انت اميري .. انتي قدري ... بقلم نور حمدي

الفصل ال 3

انت اميري .. انتي قدري.

الفصل ال 3
قدر وسليم ف المستشفي،  تليفون سليم رن.
سليم : الو
هايدي: ايوه ي بيبي انت مجتش لي خوفتني ليكون جرالك حاجه؟
سليم : انا اسف ي هايدي بس طلبوني ف شغل مهم جدا ورجعت تاني.
هايدي : امم طيب نعوضها بعدين يروحي ، باي
سليم : قفل من غير مايودع هايدي وهي استغربت جدا لان د اول مره .
هايدي : جراله اي دا من امتي عنده شغل بالليل ومن امتي بيقفل معايا كده ؟
لا لازم اعرف ف اي ؟
_____
ف المستشفي عند قدر وسليم.
قدر : حمدلله ع سلامة حضرتك.
سليم : الله يسلمك ومد ايده عشان يسلم ،انا اسمي سليم.
قدر مدت ايديها هي كمان وانا قدر.
سليم : قدر ؟  جميل اووي الاسم دا
قدر : شكر انا همشي انا بقي عن إذن حضرتك.
سليم : انتي راح فين ف الوقت دا احنا نص الليل.؟
قدر : انا مش عارفه راح فين بس اهو بتمشي ودمعه هربت من عنيها ومسحتها بسرعه قبل ما سليم ياخد باله بس هو لاحظ دا ؟
سليم : واضح ان حالتك صعبه طب بصي هعرض عليكي عرض حلو؟
قدر قاطعته : لا خلي عرضك لنفسك انا مش بتاعت الكلام دا ي استاذ ولحد هنا وكفايا عن إذنك.
سليم : انتي دماغك د فيها فيران افهمي بس هو انتي سمعتيني.
قدر : طب اتفضل قول اللي عندك خليني امشي.
سليم : هو انتي بتشتغلي اي ؟
قدر : مبشتغلش، بس انا ف كليه تمريض.
سليم : كويس طب بصي انا هخليكي ممرضتي الخاصه لحد ما جرحي دا يخف ومتقلقيش انا مش عايش لوحدي معايا خدم ف البيت ولو الوضع عجبك تقدري تشتغلي عندي .
قدر: اشتغل عندك ؟!
سليم : اهه لحد ما تلاقي شغل حتي .
متفكريش كتير تعالي وانتي هتشوفي بنفسك.
الدكتور دخل : حمدالله ع سلامتك ي سليم بيه .
سليم بغرور: متشكر.
قدر راحت ورا الدكتور
قدر : دكتور لو سمحت هو مين اللي جوا دا ؟
الدكتور استغرب من سؤالها وجاوبها،  دا سليم العتال من كبار رجال الأعمال ويعتبر أصغر واحد ف السن ، اهه والمستشفي د بتاعته.
قدر مش مستوعبه ازاي دا يطلع منه كل دا .؟
قدر دخلت الاوضه اللي فيها سليم .
سليم : ها قلتي اي.
قدر : طيب ربنا يسهل موافقه.
سليم : طب يلا نمشي عشان مبحبش ريحة المستشفيات د
قدر : يلا 
______
ف فيلا سليم .
قدر ف نفسها ياااه كل دي فيلا دي قصر مش فيلا وااو( والنبي لو خالتي فرنسا شافت الحمام دا تحلف تدفن هنا) جه ف بالها الجمله دي وابتسمت.
سليم : مش معقول هو انتي اللي شمس الدنيا بتطلع لما تطلع ضحكه منك .
قدر : حضرتك أوضتك فين ؟
سليم: يااه بالسرعة د
قدر : لو سمحت مش وقته الكلام د وياريت تقولي اوضتك فين عشان اغيرلك ع الجرح قبل ماتنام وتعرفتي اوضتي فين عشان انا تعبانه.
سليم بجديه: طب تعالي ورايا.
سليم نام ع السرير وقدر بدأت تغيرله ع الجرح ومركزه ف اللي هي بتعمله بس سليم مش هنااا خالص ، سارح فيها بمعني الكلمه، قدر انتبهت وحبت تقطع السرحان دا عشان متتوترش،  قدر : احم احم هي اوضتي فين .
سليم انتبه لها : اهه اهاا اوضتك هناك.
قدر : هناك فين ؟
سليم : متشغليش بالك هنادي ع حد من الخدم يجي يوصلك دلوقتي شوفي انتي شغلك.
قدر : انا خلصت اساسا.
سليم : اي دا بجد
امتي دا ؟
قدر بضيق: لو سمحت انا تعبانه.
سليم : حااضر حااضر انا اسف
نادي سليم ع حد من الخدم وطلب منهم يوصلو قدر لاوضه ترتاح فيها واختارها جنبه عشان تكون قريبه منه.
قدر حاولت تنام كتير بس اليوم كان صعب عليها اووي ، فضلت تعيط لحد ما تعبت ونامت
أما سليم فمش فاهم حاجه لحد دلوقتي ومش فاهم هو لي عمل معاها كده بس حاسس انها محتجاه وهو محتجلها اكتر.

