انت اميري .. انتي قدري ... بقلم نور حمدي

الفصل ال7

انت اميري ..انتي قدري.
الفصل ال 7 .

ف منزل علي .
علي وزينب بيفطروا.
زينب : هتنزل تفتح الورشه ؟
علي : لا انا اديت مفاتحها لوليد هو هيشغلها ، وانا هدور ع قدر .
زينب : هو انت فيك صحه تدور ف الشوارع ، ما تخلي عيل من الصبيان بتوعك يدوروا عليها واقعد انت ف الورشه.
علي: لا ي زينب انا كده هرتاح .
زينب : ربنا يريح قلبك يعلي ويطمنا ع قدر وان شاء الله ترجعلنا بالسلامه.
______
ف منزل احمد .
امير : هي لسه نايمه ؟
ندي : اهه دي نامت بصعوبه طول الليل قلقانه وبتفكر حاولت اطمنها لحد ماتعبت من التفكير ونامت.
امير: طب هنعمل اي بعد كده ؟
ندي : انت بتسألني انا ي امير .
امير بحزن: يعني هي هتمشي .
ندي : طب انت عاوز اي ؟
امير : عاوزها تفضل معانا لحد ما تلاقي شغل واطمن عليها .
ندي : اممم طب بقلك اي ، سيبني انا افكر وان شاء الله هلاقي حل .
امير : ازاي دا انا طول الليل بفكر ومش عارف اعمل اي.
ندي : خلاص ي امير قلتلك هفكر،  خليك انت بس مركز ع اوضتي لحد يدخل ، وانا هحضر مع ماما الفطار ولما تنزلوا شغلكو انا هشوف حل للموضوع.
امير : طيب وانا عارف انك قدها .
العيله فطرت ونزلوا شغلهم وندي مراحتش الكليه وطلبت من ساره تبعتلها المحاضرات ، وقعدت تفكر ف حل .
قدر قامت من النوم وكانت هتمشي بس ندي طلبت منها تقعد لحد ما تشوف حل وحضرتلها حاجه تأكلها وطلبت من قدر ترتاح ف اوضتها.
امير مشغول بقدر طول الوقت وخايف لاخته متلاقيش حل ، ومش عارف هيعمل اي لو قدر مشت ؟
______
ف شركه سليم .
سليم باله مشغول بقدر ومش قادر يركز ف شغله ، تليفون سليم رن .
سليم : الو وصلت لجديد؟
مجهول : ايوه ي فندم،  انسه قدر قاعده ف بيت القاضي (احمد حجازي )
سليم باستغراب : وهي تقربله اي ؟
مجهول : لا يفندم متقربلوش،  بس عنده بنت يمكن تكون صحبتها.
سليم : طب خليك مصحصح ولو حصل اي جديد تبلغني مفهوم .
قفل تلفونه وحس براحه لما اطمن ع قدر وركز ف شغله .
______
ف المساء .
امير : عملتي اي ف موضوع قدر؟
ندي : هتسمعني دلوقتي وانا بتكلم مع بابا عشان لما تستغرب ميشكش.
امير بفرحه : بجد يعني انتي لقيتي حل ؟
ندي : عيب عليك بس يارب بس تدخل عليه الحكايه دي .
امير : يارب طب هي قدر عامله اي دلوقتي.
ندي  : كويسه ياخويا مكلتهاش،  وضحكت .
جميله : تعالي ي ندي حضري معايا العشا .
ندي:  معلش يماما انا عاوزه بابا ف موضوع خلي امير يساعدك.
احمد : خير يبنتي موضوع اي دا ؟
ندي بارتباك: بابا هو انت فاكر قدر صحبتي ؟
احمد : مين قدر دي لا معرفهاش .
ندي: معقوله يابابا قدر دي صحبتي يعني و يعتبر اكتر من أختي.
احمد : مش فاكر والله،  هي مالها اشمعني بتسأليني يعني ؟
جميله وامير قعدو يسمعوا ندي هتقول اي
ندي : اصل بصراحه حصل معاها ظروف وحشه اووي ، باباها ومامتها كانو مسافرين وكانو بيبعتولها فلوس اول بأول بس بقالهم شهر مبيبعتوش حاجه،  وقدر حاولت تتواصل بيهم كتير معرفتش ،وصحاب البيت اللي مأجراه تردوها عشان مش معاها فلوس تدفع .
احمد : طب انتي محتاجه لها فلوس ؟
ندي بزهق  : ي بابا لا انا عاوزاها تفضل معايا كام يوم كده لحد ماتعرف اهلها وتطمن عليهم ، او ع الاقل تلاقي شغل .
احمد : لا ي ندي مينفعش تعيش معانا هنا ، انا ممكن اساعدها واجرلها بيت ، وممكن كمان ادورلها ع شغل ، لكن هنا مينفعش.
ندي : مينفعش لي بس يابابا يعني حرام البنت قلقانه ع اهلها ومحتاجه دايما حد جنبها يواسيها ويفكر معاها تحل المشكله دي ازاي ؟ عشان خاطري يابابا وافق ،انا مش عاوزه اخذلها ملهاش حد غيري .
احمد: طب هي هتفضل هنا قد اي ؟
ندي : متقلقش يعني من بكره هتدور ع شغل واول ما تلاقي هتمشي ع طول،  عشان خاطري بقي ي بابا .
