انت اميري .. انتي قدري ... بقلم نور حمدي

الفصل ال12

انت اميري .. انتي قدري.
الفصل ال 12.
ف المساء .
ف منزل احمد .
احمد رجع من الشغل والعيله اتعشت وقعدت .
احمد نادي ع قدر وامير عشان يتكلم معاهم.
احمد : انا حددت ميعاد الخطوبه بتاعتكم.
امير بفرحه : طب امتي؟
احمد : كمان يومين بما انكو مستعجلين.
امير بص لقدر : موافقه ي قدر ع الميعاد دا ولا نأجل شويه .
قدر بخجل: هو مناسبني، بس أهم حاجه اللي يريحك.
امير : تمم ي بابا الميعاد دا مناسبنا.
احمد : طيب ع خيرة الله ، الحق اعزم قرايبنا وانتو تنزلوا تشتروا حاجات الخطوبه والشبكه.
امير وقدر بصوا لبعض وكل واحد طاير من الفرحه.
ندي : لولولولولوي الف مبروك ي روميو ، والله وهنلبس فستان.
الف مبروك ي قدر وحضنتها والجو كان مليان فرحه .
وجميله عملت كيك وعصير بالمناسبه دي .
ندي : الله يماما الكيكه حلوه اووي .
وبتاكل ف الكيكه لقت رساله من سليم .
سليم : اطلعي بره عاوز اشوفك.
ندي انصدمت: دا بجد يالهوي لو اتجنن وطلع هنا زي المره اللي فاتت تبقي مشكله.
ندي : انا مش هقدر اطلع وامش دلوقتي ، وإياك تتجنن وتطلع انا اهلي موجودين .
سليم : طب بصي حتي من الشباك محتاج اشوفك .
ندي استأذنت ودخلت اوضتها ووقفت عند الشباك ورنت ع سليم .
ندي ،: ها عاوز اي؟
سليم : وحشتيني ومقدرتش استني لبكره .
ندي معرفتش ترد عليه وحاسه بمشاعر كتير وقلبها بيدق بسرعه .
سليم : هتفضلي ساكته كده ؟ مش هتقولي حاجه .
ندي بفرحه: اصل حصل النهارده حاجه مفرحاني اووي ، قدر وامير هيتخطبوا كمان يومين وانا فرحانه جدا .
سليم باستغراب: قدر ؟! هما بيحبوا بعض من امتي ؟
ندي : شايفاك اضايقت هو انت لسه بتحبها؟
سليم : مش لو كنت حبتها اصلا ، انا معرفتش معني الحب غير لما قابلت واحده كده ، اي نعم دبش بس نقول اي بقي القلب ومايريد ، انا بس اتفاجئت مش اكتر.
ندي اتكسفت : ماشي ي اخويا.
سليم : اخوكي؟! طب انا ماشي .
ندي ضحكت : استني بس رايح فين ؟... هو انت صحيح مجتش لي النهارده
؟
سليم بابتسامه : استنيتيني؟
ندي بارتباك: لا وانا استناك لي بس انا معرفتش ابيع حاجه كنت عاوزاك تساعدني .
سليم ضحك : هعوضهالك يقمر ، بس انا جالي شغل ضروري ومكنتش اعرف امشي كان لازم اعمله بنفسي .
ندي : طب تصبح ع خير بقي لازم اقفل .
سليم : لو كنتي معايا دلوقتي مكنتش هسيبك تمشي، كنت هخطفك واطلع اجري .
ندي ابتسمت وقالت بخجل : تصبح ع خير .
سليم بصلها بابتسامه: وانتي من اهلي.
ندي اتكسفت ومشت .
وسليم فرحان انه شافها وحس ان يومه كمل ورجع ع بيته .
ندي فرحانه والابتسامة ماليه وشها .
قدر بغمزه : اي سر الابتسامه دي ممكن اعرف.
ندي ضحكت : لا انا فرحانه بس عشانك انتي وامير .
قدر : طب الايام هتعرفني هنروح من بعض فين وقعدو يضحكوا.
