انت اميري .. انتي قدري ... بقلم نور حمدي

الفصل الاخير

انت اميري .. انتي قدري .
الفصل ال13.
ف منزل احمد .
احمد : ندي ياريت تجهزي نفسك عشان جايلك عريس النهارده.
ندي بصدمه : لا يابابا عريس اي دا ، طبعا مش موافقه.
احمد: هو انتي كنتي شفتيه عشان تقرري هتوافقي و لا لا ؟ ليكون في حد ف حياتك؟
ندي: لا يابا ازاي تقول حاجه زي دي ؟ أنا بس مبفكرش ف الموضوع دا وياريت تقوله ميجيش.
احمد : انا حددت معاد وانتهي ، وشوفيه لو مش عجبك خلاص انا مش هخصبك عليه،  ويلا بقي عن اذنكوا،  انا هروح الشغل.
ندي قامت ودخلت اوضتها وهي متعصبه ومخنوقه  ، وقدر راحت وراها تواسيها.
قدر : متعمليش ف نفسك كده محدش عارف الخير فين .
ندي بعياط : انا مش عارفه اعمل اي ي قدر والاستاذ سليم دا ولا حاسس.
قدر : هو انتي حبتيه،  قصدي يعني قولتيهاله.
ندي : لا طبعا مينفعش اقله اصلا .
قدر: ومينفعش لي مش هو بيحبك.
ندي : يعني اعمل اي دلوقتي.
قدر : اتصلي عليه وعرفيه وسيبيه هو يقرر.
ندي : مقدرش ي قدر دي مش شخصيتي.
قدر : الحب بيغير كل حاجه،  مش بيقولوا بردو الحب بيصنع المعجزات،  رني عليه وعرفيه عشان متندميش.
انا دلوقتي هسيبك تفكري وواثقه انك هتاخدي القرار الصح .
ندي قعدت تفكر وقررت تتصل بسليم.
سليم بحديه : الو
ندي بتوتر : سليم دا انا ندي .
سليم : منا واخد بالي ازيك .
ندي استغربت من اسلوب سليم واضايقت وقررت ترجع ف كلامها بس افتكرت كلام قدر وقالت اللي يحصل يحصل .
ندي: سليم انا جايلي عريس .
سليم : بجد الف مبروك ، انتي بتتصلي تعزميني؟
ندي اتخنقت وقفلت السكه ف وش سليم ورمت التلفون : انا غبيه ازاي فكرت انه ممكن يحبني ، بجد غبيه ، وقعدت تعيط طول اليوم .
وقدر قعدت تواسيها .
العريس جه واحمد فاتحله ورحب بيه وقدموله حاجه يشربها .
احمد : عن إذنك انادي ع العروسه .
دخل احمد لندي الاوضه اللي كان امير وقدر بيواسوها وبيقولولها تطلع لحد ما اقتنعت وخرجت تقعد مع العريس .
ندي دخلت  الصالون ومبستش ف وش العريس وعنيها بهتانه من كتر العياط .
_مكنتش اعرف انك بتحبيني اووي كده ؟
ندي سمعت الصوت واتصدمت معقوله يكون ..لا لا ورفعت عنيها لقت سليم قاعد بكامل اناقته وقدامه بوكيه الورد النوع المفضل لندي .
ندي بانفعال : انت غبي ورخم وبارد وانا بكرهك واقلك ع حاجه انا مش موافقه وجت تمشي سليم مسكها وضمها لحضنه : انا اسف والله لو اعرف اني هوجعك اوي كده مكنتش هعمل المقلب البايخ دا بس حبيت افاحئك وباس راسها وندي بتعيط ، وسليم مسح دموعها.
سليم : مش عاوز اشوف دموعك متخلنيش اضايق من نفسي .
موافقه تتحوزيني يحب عمري ودنيتي كلها  .
ندي بخجل : معرفش اسأل بابا .
سليم : هو انا هتجوز بابا ، هتقولي موافقه ولا امشي .
ندي : ع فكره بقي انت رخم منت عارف اني بحبك واني موافقه .
سليم : طب قولي كده الكلمه دي تاني .
ندي: موافقه
سليم : لا اللي قبلها.
ندي : يووه بقي ، طب بحبك وبموت فيك كمان هه.
سليم : طب يلا بقي نادي بابا نقرأ فاتحه قبل ما اعمل جريمه دلوقتي ، واخدك وأهرب من هنا  .
