انت اميري .. انتي قدري ... بقلم نور حمدي

الفصل ال4

انت اميري..انتي قدري
الفصل ال 4
سليم : هايدي الزمي حدودك.
هايدي بصت لقدر من فوق لتحت : بس مكنتش اعرف ان ذوقك بقي بلدي اووي كده .
قدر : لو سمحتي مش تغلطي.
سليم : هايدي انزلي استنيني تحت .
هايدي: نعممم ، بتمشيني عشان دي؟ ع العموم انا غلطانه اني قلقت عليك وجيت اشوفك سلام .
سليم: اعذريني ي قدر ارجوكي متزعليش.
قدر : لا مش زعلانه عن إذنك.
سليم مسك ايدين قدر: طب تعالي نفطر تحت سوا.
قدر : لا مينفعش يعني انا شغاله عندك (وسحبت ايديها ببطء) من امتي والشغالين بياكلو مع اللي بيشتغلو عندهم. ؟
سليم : قدر انتي شغلتك خلصت انتي حاليا ضيفه عندي ولازم استضيفك كويس .
قدر : انت قلت انا شغلي خلص هنا ولازم امشي ف اقرب وقت ، عن إذنك وشكرا جدا للي عملته معايا .
سليم : طب انتي لما تمشي من هنا هتروحي فين ؟
قدر : هدور ع شغل .
سليم : طيب خليكي هنا لحد ما اجيبلك شغل كويس ليكي ووقتها انتي حره ف حياتك بس من هنا لوقتها انتي ضيفه عندي .
قدر مستغربه ومش فاهمه هو لي بيعمل كده اكيد مش حبني يعني ، ع العموم لازم اخد بالي كويس وبعدين وافقت .
__
ف جنينه سليم .
سليم بياكل وعنيه ع قدر اللي ملاحظه نظراته اللي كلها اعجاب وهتاكلها، قدر اتوترت وحبت تغير الوضع دا .
قدر : حلوه اوي الجنينه.
سليم : اول مره اشوفها حلوه النهارده.
قدر ف نفسها انا عارفاك مش هتتهد اما توقعني،  وانا غلبانه وهطله استرها يارب.
سليم : ساكته لي ؟
قدر : هقول اي يعني.
سليم : عاوز اعرف حكايتك.
قدر : بمناسبة اي تعرفها لا وحتي لو حكتلك فدا مش الوقت المناسب.
سليم بخيبة امل : ع راحتك.
كملو فطارهم وبعدين سليم راح الشركه وقدرقضت اليوم كله ف الجنينه سرحانه ف جمالها.
______
بعد مرور اسابيع

