظهر دنوم حيدر اجة خالي. حسن حتى مكال اطلب ايدج لزواج من جعفر رسن باجر حضري نفسج حينهي عليج جعفر رسن كمت كتلة شنوووو لووو شيصير ما اقبل مستحيل. بصياح كال لامستحييل ولابطيخ غصبن عليييج ترضين ماعدنة ابنية ترفض كمت اعيط كال عليمن تعيطين نزع العكال وموتني تموت اجة على ركبتي اخذ الكلادة والاسوارات هدية محمد كوة اخذت سوار واحد منة وضميتة كال هذولة الخابصتنة بيهم بس هاذا ذهبج بسسس امداهم الفكر بس هذني هم يجيبن سرعة يخببل كتلة جيبهن هذني ذكرة لي ظلتلي من محمد دفعني كال انعل ابوج لابو محمد دولي طلع وقفل الباب علية كمت ادور على تليفون دخابر على عمي ادك ماكو ادك ماكو مرة الرابعة شالة دحجي اجة جعفر واخذ تليفوني وركعة بالكاع وهم خلص علية كتلة لان يتمية وماالي احد هيج تسون بية وتكتلووون رجعوووني لعمييي اريد ارجع كال انعل ابوج لابو عمج اكعدي واسكتي اجتي بيال اخت جعفر كالت ام الزلم كل سنة بحضن رجال سنة بحضن محمد وباجر بحضن جعفر واللة اعلم السنة الجاية بحضن منو. هجمت عليهة موتتهة حقيير ياااكلبة لووو تمووتين ماازوج اخوج العاار ابو النسوون لو بي حض جان هسة مزوج وعندة اطفال بس هووو واحد ادبسزز ونسونجي وهي راحت كلتلة هيج واجة خالي موووتني تموت جسمي كلة دم صار واثار العكال على جسمي وكعت من طولي. كعدت على صوت حيدر يبجي كعدت حضنتة واني جسمي موتني تموت من الالم اوف ياعمي ليش خليتهم ياخذوني اتمنيت عمي يجي ياخذن اجة خالي كال كومي عمج يريد يشوفج رسن كمتت مصدكت امنيتي تحققت كال طلعت عندج املاك عمج حياخذج. يسجل املاك محمد بأسمج كال لتفرحين بس ترجعين كلهن اخذهن منج وداعتج. دطلع لزمني من شعري كال ديربااالج تفكين حلكج وتحجيلة شي هزيت براسي وطلعت. فرحانة بس اريد اوصل اشوف عمي.......
يتبع....