العيله اتجمعت وقرأو الفاتحة وامير وقدر فرحانين لندي وندي بتعيط من الفرحه وسليم مش مصدق نفسه و حاسس ان دا احلي يوم ف عمره ، وحدده ميعاد كتب الكتاب والفرح بعد شهر .
عدي الشهر ع ابطالنا امير وقدر اشتغلوا كتير ، لحد ما قدر فتحت ورشه صغيره وخاصه بيها وبدأ الناس تشتري منها والجروب اللي ندي عاملاه دخل عليه ناس كتير وباعه لناس كتير اووي.
وامير ساب الشركه اللي شغال فيها ووافق ان باباه يساعده وفتح شركه صغيره خاصه بيه .
سليم عاش احلي ايامه مع ندي وحاس ان الفلوس متسواش اي حاجه من غير ما يكون معاك قلب يحبك ويفهمك،  وندي يوم عن يوم بتحب سليم اكتر واكتر.
_____
ف اليوم الموعود(يوم الفرح)
قدر بتجهز ندي وبتساعدها ف اللبس.
قدر بتبص ع فستان الفرح وعنيها مليانه حب ورغبه.
ندي : عجبك ؟
قدر بفرحه : تحفه اووي بجد جميل ي ندي وهيبقي حلو اكتر عليكي .
ندي : بس دا مش فستاني دا فستانك انتي ، انا بتاعي هناك اهو .
قدر مش فاهمه ؟ فستاني ازاي يعني ؟
امير من ورا قدر : هو انتي مش عاوزانا نتجوز بقي ي قدري ولا اي؟
قدر بصت وراها وهي ف صدمه ومش فاهمه حاجه ، لقت امير واقف ولابس بدله وماسك بوكيه ورد ، بقول يلا بقي عشان نتجوز
قدر : امير انت بتتكلم جد وعيطت من الفرحه ، امير بحد انا مش مصدقه اللي انت بتقوله طب ازاي ؟
امير مسح دموعها: النصيب ي حبيبتي وبعدين بقي مش عاوز دموع ،النهارده هيبقي احمل يوم ف عمرنا يلا اجهزي بسرعه عشان محضرلك مفاحأه تانيه .
قدر حضنت امير جاامد ومش كانت عاوزه تسيبه وامير حضنها هو كمان وكان بالنسبالهم دا احلي يوم .
قدر وندي جهزوا وكانو شبه الحوريات.
وامير وسليم كل واحد مستني نصه التاني وطاير من السعاده.
هايدي : الف مبروك ي سليم .
سليم : هايدي ؟
هايدي: انا ندمانه اوي ي سليم ع اللي عملته واتمني انك تسامحني،  انت فوقتني من اللي كنت فيه ، انا بجد فرحانالك ومش ناويه اعملك اي حاجه تضايقك،  تسمح لي بقي اقف جمبك اليوم دا بما اني اختك وعيلتك.
سليم حضنها ربنا يخليكي ليا ي هايدي طول عمرك كنتي جدعه معايا ، انا اسف لو جرحتك .
هايدي : انا فرحانه اوي وانا شايفاك بالبدله دي وما شاء الله عروستك زي القمر وقدر بردوا جميله ، اتمني انها تسامحني ع اللي عملته ، وهايدي اعتذرت من قدر وقدر رحبت بيها.
امير وقدر ماسكين ف بعض .
امير : لسه في مفاجأه بصي كده .
قدر بصت جمبها لقت باباها ومامتها واقفين فرحانين ومامتها بتعيط ( دموع الفرح )
قدر بعياط وصدمه: ماااماااا بااابااااا وجرت حضنتهم ودموعهم ماليه عنيهم.
قدر: انا اسفه اووي يابابا ارجوك تسامحني والله العظيم ..
علي : خلاص يبنتي اهم حاجه انك رجعتي لحضننا تاني ، يا زين مخترتي وبص ع امير.
زينب : وحشتيني اوي يبنتي ، الف مبروك طول عمري بحلم باليوم دا والحمد لله شفته .
والجو اتملي دموع وشوق واحضان وندم .
امير واقف مبسوط لأنه قدر انه يسعد قدر.
قدر جرت ع امير وحضنته جامد.
قدر: انت بتقدر تعمل كل دا ازاي ، انا مش عارفه احبك اكتر من كده فين .
