انت اميري .. انتي قدري ... بقلم نور حمدي

الفصل ال 9

انت اميري .. انتي قدري .
الفصل ال 9
ف منزل احمد .
بعد ما احمد وجميله نزلوا شغلهم .
امير : ها جاهزين؟
قدر متحمسه اووي : طبعا وان شاء الله هنبعهم كلهم .
ندي : يااه مش عارفه حاسه بحماس كبير كده ، يمكن لاني بعمل حاجه جديده .
امير : اصل انتي بتحبي المغامرات اوي.
ندي : نينيني ملكش انت دعوه .
امير: قدر انتي عارفه هنروح فين ، يعني عارفه أماكن معينه ؟
قدر : اهه فاكره شويه اماكن كده كنت بروحهم مع بابا .
امير : طب يلا ننزل .
_____
امير وقدر وندي نزلو ودخلو كافيهات وأماكن كتير وف ناس اشترت منهم .
امير: قدر احنا لازم نبيع الحاجات دي ف وقت قياسي طول محنا مع بعض ف نفس المكان مش هنلحق ، احنا لازم نتوزع.
ندي : ايوه فكره حلوه ي امير.
قدر: طيب انا وندي هنروح ف مكان وانت ف مكان،  ولما نخلص نتقابل هنا ماشي ؟
امير : تمم خلو بالكو من نفسكو وبص لقدر.
قدر بابتسامه: متقلقش انت خد بالك من نفسك .
امير ابتسم لها ومشي .
______
ف شركه سليم .
مجهول: الو ي سليم بيه انسه قدر دلوقتي ف شارع **** هي وبنت القاضي(احمد حجازي)
سليم  : قدر بتعمل اي هناك ؟
مجهول : بتبيع حاجات يدويه هي اللي عاملاها بايديها.
سليم باستغراب : طب تمم خليك مركز لحد ماجي.
سليم ساب شغله وراح يشوف قدر .
_______
قدر : لسه فاضل كام قطعه ؟
ندي : 3  انا فرحانه اووي مكنتش اتوقع ان في ناس كتير هتشتري كده .
قدر: الحمد لله انا فرحانه اوي وبجد متشكره لوجودك معايا .
قاطعهم صوت سليم .
سليم : قدر .
قدر بصت وراها هي وندي .
قدر : سليم ؟ انت بتعمل اي هنا؟
سليم انتبه لندي واتفاجئ جداا.
ندي بعصبيه: هو انت ؟ 
انت جاي هنا عاوز اي ؟
سليم : جاي لقدر.
قدر : هو انتو تعرفوا بعض .
ندي : دا انسان متكبر ومغرور وانا مبحبوش.
سليم بسخريه : يعني انا اللي ميت فيكي؟
ندي : هو انتي تعرفي المتكبر دا منين ي قدر ؟
قدر: دا سليم اللي حكتلك عنه.
ندي بسخريه: والله !مش باين عليه يعني .
سليم بغرور: انا عاوز اتكلم مع قدر ع انفراد ممكن تبعدي شويه .
ندي : لا مش همشي غير لو قدر عاوزه كده .
قدر : اتكلم ي سليم ندي تعتبر اختي .
سليم ف نفسه هي اسمها ندي ؟
سليم كان جاي يقول لقدر انه بيحبها وعاوز يتجوزها بس مش عارف لي لما شاف ندي اتلخبط وحس بلخبطه جواه ومش فاهم ف اي ؟
سليم : الصراحه ي قدر اناا.. انا ك كنت جاي يعني اعتذر ع اللي هايدي عملته وكنت جاي اطمن عليكي.
قدر : لا ي سليم محصلش حاجه عن إذنك دلوقتي ،لازم امشي .
ندي بصتله من فوق لتحت بغيظ وبعدين مشت وسليم ضحك ع حركاتها.
سليم بضحكه : هبله.
____
امير : انتو اتأخرتوا كده لي ؟
قلقت عليكو .
ندي مخنوقه وساكته .
قدر بتوتر : اصل بصراحه يعني لما اقنعنا الناس انها تشتري خدنا وقت .
امير: ازاي دا انا ناس كتير اشتروا مني وبعت كل اللي معايا .
وبسعر كويس .
قدر فرحانه وامير فرحان لما شاف الفرحه ف عيون قدر .
امير : هي ندي مالها؟
ندي انتبهت : ايه يعني هيكون مالي منا كويسه اهو انا بس خايفه لتكون ماما وصلت البيت يلا نمشي .
_____
ف منزل احمد .
ف اوضة ندي .
قدر : هو انتي شفتي سليم قبل كده فين .
ندي حكتلها ع المرتين اللي قبل كده .
قدر بتضحك: بس كان شكلكوا يضحك وانتو بتتخانقوا كنتوا زي توم وجيري .
ندي : انتي بتضحكي ي قدر طب والله انسان رخم ومستفز ومش بطيقه.
قدر : لما نشوف ي جميل وبدأت تضحك وندي هي كمان ضحكت معاها.
ف المسااء.
امير وقدر ف الورشه .
امير كان مركز مع قدر وهي بتشتغل وقدر ايديها تعبتها من النحت.
امير مسك ايدين قدر : مش كفايه لحد كده ايدك تعبت .
