انت ملكي

بارت 21

ماقادراش تزيد عند البالكون باااش تسدو خوووف رهيب تملكها باغية تخرج منن البيت باغية تمشي لعند ماماها لكن فين الطاقة لي تخليها تحرك من بلاصتها....؟؟ فكرااات فشي حاجة يمكن هذا هو الحل: خا...خاصني نتاصل بماما تجي لعندي خايفة بوووحدي... قالتها بصوت مرتافع ومن نبرتتو باينة خااايفة... تحنات عند التيلي لي كان فوق الناموسبة هزاتو كاترعد ركبااات رقم ماماها يالله غاتضغط على زر اﻹتصااال حتى سمعااات صووووت رجوووولي: ماكان علاااش تتاصلي نتي ماااشي بوووحدك.... بلا ماضور طيحات التيلي من يديها ودارت يدها على فمها... صدمها... خاصها تشوف فين كاااين ضااارت بالعرض البطيئ.... آووو هههه... جالس فوق واحد الفوتوي جلسة كلها رجولة فارق رجليه وحاط يديه على جناب الكنابي كان كايباااان وسيييم بزززاف... كاتشوووف فيه مستغربة رجعااات شااافت فالبااالكووون أكيد دخل من تما... لكن كيف دااارلها...؟؟ المسااافة بعييبدة بزززاف... هههه... نسااات بلي مع أسد ماكانش مستحييل... رجعااات شااافت فيييه هاااز ويسكية صغيرة فيديه كاااييشرب منها مرة مرة مبتااااسم وعينو عليييها.... جيتي بلا ماتقوليهااالي.... ماقدراااتش تجاوبو كاتحس بالخوووف منووو.... رجعااات كاتشوف فالبااالكووون باقية متساءلة كيفاش قدر يدخل منو....: ماتفكريش بزززاف بالنسبة ليا أنا ساااهل نطلع من تما.... كاتشوف فيه متبعة هدرتو وهو كايدير حركااااات بصبعووو سكت كايشوووف فيها باااقي بنفس الجلسة وفنفس البلاصة.... فكرة بليدة طاااحت عليها...هههه... شااافت جيهة الباااب كاتخطط تهرب دابا مابقاتش خايفة تخرج.... يالله غادير خطوة لإتجاهو حتى لقاااتو واااقف حداااها.... خلعها ماعرفاااتش كيف دااارلها يالله كااان جااالس بعيييد ولات كاتشوف فالكنابي زعما يمكن تكون نسخة أخرى منو لقااات بلاصتو خاااوية... كاع داك الشي لي كايضور فرااسها عارفو هو.... كايقرا عينيها... آه على ذكرهوم هي دااابا محايدة العدسااات حيت كانت ناااعسة وكايتمعن فيييهوم....: باغا تهربي مني...؟؟ قالها بهمس لكن فيه رنة مخيفة بحاليلا كايعاقبها على شنو نوااات دير...: هزززات راااسها فيه: علاااش جيتي...؟؟ صوووت خايف وكايرجف أنتوي ومغري....: حيت توحشتك... هز يدو كايلعببلها فشعرها ... وتوحشت عينيك..... رجعات بخطوااات اللور كايكره راسو ملي تهرب منو.... زاااد لعندها ماغايضغطش عليها باغي غير يبقا حداها واخا هو ماكرهش يخشيها فيه لكن بلا خاطرها ماباغيش هز يدو كعلامة سطوب: ماتهربيش مني الله يخليك أتحفة هاد التصرف كايقتلني....ماغانقيسكش غير ماتهربيش.... وقفااات فبلاصتها راسها فاﻷرض... شعرها كايغطي وجهها بسباب البرد لي كايضرب من البالكووون... واااقف كايشوووف فيها غاااتقتلو هاااكا... كاتبااان مثييييرة بزززاف بزززاف... راااه راااجل كيفاش غايصبر...؟؟؟ وعاااد هي حبيبتو هي لي ملكاااتو وملكااات قلبو.... واااقف مقااابل معاااها ماقدرش يقرب حيت هي ماباغياااش خااايفة خااايفة بزززاف... باغيها تبغيه بخااااطرها وتقرب بخاااطرها واااخا تخليه يقيس غير يديها... ماطامعش فكثر وماناويش على كثر باااغي غييير هاد الشي... فجأة بحاليلا أمنيتو تحقفات قسف الرعد بكل جهد ماتسوقلوووش هو باقي غااارق فأفكااارو حتى شااافها تحركااات بسرعة وترماات علييبه عنقاتو بيديها الصغيورين وبكل جهد.... واااش كااايحلم...؟؟؟ هي معنقاااه خاااشية راااسها فعنقو شعرها غطا وجهووو طوييبل عليها هو وراها واااقفة على صباااعها.... مبهور مصدوم بلا ردة فعل فاجآتو مرة أخرى ملي طلقااات صوووتها المهموووس حدا وذنيه بورشاااتو: عفاااك عنقني خاااايفة بزززاف....؟؟؟ لا لا بزززاف علييه...: آه؟؟!! هاد الشي لي قدر يخرج من فمو هز يدو وعنقها بحر جهدووو حسااات براااحة رهيبة حضنو كان مأمن بالنسبة ليها تمنات ياريتها تبقا هاكا حياااتها كاااملة... أما هو... هههه ربي لي عااالم بيه النار ضاعفااات والصبر مااابقاااش... كايشم فشعرها بلهفة ماباغيش الرعد يوووقف لا بل باغيه يزيييد أضعاااف اﻷضعاااف.... وكايتمنى شي حاجة كثر لي تخليها تبقا متشبتة بيه هاااكا.... مدة وهما على نفس الوضعية ماعارفين واااش ساعة ولا جوووج ولا كثر المهم بزززاف... الرعد وقف هي حسات بيه وحسات براااسها بعدااات بالشوية لكن كاتحس براسها مربوطة كان غااايب على الوعي عيات تجبد باااش تفك أو وااالو: عفااااك رخي مني... كيف ديما صوووتها كايتغلغل لأعماقو فيقاااتو: آه واااخا... بعدات كاتحايد شعرها على عينيها وهو حاضيها شافت فيه: سمحلي كنت خااايفة... هههه... آش كاتقووول؟؟ سمحلي... خاصها تطلب السماااح حيت بعدااات وخرجاااتو من بحرووو ماااشي حيت عنقاااتو... شاف جيهة البالكووون... كايلعن الزهر لي عندو زعما هاد الرعد ماقدرش يبقا حتى لصباااح... رجع شاااف فيييها ماغايقدرش يصبر جرها من يديها داها لبلاصتها دفعها بسلاسة وغطاااها: دابا نعسي حيت لحااال مشااا.... غير كاتشوف مستغربة: ونتا؟؟ أسد: شاف فيها مبتاسم: واااش خايفة؟؟؟ هزااات راسها باﻹيجاااب...: هههه... تبغي ننعس حداااك...؟؟؟ بقااات ساااكتة هي ماكرهاتش لكن ماقدراااتش تقولهالو تشجعااات وهزات راسها مرة أخرى باﻹيجاااب: فرح من قلبو حايد سبرديلتو وتكا حداها جبدها لعندو متوسدة درااعو قربها ليييه بزززاف شحااال رتااااحت دغيا داااتها عييينها أما هو مانعسش نهائيا ماباغي يضيع حتى دقيقة من هادو بالنسبة ليه هذي من أعظم اللحضااات فحياااتو هي فسابع سموااات ناااعسة ولا على بااالها أما هو كايتأملها بحاليلا كايحفض ملامحها... كايشوف فعينيها ياااريتها تحلهوم وتخليه يتمتع بلونهوم لغريب هز يدو كايلعبلها فشفااايفها تحنى باااسها فيهوم بوووسة حنييينة ودااافية.... هو ماقدرش يصبر على فراااقها جاا ولي كارد من وراااه حط الطومو فراااس الحي باااش مايديرلهاش مشاكل واااخا ماكينش لي يوقف فوجهوو مي عارفها ماتبغيش... حتى لي كارد آمرهوم يبقاااو بعاد نقز لعندها من البالكووون دخل ولقاااها ناااعسة تأملها وداااعبها شحااال تعمد يخليه محلول باااش يفيقها البرد جلس بعيد عليهاا كان باااغي يشوفها فااايقة وكاتحرك على راااحتها وهي ماشايفاهش فعلا فاااقت خوووفها وملابسها المغرية وحتى حركاتها بهروووه وخلاوه كيف المجنوون كان ناوي يبقا غير حاضيها بلا ماترد البال لكن هي كانت غاتتاصل بماماها وتخسر كلشي هذاك الشي علاش فضل يدوي... عارف بلي بقربها غايدوز أحسن ليلة فحياتو لكن مانواش حتى لهاد الدرجة ماجاتش فبالو نهائيا تعنقو ولا تخليه ينعس حداااها كاايحس براسو فرحااان فرحااان بزززاف.... أصبحنا وأصبح الملك لله فاااقت كاتحك عينيها خدات ثانية باااش تسترجع ذاكرتها تلفتات بسرعة لحداها مالقاااتوش أكيييد خرج شافت ورقة فوق الكوافوز مدات يديها هزاااتها فوسطها وردة حمرااء منين جابها؟؟ الله أعلم حلات الورقة كاتقرا: #ماباغيش_نبزز_عليك_شي_حاجة_مي_الدار_بلا_بيك_ضلااام_نتمنى_نرجع_من_الخدمة_فالعشية_نلقاك_تما ضحكات تلقائيا كاتحس براسها فرحااانة بززاف.... أكيد غايلقاها تما دوشات وصلات من بعد نزلات سلمات على وليديها لي كانو كايستناوها لفطووور فطرات معاهوم فجو ديال الضحك وتفارقو هما مشاو للخدمة وهي غاترجع للقصر... خرجااات من الدار ركبات فالطومو ديالها ديمارات وصلات راااس الدرب بانولها شي طوموبيلات واقفين وشي رجااال لابسين كلشي كحل واقفين حداااهوم كايخلعو شكلهوم كااارد... غير شااافوها ركبو كايستاعدو بااش يديماريو... حسات بالخوف حيت باينة كانو حاضيينها ضغطات على راسها ونزلات لعندهوم شافوها ونزل واااحد فيهوم باااين من نضراتها بلي هي مستغربة من هاد التصرف حط راسو فاﻷرض كايدوي: لالا تحفة هادو أوامر السي أسد من اليوم فين ماخرجتي غانكونو معاااك... شافت فيه مستغربة: كييييفاااش...؟ ضارت راجعة للطومو هزااات التيلي كاتعيطلوو.... كان منهامك فالخدمة سمع التيلي كايصوني هزو بلا مايعطيه اهتمااام غير شاااف رقمها ابتاااسم جاوبها حاطو على ودنو قبل ماتنطق سبقها: ماتخافيش هادوك غير للحماية أنا عندي شي مشاااكل هما غايبقاااو معاااك حتى نحلهوووم عفاااك سمعي مني وخليهوووم معاااك... ماعرفاتش كيفاااش ولكن هو قدر يقنعها بهاد الهدرة بلا ماترد البال خرجاتلها من فمها: واااخا... قطعااات يالله حط التيلي حتى دخلات وحدة زوينة وجدابة دخلات مبتاسمة شافها وبادلها اﻹبتسامة عطاها إشارة: تفضلي... جلسات كايدويو فأمور الخدمة لكن هي نضراااتها غراااب لي شافها من بعيد غااايعرف بلي كاتبغيه طلع راسو كايشوف فيها: بلاش من دوك الشوفااات حيت ماكايعجبونيش... مروى: علاش مابقيتيش كاتجاوب على اتصالاتي وومابقيتي كاتجاوب حتى وحدة أخرى داك النعار فالبار محاوط بلي كارد ومانع توصل لعندك شي وحدة شنو واااقع؟؟؟ أسد: رجع راسو اللور... حيت صااافي لقيييت لي بغيييت ومستحيل نشوووف فغيرها... مروى: شنوووو؟؟؟!!! أسد ببغي؟؟!!! أسد لي فين ماكانت شب مغرورة ولا متكبرة طاااحت عند رجليه يتغرم؟؟ لا مستحيل... جاوبها بهدوووء: حتى حاجة مامستجيلة أمروى وديري فبالك بلي من اليوم ماكتجمعنا حتى حاجة من غير الخدمة... يالله تفضلي... هزات وراقها أوقفات كاتشوف فيه مبتاسمة بحزن: فرحتليك وكانتمنالك السعادة... بادلها اﻹبتسامة وخرجااات.... وصلات تحفة للقصر دخلات ولي كارد من وراها دخلات للدار تعرضاتلها مريم سلمات عليها وجلسو كايهضرو: ماعرفتش شنو الفايدة من هاد الرجال أخالتي ماعرفتش مريم: بنتي نتي دااابا راااك وليتي محسوبة على أسد بحالي وحتى أنا ماكنخرج حتى يكونو معايا لي كارد بقات النهار كاامل مع مريم حتى وصل وقت لعشا دخل أسد مبتاسم باينة عليه فرحااان سلم عليهوم بجوووج وزادو للطبلة كيف ديما كايوكلها بزز منها ومريم كاتضحك عليهوووم.... كملو لعشا وفضلات هي تطلع وتخليهوم منفاردين ببعضياتهوم الخدامات جمعو الطبلة وغبرو حيت حدا أسد مايقدروش يبانووو تحفة شااافت الدنيا خوااات وناضت لا كلمة لا جوووج ناوية تمشي يالله ضارت خطوة حتى سمعااات صووتو: لفين بالسلامة...؟؟ ضارت كاتشوف فيه بضحكة صفرة: غير ننعس... جالس فوق الفوتوي لابس توني والفوووق تيشورط جا كيوووت... بتاسملها: باقي الحااال أجي نجلسو شوية... زادت بخطوات متثاقلة ماعقلات على راااسها حتى لقااات راااسها فحضنو خاشي راسو فعنقها هااز بيسي: نظيرو شي فيلم...؟؟ تحفة: كاترعد لي بغيتي... بقا كايقلب دار فيلم ديال لخليع أكيد تعمد عليه هو جامي غاينسا لبارح وكيف تصرفات معاه ملي خااافت شاف فيها أكيد مباغياش هاد الفيلم حيت كاتخاااف مي ماقادراااش تدوي... مارتاحش فهاد لبلاصة هو... كاتحس براسها مهزوزة كان هازها بين يديه هي والبيسي طلع بيها فالدروج فاجأها ملي دخلها لبيتو خااافت: أسد عفاااك خليني نمشي لبيتي... بصوت هااامس جاوبها: ششششش ماتخافيش... صقلات مازادتش هدرات سد الباب برجلو وجلس حاااطها فحضنو ورجع خدم الفيلم... باقي فبدااايتو داااك الفيلم باااين من أولو أنو مرعب وفييه الخليع... شااافت فيه بترجي وصوووت قرييب للهمس: أسد ماعجبنيييش... وشحااال عجباااتو فديك اللحضة... ابتاسملها: واااش خايفة؟؟ هزات راسها باﻹيجاااب مكمشة فيه بحال البيبي... شعرها نااازل عليه... كايحس بيها قريبة ليه بزززاف... هو أسعد واااحد فهاد الدقيييقة...: ماتخافيش أناا معاااك.... ماجاوباتوووش هي كايعجبوها بحال هاد اﻷفلام لكن فنفس الوقت كاتخاااف بززززاف.... كايشوف فيها وترها نطق بصوت بورشها: حايديهوم... مافهماتوش طلعات راسها كاتشوف فيه لقاتو كايشوف فعينيها آه هو كايدوي عليهوم ترددات للحضة لكن هزات يديها كاتحايد العدسااات هو راه شافهوم علاااش غاتردد مابقا مايتخبا... بقات كاتشوف فاﻷرض هز يديه طلعلها راااسها حتى تقااابلو عينيه مع عينيها... كل مرة كايشوفهوم فيها كايزيدو يسلبوه ويخليوه مبهور فيهوم من أول وجديد... الله ينعل شي فيلم براكة عليه غير هاد اللوحة لي حداااه... شعرها حريري لدرجة كايتسرح فوقها وفوقو مغطي وجهها أو وجهو... كلمة زوينة قليلة فحقها... بهاد العينين تقدر تمشي بعيد... كايحس براسو هاااز جهاز تحكم وكايقلب فيهوم من بعيد تخيلو معااايا... كل مرة كايجي لووون من اﻷلوااان بثلاتة وشي مرااات كايتمزجو ويعطيو حاااجة غريبة... غايحماااق عليهوم ماكرهش يبقا حياتو كاملة كايشوووف فيهوم... ساهية فيييه ماااشي غير هي لي سحراااتو لا راااه حتى هو بسحرو عليها كانت تبغيه وزادت دااابا.... وسيم وسيييم بزززاف عينييه زرقييين لدرجة كبيرة ومرة مرة كاتخللهوم ضبابة بيضة كاتحس براسها بحاليلا كاتشوووف فالسما.... وجهو رجووولي بامتياااز.. عضلاتو مفتولة هي ماقادراااش تقيسهوم مبعدة يديها عليهوووم لكن كايبانو قسح من الحديبيد.... كانو كايشكلو ثنائي زوييين ورائع فين ماكان شي راجل غايحسد أسد على هاد الملاااك... وفين ماكانت شي بنت غاتحسد