جميله : خلاص ي احمد وافق من امتي وحد محتجلنا نكسفه ونرجعه مكسور الخاطر.
احمد : انا مقلتش مش هساعدها ي جميله ، ع العموم خلاص اعملو اللي يريحكوا.
ندي بفرحه : هيييي يحيا بابا وحضنته وباسته ربنا يخليك ليا ي احلي اب ف الدنيا.
احمد : ههه وانا ليا كام ندي يعني .
وباسها من راسها.
امير فرحان والفرحه مش سايعاه وف نفس الوقت  مستغرب هي ندي قدرت تقنعهم ازاي ؟
جميله : طب يلا تعالو اتعشوا.
ندي : طب ثواني انادي قدر .
احمد : تندهلها منين؟
ندي: مهي جوه يابابا جاتلي النهارده الصبح وبعدين انا اصريت عليها تفضل ووعدتها اني هساعدها.
احمد: طب افرض يبنتي كنت رفضت كنت هتحطيني ف أمر واقع .
ندي ف نفسها مدي كانت الخطه البديل وابتسمت.
ندي : لا ي حبيبي عارفاك مش هترفض.
قدر اتكسفت تطلع وندي اصرت عليها لحد ما اقتنعت،  جميله واحمد رحبوا بيها وامير ابتسملها ورحب بيها هو كمان عشان ميشكوش.
قدر كانت فرحانه اوي وهي ف وسطهم وحست بالدفي والأمان وامير كان ع طول بيبصلها وبيتمني انها تكون جزء من العيله.
بعد مرور عدة ساعات.
امير حضن ندي وفرحان جدا .
امير : ربنا يخليكي ليا ي احلي اخت ف الدنيا مش عارف من غيرك كنت عملت اي ؟
ندي : انا فرحانه اوي لما شفت الابتسامه والضحكه ع وشك انا مقدرش اشوفك زعلان ي امير ، ولو قدر هتفرحك اخليها تعيش معانا ع طول اي رأيك؟.
امير: ربنا ميحرمني منك،  بس هو احنا هنعمل اي ف موضوع الشغل دا ؟
ندي : والله ي امير مش عارفه بس هتتحل ان شاء الله ، انا تعبت وهدخل انام وبكره هفكر وكملت بغمزه اهم حاجه ان قدر موجوده والباقي نحله بعدين هههه.
امير : طب روحلها بقي بسرعه عشان متزهقش وهي لوحدها.
ندي : ماتتقل يبني في أي هتكسفنا.
امير : امشي يبت اجري وانتي محدش معبرك كده ، انتي غيرانه عشان هي احلي منك انا عارف ههههه.
ندي : نينينينبي،  طب متخلنيش انفسن بقي واهدها فوقك.
امير :لا لا بهزر انتي اللي ف القلب بردو يلا بقي روحي.
ندي : ايوه كده اظبط.
امير: يلا ي رخمه.
ندي دخلت لقدر: سرحانه ف اي ي جميل .
قدر : لا ولا حاجه دا انا بفكر بس هعمل اي بكره ف موضوع الشغل دا ؟
ندي انتبهت لسلسله اللي قدر لابساها ومكتوب عليها اسم قدر.
ندي: وااو اي السلسله التحفه دي ؟ شارياها منين ؟
قدر : لا انا مش،شارياها انا اللي عملتها.
ندي : بجد ازااي؟ هو انتي بتعرفي تعملي حاجات من دي ؟
قدر: ايوه بابا هو اللي معلمني من وانا صغيره وعملتها لنفسي وكنت عامله حاجات تانيه كتير ، وبابا باعهم كنت بساعده يعني .
ندي : يعني انتي ممكن تعملي حاجات من دي وتبعيها؟
قدر : اهه بس اعملهم فين وابعهم لمين؟
ندي : ثواني انا هنده لامير .
قدر اول لما سمعت اسم امير ارتبكت وحست انها متوتره اووي.
ندي بصوت واطي : امير تعالي بسرعه.
امير : في أي قدر حصلها حاجه؟
ندي : لا بس تعالي براحه يلا .
امير عدل هدومه وبدأ يعدل شعره ودخل اوضة ندي .
قدر وامير بصوا لبعض وكل واحد حاسس ان قلبه هيخرح من مكانه.
ندي : هييي يجماعه امير وقدر ركزوا.
امير : نعم اي الموضوع.
ندي: انا لقيت شغل لقدر.
امير بفرحه : بجد شغل اي دا ؟
ندي : شايف السلسله اللي قدر لابساها دي .
امير : اهه تحفه مالها هتبعوها ولا اي ؟
ندي : حاجه زي كده .
قدر : ايوه بس ازاي ؟
ندي : امير قدر هي اللي عامله السلسله دي وقالت إنها بتعرف تعمل حاجات تانيه غيرها كتير .احنا بقي هنساعدها تعمل الحاجات دي وتبعهم.
امير : الحقيقه السلسله جميله جدا وشغلها حلو ، بس هي قدر مش محتاجه معدات وناس تشتري وحاجات تانيه كتير؟
ندي : اومال انت شغلتك اي منا جايباك عشان تفكر معانا.

ياتري ندي وامير هيحلوا الموضوع دا ازاي ؟
بقلم
noor hamdy