قدر بتوهان ف عيون امير وبتوتر: هاا لا مهو لازم اخلص واعمل قطع زياده عشان نقدر نجمع فلوس اكتر .
امير حط ايدين قدر ع وشه وبعدين قرب ايديها من شفايفه وباس ايديها وقدر مش عارفه تعمل اي ولما تحاول تسحب ايديها قلبها مايطاوعهاش.
امير رجع شعرتين كانو ع وش قدر ورا ودانها وقرب من وشها وباسها برقه من خدها .
قدر بعدت : امير كفايا كده احنا لازم نخلص شغلنا بدري مش بقي معانا وقت .
امير بحنيه: اللي تشوفيه ي قدري .
قدر ابتسمت لما سمعته بيقول الكلمه دي لتاني مره وخلصو شغلهم .
_____
ف اليوم التالي.
امير وقدر وندي نزلوا يبيعوا للناس واتقسموا زي امبارح عشان يخلصوا بدري .
سليم عرف مكان قدر وراح لها بس مش فاهم هو رايح لقدر فعلا ولا لندي .
قدر : خليكي هنا ي ندي وانا هدخل الكافيه دا ابيع فيه وخلي دول معاكي عشان لو عجبو حد وحب يشتري منك.
ندي : طيب انا مستنياكي.
قدر دخلت وندي استنتها.
سليم من ورا ندي: لو سمحتي .
ندي بصت لقت سليم : ايه دا هو انت مين بقي اللي بيمشي ورا مين دلوقتي .
سليم : ع فكره مش جايلك انا جاي لقدر .
ندي بضيق: أهي جوه تقدر تستناها لما تخرج .
سليم: هي قدر اللي بتعمل الحاجات دي ؟.
ندي : وانت شايف اي؟
سليم: طب انا هشتريهم اصل بصراحه صعبان عليا القمر دا يقف ف الشمسه .
ندي بزهق : والله فيك الخير واهو نخلص .
سليم ادي لندي فلوس كتير مقابل 3 قطع ، الفلوس دي سعر 20 قطعه يعتبر .
ندي : اي الفلوس دي كلها انا مش هاخد غير حق 3 بس .
سليم : تقدري تاخديهم كلهم بمقابل طبعا.
ندي باستغراب: مقابل اي دا ان شاء الله؟
سليم بثقه : سهره حلوه وكاسين ورقصه مع بعض كده يعني واهو نتبسط.
سليم مكملش كلامه ولقي قلم ع وشه من ندي .
سليم بعصبيه : انتي اتجننتي نسيتي نفسك ولا اي ؟
ندي بصوت عالي: انا بردو اللي اتجننت ي قليل الادب ي زباله دنا هوريك الجنان اللي ع اصله الحقونااااااي الحقونااااي .
قدر جرت ع صوت ندي والناس اتلمت ع سليم .
قدر : ف اي ي ندي .
ندي شدت قدر من ايديها وطلعوا يجروا وسليم زعق ف الناس وحلف انه مش هيسيبها غير لما يندمها.
قدر وندي بيجروا.
قدر : في أي ي ندي فهميني ؟
ندي بتنهج هفهمك كل حاجه لما نروح بس
اهم حاجه متعرفيش امير .
قدر باستغراب : حاضر مش هعرفه.
وصلت قدر وندي لامير.
امير : ف اي شايفكوا بتجروا.
ندي بارتباك: احنا بنجري عشان نلحق نرجع البيت .
امير بص لقدر : في حاجه ي قدر انتو كويسين .
قدر : اهه ي امير متقلقش.
امير ابتسم لها : طب الحمد لله يلا نرجع .
____
ف فيلا سليم .
سليم بعصبيه: تعرفلي كل كبيره وصغيرة عن البت دي انت فاهم ؟ ورمي التلفون بعصبيه ماشي انا بقي هوريكي.
_____
ف منزل احمد .
ندي حكت لقدر ع كل حاجه وقدر مش مستوعبه.
قدر : ياخرابي ي ندي دا مش هيسكت.
ندي : اعلي ما في خيله يركبه انا احبسه هو وعيلته كلها .
قدر : طب اهدي وبعد كده ابقي خدي بالك كويس ماشي؟
ندي : ماشي ماشي تعالي نتغدي وننام عشان نقدر نصحي بالليل .
قدر : ماشي ي حبيبتي وحضنتها وكملوا يومهم.

______
ف فيلا هايدي .
هايدي : ماشي ي سليم بردو بتجري ورا قدر ، ومين البت اللي ف الصوره دي ؟ اكيد صحبتها.
تلفون هايدي رن .
هايدي : الو وصلت لجديد .
مجهول : ايوه ي فندم ( دا كان شخص هايدي مأجراه عشان يراقب سليم وحكالها ع الموقف اللي حصل مع سليم وندي)
هايدي باستغراب : طب ابعتلي صور  البنت دي بسرعه .
بعد دقيقه وصلت الصور .
هايدي بدهشة: مش معقول مش دي اللي كانت مع قدر ، امم اكيد كان عاوز يتسلي معاها مش اكتر ع العموم هنعرف كله ف الاخر ويانا يانت ي سليم.

بقلم
noor hamdy