امير: مش انا وعدتك انك مش هتعملي فرح غير واهلك موجودين.
امير كان عارف ان قدر بتشتاق لاهلها ونفسها تشوفهم وقرر انه يروح يتكلم مع أبوها وفهمه ع كل حاجه وكان بيزورهم من وقت للتاني يطمنهم ع قدر.
الفرح بدأ والاغاني اشتغلت والفرحه ملت المكان.
وابطالنا هدوا لبعض اغنيه تعبر عن حالتهم .
امير غني لقدر: انت ياللي خدت قلبي من الزمان ومن اللي فييه...خدت قلبي لدنيا تانيه احلي من اللي حلمت بيه ... احلي عمر انا عشته جمبك والحنان عندك كتير .. هو في كده زي قلبك ، لسه في ف الدنيا خير .
وقدر غنت لامير : انا حبيتك حب فوق الحب واديتك سنين عمري وسميتك حبيب قلبي .... وصدقني ماصدقت ان انا لقيتك ... واقول من تاني .. نفسي تبقي الدنيا سمعاني غرامك ليا ودااني لدنيا بعيد .. ونفسي اعيش معاك كل اللي فات تاني .
سليم غني لندي : وعد مني تعيش معايا سنين معشتش زيهم احلامك  اللي حملتهم.. انسي الحياه والدنيا دي وتعالي نهرب منهم مبقتش عايز ناس خلاص جالي اللي بيهم كلهم .
ندي غنت لسليم: انا نفسي اطييير،  فرحانه جداا و دايبه وبغير.. حاسه بسعاده ودا احساس خطييير،  مجنونه بيك نفسي افضل قصداك واقلك بحبك كتيير.
والجو كان مليانه فرحه .
ندي : حبيبي ممكن اسألك سؤال .
سليم : اسألي ي عمري .
ندي : هو انت مش هتشيل اللانسز دا بقي عاوز اشوف عيونك.
سليم ضحك : انتي هي عيوني وكملوا رقص وكل واحد طاير بالتاني.
وقدر وامير طبعا عارفين هقول اي .
هايدي كانت واقفه فرحانه بسليم وكانت زعلانه من نفسها ع كل حاجه وحشه عملتها و اذت بيها حد .
وليد : ازيك.
هايدي : أهلا.
وليد مد ايده : انا وليد .
هايدي ابتسمت وسلمت ع وليد : وانا هايدي .
وليد: تحبي نرقص .
هايدي بابتسامه: مفيش مانع .
وخلص الفرح اللي كان بالنسبالهم احلي يوم ف عمرهم .
سليم وندي قضوا شهر العسل ف لندن وعاشوا احلي أيام حياتهم.
وقدر وامير كانو لسه ف بدايه مشوار حياتهم وصمموا انهم الاول يكبروا شغلهم ويبقوا بزنز مان اند ومن .
بعد مرور خمس سنوات .
ندي وسليم خلفوا امير  عنده 3 سنين وكان دا بالنسبالهم نور عنيهم.
اما قدر وامير قرروا يسافروا ع باريس يقضوا وقت هناك بعد ما قدر بقي عندها ورشه أكبر من بتاعة عمي إسماعيل،  وامير بقي عنده شركه كبيره ف مجال الكمبيوتر والأدوات الحديثه وبقي اكبر رجل أعمال ف المجال بتاعه .
وخلفو ندي ويوسف توأم عندهم 4 سنين وبيسبوهم مع زينب ام قدر لما يرجعوا من السفر .
قدر وامير واقفين قدام برج ايفل وضمين بعض.
امير : سرحانه ف اي ي حبيبتي .
قدر : حاسه ان شريط حياتي قدام عنيا كل اما افكر كنت فين ومعاك بقيت فين بحس ان انت اكبر نعمه ربنا انعم عليا بيها ، ساعات كتير ي امير لما حاجه تضيع مننا او نخسر حاجه بنقول ان دي النهايه ومنعرفش ان دي بتبقي البدايه لحياه جديده ، حياه كلنا بنتمناها.
امير بص لقدر وباسها من شفايفها وبعدين ضمها لحضنه جاامد.
قدر : انت اميري.
امير : انتي قدري.

بقلم
noor hamdy
الروايه لو عجبتكوا ياريت تعملو شير لصحابكم يقرأوها ومتبخلوش عليا ولو بكومنت بسيط .
♥️♥️🙂