انت اميري .. انتي قدري ... بقلم نور حمدي

الفصل ال 11

انت اميري .. انتي قدري
الفصل ال 11.
ف اليوم التالي .
امير : احنا لازم نتوزع كلنا عشان نقدر نبيع شغل اليومين دا.
قدر: طب محنا بنتوزع كل يوم.
ندي : لا قصده كل واحد فينا ف مكان صح ي امير؟
امير: ايوه بس هتعرفوا تبيعوا لوحدكوا.
ندي : متقلقش الناس عرفتنا واحنا حفظنا الاماكن دي خلاص .
امير: طب يلا وياربت تخلوا بالكوا من نفسكوا.
قدر : وانت كمان خلي بالك من نفسك .
امير وقدر وندي كل واحد فيهم راح مكان واتفقوا انهم يتقابلوا ف مكان معين لما يخلصوا.
ندي ماشيه بتحاول تبيع للناس بس مش عارفه تقولهم اي وكانوا بياخدوا منها بسعر قليل ومش كانت عارفه تعمل اي
.
سليم : حرام عليكي والله هتخسريها.
ندي بصت وراها لقت سليم .
ندي : انت عاوز اي ؟
سليم : جاي اشوفك .
ندي : هو انت مش وراك حاجه غيري ما تروح تشوف شغلك بعيد عني.
سليم : هو انتي لي خايفه مني كده ؟
ندي: وانت مين عشان اخاف منك ، انا مبخفش ع فكره وياريت تسيبني اشوف شغلي وجت تمشي سليم مسكها.
ندي: عاوز اي سيبني .
سليم : الحقيقه صعبان عليا قدر لأنك بتبيعي الشغل بنص التمن وكده هتخسر وتضيعي تعبها.
ندي بحزن : منا مش عارفه اعمل اي ؟ وبعدين ملكش دعوه انت  .
سليم : تحبي اساعدك .
ندي بسخريه : وايه المقابل بقي المرادي بما انك مبتعملش حاجه من غير مقابل .
سليم ضحك وبعدين قال: المقابل انك تديني فرصه .
ندي سكتت مش عارفه تقول اي ؟
سليم : يلا تعالي وشوفي لما تبيعي حاجه تبيعيها ازاي.
وخد منها الحاجات ومشي وهي مستغربه منه ومش عارفه هو بيعمل لي كده ، ندي مشت هي وسليم وبدأ يبيع للناس الحاجه ضعف السعر ، وأسلوبه ف الإقناع كان خطير .
ندي : يالهوي انت بعتها ب 200 جنيه ازاي دا سعرها 80 جنيه بس.
سليم : منا جيبك تتعلمي .
ندي : لا بجد اقنعتهم ازاي؟
سليم : أهم حاجه الثقه وبص لندي وضحك وقعدو يبيعوا لحد ما خلصوا كل حاجه وبضعف التمن.
قدر وامير خلصوا واتقابلوا ف المكان اللي حددوه واستنوا ندي .
قدر : هتعمل اي مع اهلك ي امير .
امير مسك ايديها : متقلقيش هتكلم معاهم النهارده لما بابا يرجع من الشغل.
قدر : امير انا مش عاوزه يكون في مشاكل بينك وبين اهلك بسببي.
امير : انتي لي بتقولي كده متقلقيش هيوافقه.
قدر : طب ولما يعرفوا الحقيقه هيوافقوا؟
امير : قدر متقلقيش طول منا جنبك ولو الدنيا دي كلها وقفت ف وشي والعالم كله منعني انا مش هسيبك ومش هتكوني غير ليا لأنك انتي دنيتي وقدري.
قدرفرخت اووي بالكلام اللي امير قاله واطمنت لما قالها كده .
___
ندي : يالهوي انا اتأخرت اووي لازم امشي .
سليم : تعالي نرجع يلا
.
هوصلك وبعدين امشي.
ندي : انا متشكره جدا ليك ي سليم بجد من غيرك كان زماني تايهه وكنت ضيعت مجهود قدر زي ما قلت.
