انت اميري .. انتي قدري ... بقلم نور حمدي

الفصل ال5

انت اميري.. انتي قدري
الفصل ال 5
بعد مرور عدة أيام.
امير حالته بتتحسن وواحده واحده بدأ يشوف حياته ويدور ع شغل ف المجال بتاعه.
قدر وثقت ف سليم وحست معاه بالأمان وقررت انها تحكيله حكايتها بعد ماهو حكالها حكايته وفتحلها قلبه .
فلاش باك

سليم وقدر ف الجنيه قدام حمام السباحه.
سليم : كل دا ومش واثقه فيا .
قدر : لي بتقول كده ؟
سليم : انتي لي مش عاوزه تفتحيلي قلبك وتعرفيني حكايتك.
قدر : مش قصدي بس حاسه ان الوقت مش مناسب.
سليم : تعرفي ي قدر انا وصلت لكده ازاي .
قدر بانتباه: ازاي
سليم بدأ يحكلها: انا ابويا وعمي كانو من الطبقه المتوسطه عمي كان دماغه الماظ ياخد اللقمه من بق الاسد وابويا كان جسم وعضلات عمي فضل يخطط وابويا ينفذ لحد ماف يوم بقي ليهم اسم ف السوق (ولاد العتال )
عمي طمع وكان عاوز يقش كله ويحطه ف بطنه ابويا مش كان مخون، عمي لفق تهمه لابويا ودخله السجن ف مخدرات،  وبعدين اشتري محامي ابويا واتحكم ع ابويا ب السجن كان ابويا مش قلقان كان مفكر اخوه واقف ف ضهره بس لما عرف انه السبب ف كل دا مات بحسرته.
مش فضل غيري انا وامي قاعدين ف حاره وبقي مستوانا المادي وحش اووي،  خرجت من التعليم وبدأت اشتغل واصرف ع امي كان دماغي الماظ ودي الميزه الوحيده اللي خدتها من عمي،  كانت الحاجه اللي ب 10 ابعها ب 50 كنت بخطط واخطط وحاولت العب ع عمي كتير واخد حقي بس تقولي اي بقي مبيتهدش ولا حد بيقدر عليه ميقدرش عليه غير الشديد القوي ، امي جالها مرض الوحش من الحسره ومعرفتش اعالجها وماتت .
بقيت عاجز وخلاص كل حاجه بتتهد لحد مالقيت خبر ان عمي مات وكتب كل حاجه بإسم بنته الوحيده،  البنت د كانت بتحبني وكاتبتلي نص الأملاك وادتني حقي وعيشتني ملك وفوق السحاب،  ولحد دلوقتي بحاول احبها مش عارف بس عمري مانسي فضلها عليا تعرفي البنت د مين؟
قدر بفضول: مين؟
سليم : هايدي
قدر : مستغربتش اوي اصل بصراحه اتفاجئت من معاملتك ليها واهتمامك بزعلها.
سليم متأثر: لولا هايدي كنت بقيت ف الشارع .
قدر بدأت تحس بالأمان مع سليم والراحة.
سليم : دورك تحكي.
قدر : اي لا مش وقته
سليم: مسك ايديها : متخافيش مني .
قدر ابتسمت و بدأت تحكيله قصتها وان ازاي اهلها طردوها وعشان اي.
سليم زعل ع قدر وحس بالحزن .
سليم : متقلقيش هما هيدورو عليكي ومصيرك ترجعيلهم.
قدر بفرحه : بجد انت شايف كده.
سليم قرب منها وهمسلها ايوه شايف كده.
فلاش باك .
ف فيلا سليم .
قدر وسليم بيتعشوا.
قدر: عملت اي ف موضوع الشغل .؟
سليم : الحقيقه ي قدر....
قاطعه صوت هايدي.
هايدي: ايه دا يسليم بتتعشا من غيري ، وبصت لقدر من فوق لتحت :اهلااا
قدر : اهلا .
سليم : اتفضلي ي هايدي .
سليم تلفونه رن.
سليم : عن اذنكو خمس دقايق .
هايدي : خد وقتك يبيبي.
سليم مشي وهايدي بدأت تتكلم مع قدر.
هايدي: هو انتي مطوله هنا ي قدر ولا اي؟
قدر : افندم؟ قصدك اي ؟
هايدي : اصل بصراحة وجودك هنا بايخ اووي ف واحده محترمه تقعد مع راحل اعزب لوحده بحجه انه يدورلها ع شغل؟
قدر : لو سمحتي متتماديش.
هايدي : هو انتي فاكره سليم بيحبك هه سليم عمره ما بيحبك هو بس مستني ياخد منك اللي هو عاوزه .
قدر بعصبيه : قصدك اي ؟
هايدي : قصدي ان عمر ما واحد يحب واحده اهلها طردينها عشان اتجوزت من وراهم.
قدر بعصبيه وانفعال: انتي مين قلك الكلام دا؟
هايدي : سليم طبعا ، سليم مبيخبيش عني اي حاجه بيعرفني كل حاجه .
ومستني بس ياخد منك اللي هو عايزه وبعدين هيرميكي ف الشارع .
قدر مصدومه من اللي هي بتسمعه والدنيا بتضيق ع نفسها.
هايدي : ع فكره انا خايفه ع مصلحتك .
( استنو رحتو فين سليم اكيد محكاش لهايدي حاجه هايدي هي اللي مأجره خدامه من بتوع سليم بتراقب قدر وسليم وسمعت حوارهم وهما عند حمام السباحه وهايدي قررت تلعب ع النقطه دي )
