انت اميري .. انتي قدري ... بقلم نور حمدي

الفصل ال8

انت اميري .. انتي قدري .
الفصل ال 8
امير بعد تفكير : لقيتها،  بقلك ي ندي هو عم إسماعيل ممكن يأجرلنا الورشه بتاعته؟
ندي : تصدق .
حاول انت معاه وهو طيب مش هيقول حاجه.
قدر : مين عم إسماعيل دا؟
ندي بحماس : عمو إسماعيل دا عنده أكبر ورشه المونيوم وعنده خشب وعنده حاجات كتير ورشته اكبر ورشه ف المنطقه دي ، ومشهور جدا وشغله معروف وعنده الات حديثه وكل حاجه تتخيليها وامكانيات عاليه جدا
قدر بقلق : طب هو ممكن يوافق ؟
امير: متقلقيش سيبيها عليا دي انا هقنعه ، وبعدين هو ساكن ف المنطقه بتاعتنا ويعتبر قريب بابا بس من بعيد شويه .
ندي بفرحه : متقلقيش ي قدر شوفتي كل حاجه بتتحل .
قدر بدموع : انا مش عارفه من غيركو كنت هعمل اي ، انا فرحانه اووي اني اتعرفت عليكو وانكو معايا.
ندي : هش متعيطيش احنا لسه معملناش حاجه وحضنتها .
وامير عنيه متعلقه بقدر وقدر بصتله ونظرات كلها شكر وامتتنان.
.
______
ف اليوم التالي .
فيلا سليم .
سليم : يعني انت معرفتش اي جديد؟
مجهول: ي فندم والله مبتخرج اول ما يحصل اي تحرك او اي حاجه جديده هبلغ حضرتك فورا.
سليم : طب ياريت تفتح عنيك كويس .
وقفل التليفون.
______
ف منزل علي .
الباب بيخبط.
زينب : مين ؟ ثواني هفتح اهو .
فتحت لقت علي واقع من طوله واتنين ساندينه.
زينب بشهقه: ي لهوي  جرالك اي ياخويا دخلوه بسرعه حطوه ف الاوضه تعالو.
وليد : متقلقيش ي خالتي زينب هو بس تلاقيه جاله هبوط من قلة الاكل ولا حاجه.
زينب : هو كان فين دا قال انه نازل يدور ع قدر زي كل يوم .
وليد : هو فعلا كان رايح بس وقع من طوله ف اخر الشارع واحنا لحقناه.
زينب بعياط: ي حبة عيني دا لو جراله حاجه اموت فيها دا انا مليش غيروا ف الدنيا دي .
وليد : ي خالتي زينب متقلقيش هو كويس اعمليلوا بس حاجه يشربها واكله تسنده،  وباليل هفوت عليه يكون بقي كويس .
زينب : ماشي يبني تنور.
وليد : سلام عليكو .
زينب : وعليكم السلام .
زينب : ينفع كده ي علي تخضني عليك ربنا يسامحك .
______
ف المساء .
ف منزل احمد .
العيله متجمعين ع العشا بعد ماقدر وندي ساعدو جميله ف تحضير السفره.
جميله : كلي يبنتي متتكسفيش .
قدر : باكل اهو ي طنط ربنا يخليكي،  اكل حضرتك جميل جدا تسلم ايدك .
احمد : معرفتيش جديد عن عيلتك يبنتي؟
قدر بتوتر : لا ي عمو معرفتش بس لسه بشوف انا وندي .
احمد : إن شاء الله خير .
قدر : انا متشكره جدا ان حضرتك وافقت اقعد عندكم كام يوم لما حالتي تتحسن ، بس ان شاء الله قربت الاقي شغل واستقر ، بس عمري ما هنسي فضلكو عليا ووقفتكو جنبي،  انا بجد متشكره ليكم.
جميله : لا شكر ع واجب ي حبيبتي دا انت زي ندي .
امير : متقوليش كده دا واجبنا . ولو نقدر نعمل اكتر من كده كمان هنعمل  .
قدر بكسوف: شكرا
ندي : خلونا ناكل ي جماعه وبعدين نتكلم ف الحاجات دي .
جميله ملاحظه اعجاب امير بقدر،  وفرحت من قلبها لانها حبت قدر وشافت انها طيبه وجميله،  واتمنتها لابنها او ع الاقل واحده زيها .
بعد عدة ساعات بعد ما جميله واحمد نامو .
امير خبط ع اوضة ندي بهدوء.
ندي : أدخل ي امير .
امير : ازيك ي قدر ، يارب تكوني فرحانه معانا.
قدر وشها احمر: اكيد طبعا فرحانه اني معاكم واني ربنا عوضني بيكم .
ندي : امير قول عملت اي مع عمي إسماعيل؟
امير :صحيح ، هو ف البدايه موافقش وقال ان الورشه مشغوله اليومين دول لأنه بيسلم شغل مهم ، بس انا حاولت اقنعه وقالي هديهالك لمده معينه لان اغلبية العمال بيمشوا ف الوقت دا .
ندي: طب كويس هتاخدها امتي ؟
امير : من الساعه 11 بالليل ل 2 .
ندي: بس دا متأخر اوي ي امير دا غير انه وقت قليل مش كافي .
قدر : لا لا دا كافي جدا انا اقدر اخلص فيهم شغل كتير .
امير بفرحه: طب كويس اووي ، طب هو الميعاد هيناسبك؟
قدر : اهه عادي بس مين هينزل معايا ؟
امير : انا هنزل اوصلك ولو حبيتي ابقي اساعدك وبعدين نرجع وندي هتأمنلنا المكان .
ندي : ايوه فكره حلوه ي امير . انتي اي رأيك ي قدر؟
قدر بحماس : موافقه طبعا ، نقدر نبدأ من النهارده كمان.
امير : طبعا نقدر الساعه داخله ع ال 12 ، يعني مش هيقول حاجه.
ندي : تمم روحوا شوفوا تقدروا تعملوا اي وانا هستناكوا هنا تمم.
امير : تمم يلا ي قدر .
قدر بفرحه: ماشي يلا .
وصلو للورشه وقدر اتفاجئت من الامكانيات اللي فيها والات و مكن يقدر يساعدها تخلص بسرعه .
قدر بفرحه : الله جميله اووي ي امير .
امير : بجد يعني كل الآلات  اللي انت عاوزاها موجوده
قدر بحماس: واكتر كمان طب انت عارف انا ممكن اعمل 10 قطع ف الساعه بالاات دي ف الطبيعي كان ممكن اعمل 3 شفت بقي.
امير والضحكه ع وشه : طب يلا عشان نلحق نخلص ي قدري.
قدر اتوترت وارتبكت : هو انت قلت اي ؟
امير : بقلك يلا عشان نقدر نعمل شغل كتير قبل ما وقتنا يخلص  .
قدر بابتسامه: ماشي .
___
خلصو شغلهم وطلعوا بعد ما ندي امنتلهم المكان.
ندي: ها طمنوني وروني عملتو اي ؟
قدر بفرحه : ها اي رأيك. ؟
ندي : وااو تحفه بجد اي الجمال دا .
امير : انا بصراحه اتفاجئت ان قدر يطلع منها كل دا .
قدر : شكرا جدا ي امير ، بس انا بردو معرفتش ابعهم فين ؟
ندي : انا عملتلك جروب ع الفيس وهنزل عليه شغلك وفي ناس هتطلب ونبيعلهم.
امير : ايوه ي ندي بس دا هيحتاج وقت مش قليل ابدا.
ندي بحزن  : والله  ي امير دا اللي انا قدرت عليه وفكرت كتير بس مش عارفه اعمل اي ؟
قدر : انا بابا اول ما اشتغل ف الشغلانه دي كان بيبع للمحلات والكافيهات وكان بيلف ع الناس ف الشوارع وكانو بياخدو منه وكان بيبع كل القطع اللي معاه.
امير : انتي عاوزه تبيعي للناس ف الشارع ؟
قدر : ايوه انا مش بعمل حاجه غلط.
امير : خلاص انا هنزل معاكي .
قدر: وشغلك .؟