سليم بيبص لندي وبيحس براحه كل لما يشوفها او تكون معاه.
فضلوا يمشوا من غير ما يتكلموا بس كل واحد من جواه فرحان ومرتاح وقلبه بيدق بسرعه.
ندي: كفايا هنا انا هكمل .
سليم : تمم خلي بالك من نفسك .
ندي ابتسمت ومشت .
__
قدر بقلق : هي ندي اتأخرت كده لي ؟
امير : مش عارف بس زمانها جايه .
قدر : طب تعالي نشوفها فين ليكون جرالها حاجه.
امير : اهي وصلت اهي .
ندي جايه بسرعه : انا اسفه اووي اني اتأخرت بس متعرفوش انا بعت الحاجات اللي معايا بسعر كبير اووي.
قدر : أهم حاجه انك وصلت بالسلامه انا كنت قلقانه عليكي .
ندي حضنت قدر : متقلقيش يروحي ربنا ميحرمني منك .
امير : طب يلا عشان زمان ماما ع وصول .
ومشوا ورجعوا ع البيت .
______
ف فيلا هايدي
هايدي : بقي كده ي سليم ، ماشي ف الشارع بتبيع مع الست هانم ،وحشتك المرمطه ف الشوارع ، صحيح كل واحد بيدور ع اصله ، عمرك ما هتقدر تنسي اصلك ، ومين اللي طلعت لنا دي كمان ،نخلص من قدر تطلعلنا ست هانم بس لحد كده ومش هسكت، وانت اللي اخترت ي سليم .
______
ف منزل علي.
علي ف الورشه .
وليد : ازيك ي عمي علي .
علي : الله يسلمك يبني ، اي معرفتش حاجه عن قدر
.
وليد : عرفت ي عمي ، انا وريت صورتها لناس وقالولي انهم شافوها قريب كانت بتعمل شغل وبتبيعه .
علي بانفعال : ومستني اي تعالي نروح ندور عليها هناك يمكن ترجع تاني.
وليد : اللي تشوفه ي عمي .
علي بفرحه :  الحمد والشكر ليك يارب .
_____
ف منزل احمد .
امير : بابا انا عاوز اتكلم معاك ف موضوع مهم .
احمد : خير يبني.
امير : بابا انا عاوز اتجوز.
احمد بفرحه : وانا اكره يبني دا انا مستني اليوم دا طول عمري ، من بكره ادورلك ع عروسه .
امير: لا انا بحب واحده وعايزه اتجوزها.
احمد : طب كويس وهي مين دي ومين اهلها ، زميلتك ف الشغل؟
امير : بابا انا بحب قدر وعايز اتجوزها .
احمد بدهشة  : قدر؟!.
امير : ايوه يبابا انا وهي بنحب بعض وانا اهو بقلك عاوز اتجوزها .
احمد : تطلبها من مين يبني دا البنت مش لاقيه اهلها .
امير : انا اهلها ودنيتها كلها ، بابا انا بحبها .
احمد مستغرب : مش عارف ي امير اقلك اي ؟ سيبني وبكره هرد عليك  .
امير : ماشي يابابا بس حابب اقلك ان قدر مش هتكون لحد غيري .
احمد : سيبها لربنا ي امير هو يعمل اللي فيه الخير .
جميله كانت سامعه كل حاجه وفرحت جدا لانها بتحب قدر .
قدر وندي كانوا بيسمعوا من ورا الباب .
قدر : تفتكري هيوافق ؟
ندي : متقلقيش لو كان هيرفص كان رفض ساعتها هو بيفكر هيعمل اي مش عاوز يتسرع،  ع العموم متقلقيش امير مش هيسيبك لحد تاني .
قدر بقلق: ربنا يسترها بقي.
بعد مرور الوقت
امير : ندي انا عاوز اتكلم مع قدر .
ندي : طب ادخل وانا لو حد صحي هحاول اتصرف .
امير استأذن ودخل.
قدر : امير
امير وقدر حضنو بعض.
قدر : امير انا خايفه .