امير : حبيبتي ، احنا بكره هنروح نشتري حاجات للخطوبه مش هننزل نبيع حاجه عايزك ترتاحي عشان الصبح هنقوم بدري ونقضي اليوم كله مع بعض.
قدر : انا فرحانه اووي ي امير فرحانه وحاسه ان انا طايره .
امير: قلتلك ان كل حاجه هتبقي حلوه.
قدر : كل حاجه بقت حلوه من وقت ما شفتك ودخلت حياتي .
امير : بحبك ي قدري .
قدر بخجل : وانا بحبك ي اميري .
_____
ف اليوم التالي .
ندي وجميله نزلوا يشتروا حاجات الخطوبه ، وأحمد كان بيعزم قرايبه.
وامير وقدر كانو بيشتروا حاجات ليهم .
امير ماسك ايدين قدر وماشين فرحانين ان كل واحد بقي ملك للتاني .
امير اشتري لقدر فستان حلو اووي.
قدر : انا ملاحظه ان زوقك حلو اوي ف الفساتين.
امير: يعني هو عجبك .
قدر : دا تحفه ي امير ربنا يخليك ليا .
امير لمس خدها: طب يلا بقي ي قدري اشتريلي البدله ع زوقكك.
قدر: بس انا مش هعرف اختارلك.
امير،: تعالي نختار سوا وقعدوا يدوروا لحد ما لقوا بدله حلوه تليق ع لون الفستان .
امير : تحبي نروح فين دلوقتي .
قدر : مش عارفه اي مكان معاك بيبقي جنه.
امير بابتسامه ومسك وشها بايديه وباس راسها وكمل بحنان: طب انا جعان اي رأيك نروح مطعم ناكل وبعدين نكمل مشوارنا.
قدر بفرحه : ماشي ي اميري ومسكت ايديه ومشوا.
بعد ما خلصوا اكل اكلوا ايس كريم وبعدين راحوا الملاهي لان دي كانت رغبة قدر وقعدوا يلعبوا هناك وضحكتهم كانت مسمعه العالم كله .كان كل واحد حاسس انه مالك الكون كله ، كانو اكتر اتنين فرحانين.
وبعد كده راحو سينما واتفرجوا ع فيلم رومانسي وكل واحد بيبص لتاني كأنه عاوز يطمن انه جنبه ومش بيحلم ومسكوا ايدين بعض خايفين ليروحو من بعض . وبيتمنوا ان عمرهم كله يفضلوا مع بعض وميتخلوش عن بعض ابداا.
قدر وامير وصلوا البيت وكان اليوم دا بالنسبالهم احلي يوم .
وندي قضت اليوم كله تساعد مامتها وسليم كان محتاج يشوفها بس الشغل كان واخد كل وقته ، وهايدي بتخطط ازاي تربي سليم وتندمه.
وعلي لسه بيدور ع قدر ومفقدش الأمل.
واليوم خلص ع ابطالنا
_____
يوم الخطوبه .
ندي بتجهز قدر : اي القمر دا ، الفستان دا عليكي يجنن ي قدر.
قدر : انتي اللي قمر
اووي ف الفستان دا .
قدر وندي جهزوا وطلعو للمعازيم وامير كان واقف بكامل اناقته والبدله كانت عليه تحفه.
امير لبس قدر الشبكه والبيت اتملي زغاريط وامير فضل يرقص مع صحابه وقدر وندي وساره قعدو يرقصوا فرحانين وبعدين امير شال قدر ورقصوا مع بعض والبيت كان مليان فرحه .
ندي بتصقف هي وساره وفرحانين لقت سليم واقف ع الباب .
ندي بصدمه : يالهوووي دا اي اللي جابه دا ؟ وراحت ل سليم وشدته من ايده وخرجه بره
ندي: انت جرئ اوي ع فكره هتوديني ف داهيه .
سليم بثقه : انا اساسا مش جاي عشانك انا جاي ابارك لقدر .
ندي : والله ؟! طب عن إذنك بقي .
سليم مسك ايديها : مالك وشك قلب كده لي ؟ بس اي الجمال دا كله يبخت الفستان والله .
ندي بفرحه : عجبك .