تحفة على هاد السبع.... ساهي فيها وساهية فيه أكيد هما فعااالم بعييد على الواااقع... فيقهوووم منووو ضوووت مرعب ومرتاااافع كان مصدرو البيسي أكيييد الفيلم لي داااير.... هو غي فاااق من سهوتو أما هي هههه.... غوتااات بخوف وشدااات فدراااعو بضغط... ابتاااسم عاااجبو الحااال كل حركة منها كاتسطيه... ماشافتش فالبيسي غير الصوووت وخلعها.... شافت التيشورط ديالو كااايطلع طلعات راسها بالزربة لقاااتو كايحااايدووو... شنو ناااوييي يديير هذااا؟؟؟ خااافت من ناااحية أخرى... أما هو راااه فهمها... ماعجبوووش تفكيييرها هي ماتايقاااش فيييه متباغيهاش تفكر هاااكا... هو مصبر راااسو بزز عليها مستحيل يدير شي حاجة لي تآديها... كايفضل يآدي راااسو وتبقا هي سااالمة... حيد التيشورط من بعد ماناضت من فوق وبعدات عليه كاتشوف فاﻷرض واااقفة... خلعها ملي جبدها لعندو وحطها حداااه فوووق الناموسية يالله غاتدوي يمكن بغااات تطلبو يخليييها عارفها فاااهماه غلط هز صبعو حاطولها على فمها: ششششش... ماتدوييش سمعي مزيااان شنو غانقولك... بقااات كاتشوووف فييه: ماتفكريش بلي نقدر نآديك تفكيرك هاااكا كايعذبني... واااش ماتيقاش فيا أتحفة..؟؟ بقات ساكتة حاطة راااسها فاﻷرض: تحفة ديري فبالك بلي أنا كنبغيييك نتي ماااشي داك الشي لي فبااالك... ماغانقيسكش بلا خاااطرك... راااه مصبر راااسي بزز عليييك غير باااش ماتقلقيييش... شافت فالتيشورط زعما علاش محايدو...؟؟ ابتاسم وجاااوبها بلا حتى ماتسول: حيت طلعاتلي السخااانة حااس بلي غاننفاااجر... شااافت فيه بخوووف: مااالك...؟؟ أسد: والووو غير شي مناااضر هما سبااابي... تزنكااات هبطات راااسها لﻷرض... حطها فوووق حجرو متكي فوق الناموسية حاط البيسي مقااابل معاااهوم... يالله ردات البال لصدرو شي حاااجة فوووق طوووب كايسطي.... لقطة مخيفة بزززاف دااتزت فالفيلم خلاتها بلا ماترد البااال تحط يديها على صدرو كاترجف.... كيف ديما تبهر وعجبو الحااال وعاااد يديها باردين وصدرو سخووون بحاليلا نقطة ديال العسل تحطااات على اللسااان.... وباااش كملاتها ضارت كاملة معنقاااه وملاصقة معاااه رافضة تكمل داااك الفيلم حيت خوفها.... شحاال رتاااح بهاد التشكيلة لي دايرين مغمض عينيه عااايش اللحضة... نسا الفيلم وشنو يجي منو أصلا هدفو منو راااه تحقق دابا مابقاااش باغييييه.... ماكتحركش وأنفاسها كاتضرب على عنقووو أكيييد نعسااات... هههههه.... دغيا كاتنعس... خلاها هاااكاك ماباغيهاش تبعده... طفا البيسي وتكا حتى هو مغمض عينيه.... هاد الليالي اﻷخيرة لي دوزهوم مع تحفة كايصنفهوم ضمن أجمل وأروع الليالي لي داازت فحياااتو..... أصبحنا وأصبح الملك لله... فااااقت كاتحك فعينيها يالله حلاتهوم جاااو مباااشرة فعييينيه... لقاااتو كايشوف فيها وترهااا.... باينة فيه مدوش كايبااان وسيييم... شعرو كااايقطر أححح... شحااال زوييين هاااكا.... أما هي كاتبانلو تحفة... يعني إسم علم مسمى....: صباح الخيير... ماقدرتش نتحرك حتى نشوووف فعييينيك.... حاس بلي نهاري غايفوووت زوييين بزززاف.... تحفة: بحاليلا يالله رجعاتلها الذاكرة... وجهها تبدل ناضت جااالسة: واااش أنا نعست هنا...؟؟ أسد: تكا...