امير: هاخد اجازه مفهاش حاجه يعني.
ندي : طب وانا كمان هنزل معاكو.
امير  : لا باباكي مش هيوافق.
ندي : وهو مين هيعرفه هقله اني ف الكليه ومش هيعرف.
قدر : مش لازم ي ندي تتعبي نفسك كفايه اوي كل اللي عملتيه معايا .
ندي بتصميم: قدر انا هنزل معاكي يعني هنزل انا مش هسيبك لوحدك اوك .
امير : انا معاها هي مش لوحدها.
ندي بان ع وشها علامات الزعل
امير : خلاص  ي ندي براحتك ، هننزل بكره نبيع الحاجات دي ونرجع البيت قبل ما ماما وبابا يوصلو ماشي ؟
ندي بفرحه : تمم اتفقنا.
قدر فرحانه وبتفكر ف الاماكن اللي هتروحها بكره عشان تقدر تبيعهم.
______
ف اليوم التالي.
ف منزل علي.
الباب بيخبط.
زينب : حاضر .. اتفضل يبني اهلا وسهلا .
وليد : سلام عليكم ي خالتي .
زينب : وعليكم السلام اتفضل اقعد .
وليد : انا خلصت الشغل امبارح متأخر وقلت اجيلكم بكره بقي بدل ما اقلقكم.
زينب : نورتنا يبني والله استني اصحي عمك علي من جوه .
علي كان صحي وخرج من الاوضه .
علي : ازيك ي وليد هاتلنا شاي ي زينب .
زينب : حاضر من عنيا .
وليد : ي عمي انا كنت جاي لحضرتك عشان اقلك اني هنزل ادور ع قدر وانك ترتاح انت وتخليك ف ورشتك.
علي : لا يبني انا مش مرتاح كده لازم انا اللي انزل.
وليد : ي عمي قدر زي اختي الصراحه بقي ان حالتك الصحيه هتدهور لو فضلت كده ع الحال دا .
علي بردو مش مقتنع .
وليد :  يعمي اوثق فيا صدقني هلاقيها.
علي : ربنا يخليك ي بني والله يعلم ربنا انك ابني اللي مخلفتهوش،  وانا واثق فيك وعارف انك قدها .
وليد : ربنا يخليك ي عمي استأذن انا.
علي : استني اشرب الشاي.
وليد : مره تانيه عن إذنك.
علي : إذنك معاك نورت
______
بقلم
noor hamdy