سليم: الفستان؟
ندي: انت رخم ع فكره.
سليم قرب عليها وشدها وخلاها قريبه منه .
سليم : وانتي اجمل واحده شفتها ف حياتي .
ندي اتوترت وبعدت عنه ودخلت جوه وهي متوتره.
سليم دخل وراها وقعد يرقص مع امير وامير مش عارف هو مين وبص لاخته وفهم الحكايه وضحك وقعدو يرقصوا مع بعض .
ساره : ي لهوي ع الوتكه ، مين دا ي ندي اللي بيرقص مع امير ؟
ندي : يعني مش فاكره ي ساره ، دا الولد اللي حكتلك عنه يوم المول دا الولد اللي خبطت فيه دا فاكراه؟.
ساره قعدت تفكر لحد ما افتكرت.
ساره بصدمه : انت بتهزري دا خلو اوي، وهو اي اللي جابه هنا ؟ هو قريبكوا.
ندي : لا يعني تقدري تقولي قريب قدر .
قدر لما شافت سليم ضحكت وعرفت اللي فيها وبصت لندي اللي قعده متوتره وراحتلها
قدر بغمزه: هي اي الحكايه ي جميل ؟
ندي: والله معرفش حاجه وبعدين هو جاي يباركلك.
قدر بضحكه: لا مهو واضح فعلا .
ع العموم الف مبروك مقدما .
ندي : هو انتوا الاتنين مش وراكو غيري يلا خلينا نتبسط وخرجوني من دماغكم شويه خلينا نفرح.
سليم عنيه مش اتشالت من ع ندي .
وندي كانت ملاحظه كده وطول الوقت متوتره ومرتبكه وسليم لاحظ وكان بيضحك.
وقدر وامير مش شايفين العالم اللي حواليهم دا وكل واحد مش شايف غير حبيبه ونصه التاني والخطوبة خلصت وكل واحد كان فرحان .
قدر بحزن: كان نفسي اووي ي امير بابا يكون معايا دلوقتي ، كان نفسي افرحه وبدأت تعيط.
امير مسح دموعها ومنع ان دمعه زياده تنزل وقرب ع قدر وباسها من خدها وضمها لحضنه وبدأ يملس ع شعرها .
امير: هش انا مش عاوز اشوف دموعك دي ي قدر طول محنا مع بعض مش عاوز اشوف غير الضحكه وبس واهلك انا وعدتك انهم هيبقوا معاكي ف اقرب وقت واننا مش هنعمل فرح غير وهما موجودين، عاوزك تطمني طول منا جمبك.
قدر باسته من خده: ربنا ميحرمني منك ي اميري
.
امير ضمها لحضنه جاامد ولا يحرمني منك ابداا.
ي قدري.
______
ف اليوم التالي.
ندي راحت الكليه لان كان عليها محاضره مهمه جداا وقدر وامير راحوا يبيعوا الحاجات اللي قدر صنعتها ، وكانوا مبسوطين اووي انهم مع بعض.
وسليم قرر انه لما يخلص شغله يروح يشوف ندي ف الكليه بتاعتها.
ندي خرجت من الكليه وودعت ساره ومشت ف طريقها .
سليم من بعيد مستنيها تقرب عشان يفاجئها، فجأه لقي عربيه بتقرب من ندي وحد شدها ودخلها ف العربيه غصب عنها والعربيه هربت .
سليم بانفعال: نداااااااااا.
وركب العربيه بتاعته بسرعه وجري ورا العربيه اللي خطفت ندي .
ندي بتصوت وبتضرب فيهم : سيبوناااي حرام عليكو انا عملتلكوا اي سيبونااي ابعدو بعيد عني حرااام عليكوو ، الحقونااااي، حد يلحقني.
سليم دخل من طريق مختصر وطلع قدام العربيه ووقفها.
الناس اللي ف العربيه نزلت وسليم ضربهم وكلهم اتلموا ع سليم وسليم ضربهم واحد ورا التاني وندا نزلت من العربيه خايفه .
ندي : سليم خلي بالك ي سليم ، سليم وفضلت تعيط كتير .
وسليم ضربهم كلهم وهما جروا وسابوا العربيه .
