-عيناها تشع حربا مسلوبة الراء-
وضع هاتفو تحت المخدة. بعد ما طفاه...و ألغى تشغيلو كيف العادة. كيبغي يأخذ راحتو في النعاس و ما يزعجو حد.
مد يدو للأرض و هز غطا كان ملقى بعشوائية,رماه على جسدو لي واخد عرض السرير.
و غمض عينيه
مخلي النوم يتسلل لعيونو الناعسة و المتعبة.
و اقصى امانيه هاد الليلة
انه يحلم ب حبيبتو الجميلة
-واحد صفر: ثلاتة صفر-
10:30
كيف جميع الأيام كان جالس في المقهى لي معتاد يفطر فيه...
متكي بظهرو على الكرسي وهو واضع يديه فوق خذو...افكارو كتتضارب كيف الأمواج الهائجة مع الصخر الصلب...
كيحس أنه مشاعرو بدات في عصيانو
و احاسيسو كتتمرد على إختياراتو.
بين العقل لي كيرفض هاد الحب الإلكتروني...
لي بينو و بين مراهقة مكيتجاوش عمرها17.
و القلب لي كيآمن انه حكايات الحب غير متشابهة و انه كل قصة عندها عبق مختلف على الأخرى...
افاق من سهوتو على اصوات الكلام و الضحكات
هز نظرو و لمح اصحابو الثلات لي كانو كالسين في الكراسي و كيتكلمو بصوت مرتفع نوعا ما و منسجمين في الكلام...
تنهد و رجع وضع يدو على خدو و غرق في سهوتو ثاني. حتى.........
علاء ضرب على كتفو: فين ساهي¿
غسان لي هو الاخر مستغرب من حالة صاحبو و الهالات السوداء لي مستوطنين اسفل عيونو: مالك ا لعود¿ واش شي حاجة ضاراك¿
شاف في صحابو لي كانو كلهم كيستناوه يهضر: واقيلا كنبغي نور...
جمال لي كان كيطبل في الطبلة غير سمع سميتها جمع يديه: شكون هي نور!!
علاء تجاهل سؤال جمال و نطق
مخاطب"سفيان" لي طايح عليه الضيم: من فوقاش و حنا كنتصاحبو مع القاصرات¿
سفيان دوز يديه على ذقنو الملتحي: نور ماشي بحالهم!!
علاء عقد حجبانو و الظاهر انه هو الأكبر عمراً في شلتهم و أكثرهم جدية: بحالهم ولا ماشي بحالهم...هاد العلاقة معندها معنى...انت ماشي مراهق باش تمشي تتصاحب مع قاصر في تيلفون و تجي تقول بلي كتبغيها... واصلا من فوقاش و حنا كنطيحو قلوبنا على رخيصات لي شابعين فيهم شمايت...
ناض سفيان من الكرسي : متطاولش ا علاء خليني محتارمك!!
غسان ناض هو الاخر من الكرسي: تهدنو ا دراري راه لي كيسوى ولي مايسوى كيتفرجو فيكم. خليو حتى نمشيو ل دار و نتفاهمو...
جمال حتى هو ناض: كيف قال غسان بلا شوهة ا دراري.
سفيان شاف في علاء بغضب و نطق بين اسنانو: رجع هضرتك ل حلقك
علاء: سمحليا اذا كانت هضرتي قاصحة ...ولكن بصح راه نور ديالك ناشي غير رخيصة...ولكن هي بلا ثمن. متاحة ل كلشي
جسدها رخيص عليها لدرجة انها كتعريه و تصورو!! و من بعد تنشرو باش تربح شوية د لجيمات و الجادوغات...و تخلي كلشي يشوف فيه بااارد....
لي جمعك بيها هي شهوتك ملي شفتي صورها. و بغيتي تمتلك داك الجسد
ولكن دابا اشنو تبدل!!
غسان دور عينيه في لي كالسين في المقهى و كيتابعو بفضول قاتل, و مكارهينش تنوض شي مضاربة باش يتفرجو: واش حماقيتو!! صباح لله خليونا كالسين.
جمال ضور بؤبؤ بين اصحابو الثلات: شكون هي نور!!
سفيان متجاهل سؤال جمال ثاني و نطق و عينيه موجهين ل علاء: تبدل كلشي...في الاول العين لي عشقات اما دابا القلب لي هوى و اختار. وحنا عمرنا حكمنا على المظاهر!!
شاف فيه غسان بإستياء: مبقيتش فاهمك!! اشنو دايرة ليك ديك البنت بظبظ!!
-علاء انصرف و بعد من الطاولة, وهو كيزفر بغضب. كيشعر بنار في داخلو. قرب يفقد عقلو و صوابو!!
بينما سفيان. ضرب لكرسي برجليه حتى طاح في الارض و تمتم تحت اسنانو: بصحة فطوركم.
شاف فيه غسان ونطق وهو متحكم في غضبو: كلس ا صاحبي باركة من الفشوش.
سفيان بدون ما ينطق هز هاتفو لي كان محطوط فوق الطابلة و اتاجه خارج بحالو.
و ديك الانثى مستحوذة تفكيرو. و متربعة على عرش قلبو. كيكره اي واحد يقول عليها كلمة ناقصة. او يبين عيوب حبيبتو حداه.
يتبع....
▫بما انه عدد القراء ضئيل شوية هنلوح البارتات حسب الوقت لي نكمل فيه الكتابة
ولكن ملي يرتافع العدد مهنبقى نلوح ليكم حتى تكملو عدد النجوم المطلوبة▫
🚫أرائكم🚫
🚫انتقادكم🚫
أنت تقرأ
نصف انثى(بالدارجة)
Random🚫نصف انثى🚫 __بالدارجة المغربية__ هِيَّ لاَ تَرْتَدِي الكَعْبَ مِثْلَ جَمِيعِ الإنَاثْ. ولا تضع تلك الألوان الصاخبة على جفنيها. مغرمة بالأحدية الرياضية ولا تبالي ب بعثرة حاجبيها ملامحها عادية جدا.... ربما تكتفي بالقليل من الكحل ليضفي رونقا على بري...