قدر طلعت اوضتها بصدمه وبدأت تلم هدومها وحاجاتها اللي جت بيهم واي حاجه سليم جابهالها سبتها.
سليم خلص المكالمه ورجع  : اومال قدر راحت فين ؟
هايدي : طلعت اوضتها.
سليم بجديه : هايدي
هايدي : جرا اي يسليم معملتش لها حاجه.
سليم : هنشوف.
قدر بتعيط لانها وثقت ف سليم وهو خان الثقه د بس قررت انها تمشي وترمي كل حاجه وراها وقررت انها مش تبين زعلها عشان سليم يخليها تمشي
قدر نازله من ع السلام وماشيه.
سليم بانفعال: قدر راح فين ؟
قدر : لقيت شغل وماشيه .
سليم : تمشي دلوقتي وشغل اي دا ؟
قدر : سليم انا متشكره جدا لوقفتك جنبي ولكل حاجه عملتها معايا بس انا الحمد لله ربنا كرمني ولقيت شغل .
سليم مسك ف ايديها وخد شنطتها: قدر مش هتمشي.
هايدي بعصبيه : جرا اي يسليم متسيبها ف حالها انت هتحبسها كمان.
سليم : هايدي اسكتي.
وبص لقدر اللي متغاظه منهم الاتنين.
قدر خدت شنطتها من ايدين سليم ومشت ، سليم ساب هايدي وطلع يجري ورا قدر.
سليم :استني يقدر.
قدر : ها يسليم عاوز اي تاني؟ .
سليم : انا عندي ليكي شغل هتشتغلي ف فندق بتاعي،  هتكوني ويتر ف مطعم الفندق دا وتنامي ف الفندق موافقه ؟
قدر بتفكير: طيب .
هايدي سمعته وهو بيقول لقدر كده .
هايدي : طيب ي سليم والله لوريك.
قدر اشتغلت ف الفندق وكانت أيامها عاديه وهاديه جدا .
وهايدي بتحاول تشغل سليم باي طريقه انه مش يروح الفندق لقدر.
وفضل مده مش يروح .
قدر عرفت انها مش حبت سليم وكان مجرد حضن دافي وملجأ ، وكانت مفتقده عيلتها جدا. وفكرت كتير ترجع بس كانت خايفه من رد فعلهم.
____
ف منزل احمد .
ندي : انا نازله الكليه ي بابا محتاج حاجه؟
احمد : لا ي حبيبتي خلي بالك من نفسك ، خلي امير يوصلك .
ندي : انا بحب اتمشي ي بابا مع ساره وساعات برجع معاها بالعربيه مش تشغل بالك انت يلا سلام.
جميله واحمد : سلام.
_____
سليم حب يشوف قدر لأنه من زمان مش شافها وهو ف طريقه لها.
بوووم💥
سليم بعصبيه: انتو بتطلعولي منين الله يسامحك العربيه باظت
ندي : هو انت بقي ؟
سليم : انتي ؟ عاجبك حالة العربيه كده وطبعا عشان مدخلش فيكي لبست ف الشجره.
ندي: منا قلتلك شيل اللانسز دا بدل منت مش شايف منه.
سليم : بقلك اي انت عاوزه اي من الاخر .
ندي : وهعوز اي منك انت اصلا. ؟
سليم : مش ملاحظه انك كل شويه تطلعي ف وشي اكيد د مش صدفه ، انتي عاوزه اي بالظبط لو عاوزانا نتصاحب ع فكره معنديش مانع.
ندي بعصبيه: نتصاحب اي يبني انت اهطل والله انت واحد مجنون ابعد كده جتك القرف ومشت متعصبه.
وامير اتخنق منها واضايق وقرر يوقفها عند حدها.بس الاول يشوف  قدر
_____
سليم معرفش يروح لقدر وقرر يروح لها باليل.
هايدي : الو يسليم .
سليم بضيق: نعم ي هايدي.
هايدي : مش هنخرج النهارده ولا اي بقالنا فتره مخرجناش.
سليم : مش فاضي ي هايدي.
هايدي : سليم انت لازم تخرج معايا النهارده انا تعبانه اووي وبدأت تعيط.
سليم بقلق: مالك ي هايدي.
هايدي : تعبانه ي سليم ومحتاجه اغير جو عشان خاطري المره دي بس
سليم : خلاص ي هايدي هعدي عليكي اخدك كمان ساعه،  وقرر انه يروح لقدر بعدين.
هايدي بفرح ان خطتها مشت: اخرتك النهارده ي قدر.
_____
ف منزل احمد
احمد : رايح فين ي امير .
امير : خارج يابابا اشم هواا.
جميله ف نفسها: الحمد لله يارب انه فك ورجع زي الأول.
احمد : طيب يبني تروح وتيجي بالسلامه.
جميله : خلي بالك من نفسك ي حبيبي .
امير : ماشي يماما سلام.
جميله : مع السلامه.
_____
سليم بخنقه: اشمعني يعني الفندق دا ي هايدي .؟
هايدي: الاكل اللي فيه جميل اووي معرفش ان المطعم بيقدم اكلات حلوه كده؟
وبعدين مالك ي سليم انا عاوزه اكل اكل صحي الفتره دي قلتلك تعبانه.
سليم بخنقه: طيب يلا.
نزل وهو عارف ان هايدي مش هتجيبها لبر.

بقلم
noor hamdy