ندي قعده ف الارض بتعيط .
سليم جري عليها وحضنها ودموعه نزلت من عنيه .
سليم : انتي عارفه لو كان جرالك حاجه انا مش كنت هسامح نفسي ولا اسامح اللي كان السبب.
ندي بقلق : سليم انت كويس هما عوروك ولا حاجه ؟
سليم : اسكتي دلوقتي مش مهم انا المهم انك كويسه والكلاب دول ملمسوكيش.
ندي بعياط: هما عملوا كده لي هو انا عملت حاجه؟
سليم ف نفسه انا عارف هما عملوا كده لي ماشي ي هايدي لحد هنا وكفايا اووي.
سليم طمن ندي وهداها وبعد كده وصلها ع البيت وندي كانت خايفه بس اطمنت ان سليم معاها وان من غيره مكنتش عارفه هتعمل اي ؟
سليم : انزلي وخلي بالك من نفسك ومسك ايديها وباسها.
ندي سحبت ايديها ببطء خلي بالك انت من نفسك ي سليم .
عن إذنك.
سليم كان مستني ندي تطلع بيتها ويطمن عليها .
سليم : دلوقتي ف مشوار مهم لازم اعمله ولف عربيته ومشي .
____
ف فيلا هايدي.
هايدي بعصبيه: اغبياا طول عمركو اغبيه ، غوروا دلوقتي انا هتصرف.
سليم بعصبيه: تتصرفي ف اي ي هايدي مخلاص لعبتك الوسخه اتكشفت وكل حاجه باظت.
هايدي بارتباك: سليم اناا .. انا
سليم: انتي اي ها انتي اي ؟ اقلك انتي اي ؟ انتي واحده مريضه ومتسلطه كل حاجه عاوزاها لنفسك ومش مهم الباقي يولعوا، انتي عمرك ما حبتيني انتي بتحبك نفسك وبس اهم حاجه انتي وبس ، لو بتحبيني بجد كنتي سيبتيني اعيش حياتي وانا مبسوط ومع الإنسانه اللي بحبها ، هي عملتلك اي عشان كل دا دا هي حتي متعرفكيش، انتي لو فضلتي كده عمر ماحد هيحبك ولا حتي يعبرك، انا جاي اقلك شكرا لأن بعد اللي عملتيه اكتشفت اني بعشق ندي مش بس بحبها ولو كان شعره منها اتمست كنت دفنتك مكانك دلوقتي ، سلام ي هايدي وياريت تطلعيني من دماغك عشان محطكيش ف دماغي.
هايدي بتسمع كل دا ومش عارفه ترد وسليم مشي وهايدي قعدت ع الارض وبدأت تعيط وانهارت من العياط .
____
ف منزل احمد
ندي حكت لقدر كل حاجه وقدر مستغربه جدا .
قدر : دا اي دا ، دا زي اللي بنشوفه ف الافلام بالظبط.
ندي : تفتكري ي قدر سليم بيحبني .
قدر : لا مفتكرش انه بيحبك .
ندي بزعل: انا كنت حاسه كده برضوا.
قدر بانفعال: يبنتي انتي هتهبليني يعني هو يحط نفسه بين الحياة والموت مع عصابه متأجره
عشان خاطرك ويعمل كل دا عشانك وتقولي مبيحبنيش، دا ع اللي انتي حكتيه دا سليم بيعشقك مش بس بيحبك.
ندي بفرحه : بجد يعني دا رأيك.
قدر : اكيد طبعا رأيي وراي اي حد عاقل.
___
بعد مرور عدة أيام.
امير وقدر بدأؤ ينزلوا الورشه واحمد وجميله عرفوا وامير وقدر كانو بيقضوا مع بعض احلي أوقاتهم.
سليم اطمن ع ندي وفضلت يومين ف البيت ترتاح وبعدين نزلت كليتها وسليم كل يوم بيتأكد ان حبه بيزيد لندي وقرر انه يحط نهايه للموضوع .
وهايدي عادت حساباتها ونفسيتها تعبت وقررت تصلح اللي هي عملته .

بقلم
noor hamdy