ف بيت علي ( والد قدر)
زينب بكسره : احضرلك الاكل ياخويا.
علي : لا ي زينب مش عاوز اكل حاجه.
زينب : وانت فاكر ان لما قدر تشوفك ع الحاله د هترتاح ، لازم تاكل يعلي اومال مين اللي هيدور عليها ويرجعها بتها تاني.
علي : يارتني سامحتها من الاول ، ياريتني ما طردتها الناس وحشه اووي ي زينب انا خايف عليها من الدنيا د .
زينب : متقلقش ان شاء الله قدر قدها، 
علي : انا عارف بنتي ع اي ي زينب هي بس لولا انها طيبه زياده ع اللزوم مكنش جري كده ، اللي مضايقني وقاهرني انه كان ف السر انه كانت بتستغفلنا.
زينب : ملوش لزوم الكلام دا دلوقتي يلا قوم كل .
علي : يارب احمي قدر بنتي.
زينب : آمين ياارب.
_______
ف فيلا سليم .
قدر: سليم كنت عاوزه اتكلم معاك ف موضوع الشغل دا .
سليم : اهه اتفصلي.
قدر: انت قلتلي هتشوفلي شغل ف اقرب وقت وانا اهو بقالي يجي شهر ومش اشتغلت .
سليم كان قاصد مش يخلي قدر تشتغل كان عاوزها قدام عنيه بس .
سليم : اكيد طبعا بس انا عاوز اشغلك ف حاجه متتعبكيش.
قدر: معلش بس هو انا مش عاوزه اقعد هنا اكتر من كده خصوصا ان هايدي كره الوضع ، انت لو مش هتعرف تجيبلي شغل انا ممكن انزل ادور عادي.
سليم : وانتي مالك بهايدي تتفلق اهم حاجه راحتك انتي.
قدر وقفت بانفعال وانا  مش مرتاحه.
سليم استغرب: لي مش مرتاحه هنا هي هايدي عملتلك حاجه.
قدر : لا بس مش متعوده اكون عاله ع حد .
سليم :متقوليش كده بالعكس انا فرحان انك موجوده.
قدر: طب هتشوف شغل ولا ادور انا.
سليم: خلاص متقلقيش من بكره هشوفلك شغل مناسب .
قدر : شكرا عن اذنك.
سليم مسك ايديها: استني .
قدر : اتفضل .
سليم : انا عازمك النهارده ع العشا وبعدين هنروح مول نشتري شويه فساتين  .
قدر : فساتين لمين؟
سليم : ليا .
هيكون لمين يعني ليكي انتي.
قدر : طب واي المناسبه.
سليم : اعتبريهم هديه
مش اكتر.
قدر عارفه ان سليم عاوز يقرب منها وطول الوقت بتحاول تحط بينهم حدود ، بس لو رفضت المرادي هيبقي بينهم سد كبير وهي مش عاوزه كده يحصل .
قدر بفرحه : طب موافقه بس بشرط لما اشتغل هدفعلك فلوسهم.
سليم استغرب بس خدها ع هواها
.
سليم  : طب يلا اطلعي اجهزي عشان نخرج.
_____
ف بيت احمد .
ندي زعلانه عشان امير ، وبتحاول تعمل اي حاجه عشان تخرجه من الحاله اللي هو فيها دي باي تمن.
ندي: انا لازم اقنعه المرادي ومش هسيبه زي كل مره.
خرجت ندي من الاوضه وراحت لامير.
ندي : امير.
امير : نعم .
ندي: انا عاوزه اخرج ي امير وانت عارف بابا مش هيسمح اخرج لوحدي ف الوقت دا.
امير : والمطلوب.
ندي: انك تخرج معايا .
امير : انتي عارفه ردي كويس.
ندي: عشان خاطري ي امير من زمان اووي مخرجناش عشان خاطري عشان خاطري .
امير بعصبيه وضيق: انا قلت لا ولو سمحتي اطلعي بره يلا عاوز انام.
ندي والدموع ف عنيها وبخيبه امل : طيب اللي تشوفه
امير اتخنق من نفسه هو عارف ان اخته بتعمل كده عشان تخرجه من موده وعارف انه جرحها.
امير: هو انا يعني لازم اخسر كل اللي حوليا.
ندي ف اوضتها بتعيط لقت امير بيخبط.
ندي : أتفضل.
امير : اي دا انتي لسه ملبستيش طب مش نازل.
ندي بفرحه وجرت عليه حضنته حبيبي ي امير هلبس دلوقتي حالا اقلك تعالي يلا بالبجامه.
قعدو يضحكو ولبسو عشان يخرجوا.
______
ف فيلا سليم .
سليم واقف تحت مستني قدر ، قدر نازله من السلالم زي البدر لابسه فستان نيلي  ورافعه شعرها وحاطه ميكب خفيف بارز ملامحها
.
سليم اول ماشافها فضل متنح وكل ما تنزل سلمه هو يقرب خطوه قدر اتوترت وكانت هتقع بس امير لحقها وبقت بين ايديه.
(موسيقي هاديه هنا لو سمحت)
امير: ع فكره مش لازم تكوني حلوه اوي كده.
قدر قامت ووقفت: شكرا ع زوقك الفستان حلو اوووي.
سليم : عجبك ؟
قدر بفرحه: جداا
وخرجوا وراحو ع مطعم يتعشوا فيه وطبعا سليم مشلش عينه من ع القدر وكانت هي ملاحظه كده بس كانت فرحانه.
______
عند ندي وامير.
ندي : يلا ي امير هتطلب اي ؟
امير: عادي اللي هتاخديه.
ندي شاورت لصحبتها اللي جايه من بعيد وجت قعدت معاهم.
هنا : ازيك ي امير.
امير : الله يسلمك .
هنا معجبه بامير من زمان واتفقت مع ندي انهم يتقابلوا عشان يعجب بيها ويحبها بس الحوار مش بالساهل كده .
وامير طبعا فاهم اخته وعارف هي عاوزه توصل لايه.
هنا : عن اذنكو انا هروح التوليت.
ندي : تمم يروحي
.
هنا بصت لامير استنته يقلها حاجه بس محصلش.
بعد ما مشت.
امير : لا والله ؟!.
ندي وهي بتاكل : اي حصل حاجه.
امير : ع فكره انا فاهمك واللي ف دماغك مش هيحصل ولو حصل تاني مش هخرج معاكي.
ندي : يوه ي امير منت عارف ان هنا بتحبك ماتديها فرصه ي اخي ياساتر عليك ياساتر.
امير : طب اي هنروح ولا عاوزه نروح ف مكان تاني.
ندي : طبعا هنروح المول نشتري منه شويه حاجات.
امير : وطبعا انا هدفع كل دا .؟
ندي : لا متخافش ابوك مقبضني.
ضحكو سوا وكملو اكلهم وبعدين خرجوا ع المول بعد ما هنا استأذنت ومشت لما لاقت مفيش فايده ف امير .
_____
ف المول .
سليم : اختاري اي فساتين او اي حاجه تعجبك تمم.
قدر: ايوه بس السعر هنا غالي اووي.
سليم : متشغليش بالك انا هروح اشتري ليا حاجه وانتي دوري هنا بس متوهيش مني .
قدر بابتسامه لا متخافش.

