Before I Fall You[Completed]

အပိုင်း(၂၅)အသဲကွဲနေတဲ့ ဂေးတစ်ယောက်

ထွဋ်ခေါင်က ဖျာကြမ်းလေးပေါ်ကနေထလိုက်ပြီး သူနဲ့လက်တစ်ကမ်းအလိုမှာရှိတဲ့ သစ်သားပြတင်းပေါက်လေးကို ဆွဲဖွင့်လိုက်တယ် အချိန်အတော်ကြာမဖွင့်တာကြောင့် ပြတင်းပေါက်ကတော်တော်နဲ့ဖွင့်လို့မရ ထွဋ်ခေါင်က လက်မောင်းအားကိုသုံးပြီးအတင်းကာရော တွန်းဖွင့်တာကြောင့် ဘန်းခနဲမြည်သံနဲ့အတူ ပြတင်းပေါက်က ရုတ်တရက်ပွင့်လာသည် နေရောင်ခပ်စူးစူးက ညဏ်းဧကရာဇ် မျက်နှာပေါ်ကျရောက်လာတာကြောင့် ညဏ်းဧကရာဇ် သူ့မျက်လုံးတွေကို ပြင်းရိစွာမှေးကျဥ်းလိုက်တယ်

"ကျွန်တော်နားမလည်ဘူး ကိုထွဋ်ခေါင်ကဘာလို့မာမီ ဒီကိစ္စကိုလုပ်တယ်လို့ တထစ်ချတွေးနေရတာလဲ တခြားသူလဲဖြစ်နိုင်တာပဲလေ"

"ဒီမှာကောင်လေး ဒီကိစ္စမဖြစ်ခင်တစ်ပတ်အလိုက မင်းအမေနေအဂ္ဂါအိမ်ကိုလာခဲ့တယ် ပြီးတော့မင်းနဲ့လမ်းခွဲပေးဖို့ခြိမ်းခြောက်တယ် နေအဂ္ဂါကမလုပ်နိုင်ဘူးလို့ငြင်းတယ် ဒီလောက်ဆို မင်းသဘောပေါက်မှာပါ မင်းအမေကနေအဂ္ဂါကိုအသေသတ်တာတောင် ရိုးရိုးနည်းနဲ့မသတ်နိုင်ဘူးလေ တတိတိနဲ့စိတ်နှလုံးကြေကွဲပြီးသေအောင်လို့ သူညီမအရင်းလေးလိုတန်ဖိုးထားတဲ့ကလေးမကိုပါ အသုံးချပြီးသတ်ခဲ့တာ မင်းဒီထက်ပိုရှေ့တိုးလာရင် မင်းအမေသူဌေးမကြီးကနေအဂ္ဂါရဲ့ဘဝတစ်ခုလုံးကိုသေစေရုံတင်အားမရပဲနဲ့​နေအဂ္ဂါကိုမှီခိုနေရတဲ့ အရွယ်မရောက်သေးတဲ့မိဘမဲ့ကလေးအယောက်နှစ်ဆယ်ကျော်ရဲ့ အနာဂတ်ကိုပါဖျက်ဆီးပစ်လိမ့်မယ်အဲ့တော့ ငါတောင်းဆိုတယ် နေအဂ္ဂါကိုမေ့လိုက်တော့ နေအဂ္ဂါကိုရှာဖို့လည်းမကြိုးစားနဲ့ သူ့ကိုမင်းကြောင့်နဲ့နောက်ထပ်နာကျင်ရအောင်မလုပ်နဲ့"

"..........."

ညဏ်းဧကရာဇ်က အချိန်အတော်ကြာတဲ့အထိ တိတ်ဆိတ်နေပြီးမှ ခက်ခက်ခဲခဲ စကားတစ်ခွန်းကိုပြန်ပြောလာတယ်

"ကျွန်တော်.... နားလည်ပြီ"

ပြီးတဲ့နောက် ညဏ်းဧကရာဇ်က တိုက်ခန်းငယ်လေးထဲကနေအသက်မဲ့​နေသလိုအမူအရာမျိူးနဲ့ ထွက်ခွာသွားတော့တယ် သူ့ရဲ့အနက်ရောင်ရှပ်အင်္ကျီ
မှာပေနေတဲ့ ပင့်ကူမျှင်တွေကိုတောင် ဖယ်ထုတ်ဖို့သတိမရတော့တဲ့အထိပေါ့ ထွဋ်ခေါင်ကတော့ တိုက်ခန်းမှာကျန်နေခဲ့ပြီးပင့်ကူမျှင်တွေ ဖုန်မှုန့်တွေနဲ့ရှုပ်ပွနေတဲ့အခန်းငယ်လေး
ကို သန့်ရှင်းရေးလုပ်နေလိုက်တယ်