وشنو بانليييك...؟؟؟ ومن اليوم هذي بلاصتك تحفة: شافت فاﻷرض... عفاااك أاسد بلاش منها جااات ناااقصة.... هزها بين يديه حل الباااب دايها لبيتها حطها فالحمام وعطاها ليلونتي: دوشي ولبسي نزلي غانستناوك الفطور ديريهوم عنداااكي تنساااي.... ماحاوبهاااش ملي قالتلو ديك الهدرة يعني رااافض نزلات لتحت من بعد مادوشااات ونشفااات شعرها خلاتو مطلوووق على راااحتو... لابسة سروااال سليم لاصق مع تريكو خاشياه فيييه.... لقاتهوم جالسين على الطبلة كايستناوها لفطوور سلمااات على مريم وجلسات متوسطاااهوم.... بداو الماكلة كيف ديما عينيه عليها خاصها تكمل كلشي بزز منها... حاسة براسها غاتزيد فالوزن هاااكا.... قالتهالو تقدر تساااهل فكلشي وماتدويش إلا فهاد الشي.. أكيد راها بنت وهاد الشي عاااديي: أسد مابغيتش الوزن ديالي يتزاااد خليني ناكل على خاااطري ولي بغيييت.... بقا كايسمعلها حتى سالات ونفااااجر بالضحك.... داك الشي خااارج من القلب تفرشخ.... كاتشوف فيه علاااش كااايضحك زعما شنو قااالت هي...؟؟؟ مريم مبتاااسمة هذي أول مرة تشووووف ولدها بحااال هاكا أصلا جامي ضحك بصوووت مرتااافع... تحفة مركزة فيه الشوفة كايبااان زوين بزززاف وهو مبتاااسم أصلا إمتا كان مازوينش... سكت كايلتاااقط أنفاسو وشاف فيها: أنا قاااابل عليك كيف مانتي غير كولي.... حطات راسها فاﻷرض مابغاتش تهدر يصدق ضاحك عليها مرة أخرى.... سالاو وناضو سلم عليهوم وجااا خااارج حتى وصل للباب ورجع لعندهوم وقف حداها طلعلها راسها بصباااعو: غاتخرجي مع الوليدة ماتخايديش ليلونتي من عينيك وماتبعديش عليها واااخا...؟؟ تحفة: لفين...؟؟ لعبلها فنيفها بصبعو: ماعارفش سوليها هي يالله بسلامة.... خرج وهي تلفتات لعند مريم: لفين غانمشيو...؟ مريم: غانخرجو نتمشاو ونتقداااو شي حوااايج.... أسد باغي يخلي تحفة أميرة فوووق عرشو مابغاهاش تحس بالنقص هو ماعارفش واااش كاتبغيه ولا كاتبغي غيرو ماكيهموووش المهم غاتكووون ليييه... هذا هو الحب عندو هو... كايتمنا ماتكون تبغي حتى واحد حيت يقدر يقتلو ويلا ماقدراتش تنساااه يقتلها حتى هي.... فالصباااح دوا مع ماماه هي لي كايتيق فيها خبرها باااش تخرج هي وتحفة وأي حاااجة حطااات عليها غير عينيها تشريهالها واااخا تكووون بمااال الدنيااا... هو ماكرعش يخرج معاااها لكن مابغاااش يحرجها هاد المرة تخرج مع ماماه ومرة أخرى معاااه هو نهار كااتمل وهما خااارجين ماخلاو ماشراااو ولا حتى بلاصة مامشااوش ليها وبطبيعة الحااال لي كااارد من وراااهوم.... الحاجة لي شافت فيها تحفة بإعجاااب شراتهالها مريم واااخا عيااات ماترفض لكن هادو أوامر أسد ماعندها مادير.... هو كل مرة كايتاصل يا بها يا بماماه.... تغداااو فمطعم وكملو الخرجة ديالهوم حتى طاااح الضلااام عاااد تحركو للدار... بالطومو ديالها.... وصلو ولي كارد هازين الساشيات من وراااهوم.... لقاوه غادي جاااي فالصالووون باااينة فيه معصب دخلو عليه وهو عاطيهوم بالضهر مريم: ولدي السلام ياااك لباااس...؟ غير سمع صوتها ضار كايشوووف فيهوم...: الوليدة فين كنتو حتى لدااابا...؟؟ مريم: غير تلاهينا بالمشية ونسينا راااسنا أسد: كايشوف فتحفة... آه واااخا ماعليش