انت اميري .. انتي قدري ... بقلم نور حمدي

الفصل ال6

انت اميري ..انتي قدري
الفصل ال 6.

هايدي وسليم دخلو المطعم،  هايدي  طلبت من المدير ان قدر هي اللي  تشوف طلباتهم.
سليم : ياريت ي هايدي ناكل و نمشي ع طول.
هايدي : اللي تشوفه ي بيبي.
المدير : قدر روحي شوفي سليم بيه وهايدي هانم يطلبوا اي؟
قدر اتوترت حاضر ي فندم.
فضلت ماشيه بتوتر تقدم خطوه وتأخر خطوه لحد ما وصلت لتربيزه هايدي وسليم.
قدر بارتباك: تطلبوا اي ي فندم.
سليم اول ماشفها عرف ان هايدي نفذت اللي ف دماغها واتضايق جداا.
هايدي بتكبر : ازيك ي قدر هو انتي بتشتغلي عندنا ، امم فرصه سعيده والله ، وياتري بقي سليم هو اللي مشغلك.؟
قدر  : ايوه
سليم : امشي انتي ي قدر.
هايدي : استني احنا لسه مطلبناش هناكل اي ي سليم.
سليم : هنادي ع ويتر
تاني.
هايدي : وليه مهي موجوده اهي اومال شغلتها اي .وكملت بتكبر
بقلك اي هاتي ليا كوبايه مايه.
قدر : الازازه قدامك اهي حضرتك .
هايدي بعصبيه:  انا عاوزاها ف كوبايه.
قدر مشت وهي مخنوقه وحابسه الدموع بالعافيه.
سليم : انتي لي بتعملي كده ي هايدي؟ ليه بتزليها هي عملتلك اي ؟
هايدي : ايه ي سليم كل دا عشان طلبت مايه مش تبقي اوفر كده .
قدر وصلت وجابت المايه اتفضلي.
هايدي شربت : يااي بارده اووي وجعت سناني،  روحي هاتي واحده ادفي شويه.
سليم : سيبيها قدامك تدفي وبعدين ابقي اشربي .
هايدي : لا مقدرش استني هموت من العطش ،بصت لقدر انتي لسه واقفه متروحي بسرعه .
سليم مخنوق من هايدي وقدر حست بالذل والاهانه وهايدي فرحانه وبتبتسم بخباثه لانها وصلت للي هي عايزاه ،
قدر وصلت اتفضلي حضرتك.
هايدي شربت: يعععي دافيه اوي ملهاش طعم هو انتي مبتفهميش ي بارده ي دافيه مفيش وسط ، اجري هاتي واحده تتشرب.
قدر اتعصبت ومسكت الكوبايه ورمتها ف وش هايدي.
سليم وقف من الصدمه.
وهايدي اتفزعت وفضلت تنشف هدومها وتبعد المايه وقدر حست انها اتسرعت  وكان لازم تكون هاديه اكتر من كده .
هايدي بعصبيه : انتي مجنونه امشي من هنا مش عاوزه اشوف وشك ف المكان دا .
سليم بانفعال: هايدي انا اللي مشغلها ومتقدريش تمشيها.
هايدي: انت بتقول اي ي سليم مش شايف   هي عملت اي
سليم : انتي اللي مستفزه
هايدي: بقي كده طب
متنساش ي سليم ان ليا ف المكان دا التلتين والأولوية ليا وانا لازم امشيها،  بصت لقدر انتي لسه واقفه هنا غوري معندكيش كرامه.
قدر طلعت جري وهي بتعيط وسليم كان هيروح وراها بس هايدي وقفته.
هايدي : سليم لو روحت وراها انا هحبسها ع اللي عملته ومش هسيبها ، وانت عارف انا ممكن اعمل اي كويس.
سليم خاف ع قدر هو عارف ان هايدي تقدر تعمل مصايب بس قرر انه يعرف مكانها بعدين ، أما دلوقتي هيحاسب هايدي
___
قدر بتجري ف الشارع وعيونها مليانه دموع ومش شايفه قدامها مش قادره تشوف العربيات وبتجري بين العربيات وعماله تفكر وتفكر  لحد ما عربيه كانت هتدخل فيها،  فجأه بعد ما استسلمت وفكرت ان دي النهايه لقت ايد بتشدها بقوه ووقعه ع الرصيف.
امير ع الارض وقدر فوقه.
امير : انتي كويسه؟
قدر قامت ووقفت بارتباك ايوه شكرا .
امير شافها .
امير ف نفسه : هي لا مش هي لا لا هي هي وبان ع وشه علامات الفرح بس اتضايق لما حس ان قدر كان ممكن يجرالها حاجه
امير بانفعال: انتي ازاي تمشي بين العربيات كده افرض جرالك حاجه  
قدر بتوهان: وهيفرق اي يعني؟ .
امير : لي بتقولي كده ؟
قدر فضلت ساكته ودموعها نزله ومش عارفه توقفها.
امير : تحبي نتمشي شويه وتحكيلي مالك .
قدر ع نفس حالة السكوت وبصه ف الارض بتفكر وخايفه من اللي جاي .
امير : هو انتي فاكراني؟
قدر مش شايفه من دموعها حاولت تمسحها وركزت ف امير لحد ما افتكرت.