عند ندي وامير .
ندي: بقلك اي ي امير شوفلي كدا فستان حلو ع زوقك.
امير : منا بدور اهو اتنيلي،  انتي مش بيليق عليكي حاجه اصلا.
ندي بغيظ: لا والله وانا اللي كنت هشتريلك هديه طب خساره فيك هه.
امير : يخبر هديه اي د طب انا اسف هديه اي بق .
هجبلك قمصين وجاكت.
امير : اي ي عم الكرم دا كله .
ندي : اومال عندنا كام امير يعني .خليك هنا وانا هروح اشفلك حاجه حلوه .
امير : تمم .

قدر عجبها فستان حلو اوووي بس امير كان ماسكه وبيبص فيه .
قدر : حلو مش كده؟
امير : افندم.
قدر: الفستان حلو .
امير : اهه دا لأختي بس لو عجبك خديه.
قدر بابتسامه لا شكر هو من نصيبها تتهنا بيه.
امير وقدر عيونهم اتقابلوا.
قدر حست بشعور غريب وامير حاسس انه يعرف قدر حاسس انهم اتقابلوا قبل كده بس مش ف الدنيا د اتقابلو ف دنيا تانيه خالص حالة توهان حصلت لاتنين كل واحد زي ما يكون شاف نصه التاني.
قدر بارتباك: عن إذنك.
امير بحزن انها هتمشي: اتفضلي.
واشتري الفستان لاخته يمكن يفتكر قدر لما اخته تلبسه.
__
ندي : اه مش تحاسب يعم انت .
سليم  بثقه: انا بردو ولا انتي .؟
ندي بصت لعنيه وقالت ف نفسها : ياااااه قمرين دول ولا عنين.
سليم بغرور: شايفك سرحتي.
ندي فاقت لنفسها : ياخويا بدل ماتركب لانسز ومش عارف تشوف منها وعمال تخبط ف الناس ابقي اخلعها بلا خيبه وبعدته بايديها ومشت.
سليم : هبله دي ولا اي .
سليم مستغرب انها مش اهتمت بيه ومشت ومعبرتوش.
سليم: معقول ماتعرفنيش دا انا مش مشهور قوي بقي.
وبعدين مشي وراح يدور ع قدر.
قدر اشترت فستان حلو وسليم عجبه اتنين كمان جابهم لها تحت اصرار شديد منه لان قدر مش كانت موافقه.
ندي فرحت اووي بالفستان اللي امير اشتراه وعجبها اووي وهي اشترتله قميص وبنطلون وجاكت وشوز.
وعجبوا امير

واليوم عدي ع ابطالنا.
امير سرحان ومش قادر يفكر حالة الحزن اللي بتجيله خفت وبقي بيفكر ف البت اللي شافها ف المول وبيتمني يشوفها تاني.
ندي فرحانه اووي بالفستان وبتلبسه وتتصور وتوريه لصحبتها وخكتلها ع المز اللي شافته ف المول بس لما لقيته متكبر سابته ومشت.
قدر عقلها مشوش يعني بعد ما خلاص هتحن لسليم طلع امير ف وشها حست احساس تجاهه غريب بمجرد نظره واحده بس قالت إنها مجرد صدفه وراحت لحالها.
سليم باله مشغول بقدر وجه ف باله فجأه البت اللي كانت ف المول وبدأ يبتسم.
ونامو ابطالنا بعد تفكير طويل ويوم اطول.

بقلم .
Noor hamdy