______
ف صباح اليوم التالي
ف ف منطقه راقيه
بيت احمد .
احمد وندي وجميله متجمعين ع السفره بيفطروا.
( فلاش باك كده عشان الناس اللي بتنسي ، احمد دا والد امير وندي اخت امير وجميله مامته،  واللي مش عارف امير مين يروح يتعالج بق )
احمد: متقومي ي ندي تنادي اخوكي يجي ياكل هو بيسمع كلامك انتي .
ندي : والله ي بابا مش رادي يرد ع حد وقافل ع نفسه طول الوقت ومبنتكلمش.
احمد : طب متحاولي تاني .
ندي : يعني اعمل يابابا اكتر من كده وبعدين انا فاهمه امير سيبه وهو هيروق لوحده .
جميله : ي حبيبي يبني دا كان بيحبها اووي ي احمد تقوم تروح منه كده ف لمح البصر ، ربنا يخفف عنك يبني.
احمد : مهو بردو محدش قلها تنتحر هي لو بتحبه صحيح كانت جاتله ووقف جنبها لكن هي استسهلت  .
ندي : انت بتقول اي ي بابا حرام عليك البنت بعد مااتعرضت للاختصاب من جوز امها 3 مرات وابنك يقلها مش هتجوز غير لما ابني نفسي بنفسي ولا سأل فيها عاوزها تعمل اي .
جميله : ي جماعه اهدو اذكروا محاسن موتاكم،  وبعدين من امتي ي ندي بتعلي صوتك ع ابوكي.
ندي : انا اسفه مش قصدي عن اذنكو.
  ف غرفه امير .
امير ماسك صور نور وعمال يعيط ويتامل فيها وياخدها ف حضنه وبيفتكر كل موقف عدا عليهم وبيفتكر آخر موقف حصل بينهم.
فلاش بااك.
نور : ي امير انا مش قادره اعيش مع الحيوان دا ف نفس البيت ارجوك ي امير متسبنيش.
امير: انا عمري ما اسيبك ولا اتخلي عنك وكلها كام شهر واتخرج وصدقيني اليوم اللي هستلم فيه الشغل من هنا هاجي اتقدملك من هنا.
نور : امير انت مش محتاج فلوس انت تقدر تتجوز وانت عارف بس انت بتتلكك.
امير : انتي عاوزاني اتجوز بفلوس ابويا دا لا يمكن وبعدين انتي ازاي تشكي ف حبي ليكي.
نور :  انا مش بشك ي امير بس انت حججك مش مقنعه ....طب نكتب الكتاب و نقعد ف اي بيت بالايجار حتي عشان خاطري ي امير.
امير : انتي لازم تستني ي نور .
نور : لا مش لازم ي امير عن إذنك.
امير : نور نور
فلاش بااك
امير : انا السبب ايوه انا السبب انك موتي يارتني سمعت كلامك يارتني ما سبتك تمشي وقتها يارتني ماقلتلك تستني،  انا اناني ومش حاسس بالمسؤليه ضيعتك من أيدي بس انتي عاقبتنيني عقاب صعب اوووي انتي اتخليتي عني اعيش من غيرك ازاي انا مش قادر من غيرك  ودخل ف نوبه البكاء ، إحساسه بالذنب انه السبب ف موتها مش مريحه وكاره نفسه.
______
ف فيلا سليم.
ف اوضة سليم قدر بتغير له ع الجرح.
سليم فتح عنيه وشافها وهي بتغير ع الجرح ومركزه ف اللي بتعمله
سليم : دا اي الجمال دا ؟
قدر تجاهلة جملته: انا غيرتلك ع الجرح وخف يعني مش بقي في حاجه تقلق.
سليم : طب استني انزل اخد رصاصه تانيه بقي عشان كل يوم اصحي ع وشك القمر دا .
قاطعهم صوت هايدي: الله الله ي استاذ سليم انت بتجيب البنات اللي بتتسرمح معاها البيت والله اتجرأت.
سليم: هايديي

بقلم نورهان البادي