امير : ممكن اعرف خايفه من اي؟
قدر : خايفه لأهلك ميوافقوش وانت تتخلي عني .
امير : قدر هو انت مش واثقه ف حبي ليكي .
قدر : مش قاصدي ي امير ، بس ..
امير : مش بس ويلا بقي عشان ننزل الورشه وياريت متفكريش ف حاجه ومتقلقيش نفسك من حاجه  وياريت تثقي فيا اكتر من كده.
قدر بارتياح : طيب ي امير. اساسا طول منت جنبي انا مطمنه.
وحضنها تاني وبعدين نزلوا الورشه زي كل يوم
____
ف اوضة احمد .
جميله : انت منمتش لسه ي احمد.
احمد : بفكر ي جميله ف موضوع ابنك،  مش عارف اعمل اي ؟ خايف أرفض ليكرهني ويفكرني واقف ف وش سعادته،  وخايف أوافق مش عارف ي جميله مش عارف .
جميله : انا مش عارفه انت عامل موضوع من غير موضوع ومكبره اووي كده لي ، قدر واحنا عارفينها وعارفين أخلاقها ولو ع اهلها هما بيدوروا عليهم واكيد يعني الارض مبلعتهمش هنعرفلهم طريق ف الاخر ، وابنك بقي بيحبها انت مشفتش وهو بيتكلم معاك كان مصمم ازاي ؟ وافق ياخويا وصدقني مش هتندم.
احمد : تعالي ننام دلوقتي وبكره يحلها ربنا.
جميله : تصبح ع خير
احمد : وانتي من اهله .
_____
ف اليوم التالي.
عيله احمد بيفطروا .
امير مستني ابوه يتكلم ف الموضوع وعاوز يسأله بس قرر يسألوا بعدين عشان ميحرجش قدر .
احمد: انا موافق يبني .
امير : نعم ؟ موافق ع اي يابابا،  موافق ان انا وقدر نتجوز؟
احمد : انتي بتحبي امير ي قدر ؟
قدر بخجل ونطقت بالعافيه : ايوه .
احمد : خلاص يبقي انا موافق هتعملوا خطوبه الاول ، وكتب الكتاب لما نلاقي اهل قدر ، و نعرف لهم طريق .
قدر بصت لامير بقلق وامير بصلهاوطمنها.
امير : انا فرحان جدا يا بابا انك فهمتني ومتقلقش ان شاء الله قدر هتلاقي  اهلها وهنتجوز.
جميله بفرحه: الف مبروك يبني ، الف مبروك ي حبيبتي،  ربنا يتمملكوا ع خير .
ندي فرحانه : الف مبروك يقدر والله بقي محدش فرحان قدي .
قدر وامير بيبصوا لبعض وكل واحد عاوز يقوم يحضن التاني وميسبوش بعض ابداا.
احمد : لما ارجع من الشغل هبقي احددلكم ميعاد الخطوبه.
امير : ماشي يابابا بس ياريت ف اقرب وقت .
احمد : إن شاء الله يبني .
احمد وجميله فطروا وكل واحد نزل شغله ، وامير وندي وقدر جهزوا عشان ينزلوا.
امير حضن قدر : مش قلتلك متقلقيش،  والله عمري ما اتخلي عنك ولا اسيبك .
قدر : ربنا ميحرمني منك ي اميري ، بس هنعمل اي ف موضوع اهلي دا.
امير : متقلقيش دي سيبيها عليا، مش هنعمل فرح غير واهلك موجودين.
قدر : بجد ي امير .
امير : بجد ي عيون امير وحضنها .
وبعدين نزلوا زي كل يوم .
ندي كانت عاوزه تشوف سليم ، بس سليم كان وراه شغل كتير و مقدرش يروح ، وندي اتضايقت جدا من نفسها وقررت انها تبطل تفكير ف سليم .

بقلم
noor hamdy
عاوزه تفاعل يجماعه بلييز،  عشان اقدر اعمل روايات تانيه حلوه .. عاوزه تشجيع