قدر : انت ؟ انت اللي كنت ف المول صح.
امير بفرحه : ايوه انا فرحت اني شفتك تاني.
قدر فرحانه انها شفته بس ف نفس الوقت مخنوقه ومتوتره وخايفه من كل حاجه.
امير : باين عليكي قلقانه انا هتمشي شويه تعالي اتمشي معايا وبالمره تحكيلي مالك.
قدر كانت محتاجه اوي لحد تفضفضله زهقت من انها تكون لوحدها وان محدش بيشاركها حزنها مشي امير هو وقدر وهي بدأت تحكيله وتعيط لحد ما شويه بشويه هدت وارتاحت ف الكلام مع امير .
امير : طب هتروحي فين دلوقتي ؟
قدر : انا كان معايا فلوس من الشغل هقعد ف اي فندق.
امير مش عاوز يحس ان قدر ضاعت من ايديه تاني ع الرغم من اللي سمعه منها وانه عرف حكايتها بس هو قرر يساعدها وطالما حاسه بالندم خلاص وان الإنسان خطاء  وقال بدون ما يفكر: طب ما تيجي معايا البيت
قدر بعصبيه: انت بتقول اي ؟ انت قليل الا...
امير : هش هشش اهدي والله مقصدي انا قصدي تعالي معايا عند اهلي اقصد اني مش عايش لوحدي معايا اختي وابويا وامي تعالي وباتي الليله دي وبكره نحلها.
قدر: وانا ليه اثق فيك .؟
امير : تعالي واقفي تحت وهخلي اختي تنزل تاخدك.
قدر حاسه بقلق بس مش من امير هي مرتحاله جدا ع عكس سليم ف الاول وقررت تعمل زي ماهو قال.
هي قلقانه من بكره ومن اللي جاي.
_____
فيلا سليم .
هايدي: انت بتقول اي يسليم يعني اي نقطع علاقتنا ببعض سليم انا بحبك وبدأت تعيط.
سليم : دا اخر كلام عندي ي هايدي.
هايدي بعصبيه : كل دا عشان واحده من الشارع نسيت انا عملتلك اي وعملت عشانك اي انت لولايا كان زمانك مرمي جنبها.
سليم بعصبيه : اللي عملتيه عشاني دا كان حقي واخدته، وبيكي من غيرك مكنتش هسيبه دا حقي اللي ابوكي خده من ابويا.
هايدي : بقي كده ي سليم طيب والله هندمك وع فكره انت مش هتكون لحد غيري  انت فاهم.؟ومشت بعصبيه.
سليم : ي تري انتي فين ي قدر
____
قدر وامير وصلوا البيت.
امير: استني هنا لما انادي ع ندي تيجي تاخدك.
قدر : ماشي شكرا.
امير طلع البيت ودخل اوضة ندي اللي كانت نايمه.
امير بهدوء : ندي ،ندي ، انتي يجموسه اصحي يبنتي،  ياربي ي غيبوبه.
ندي بفزع: اي ي امير في أي حصل حاجه. ؟
امير: اهدي بس ، انا معايا واحده تحت.
ندي بانفعال : نعم جايب نسوان البيت ي امير ، وياتري بقي عاوزني افتحلكو بيره ولا اي بالظبط؟
امير : هشششش هتودينا ف داهيه انتي تعرفي عني كده بردو وبدأ يحكلها الموضوع باختصار.
ندي : ي حرام بس بردو ي امير احنا منعرفهاش كويس .
امير : يعني هتسيبيها واقفه ف الشارع ؟
ندي : لا طبعا وبعد تفكير ، خلاص انا نازله بقلك اي هي حلوه؟
امير بضحكه: احلي منك.
ندي عامله انها مضايقه طب خلاص مش نازله.
امير : يستي بهزر انزلي بقي قبل ما تمشي
ندي: حاضر يعم الحنين ننزل عشانك.
امير : متحرمش منك.
يلا بقي بسرعه قبل ما ترجع ف كلامها.
ندي : حاضر بس قول اسمها اي .
امير : قدر
ندي نزلت ولقت قدر واقفه مرتبكه ومتوتره.
ندي : قدر؟
قدر انتبهت: ايوه انتي ندي ؟
ندي ف نفسها ، تصدق حلوه ، بس مش احلي مني طبعا وابتسمت لها : اهه تعالي امير فهمني الموضوع اتفصلي متقلقيش.
قدر : انا متشكره جدا واسفه اني ازعجتكو.
ندي : لا ولا يهمك تعالي ندخل يلا.
دخلو البيت وامير اطمن ع قدر وهي مع ندي ودخل اوضته وبيفكر هيعمل اي بكره عشان يفضل قريب من قدر .
ندي قعدت مع قدر وارتاحوا لبعض وندي قعدت تهزر معاها وقدر حبتها وحكتلها ع حكايتها وندي متضايقه عشان خاطر قدر و حست انها طيبه وانهم هيبقوا صحاب.
سليم مخنوق ومضايق وقلقان ع قدر لأنه مش عارف هي فين وخلي واحد يدور عليها ويشوف اخبارها.

ياتري قدر هتمشي ولا اي هيحصل ؟
ولو هتفضل هتفضل ازاي؟ وياتري هتشتغل اي ؟

بقلم
noor hamdy