-جمال وجه نظرو لتسنيم: اذا كانت شي حاجة في بالك فغير نسايها حيث مهتوصليش ليها.
-تسنيم رمشات بعيونها بإستغراب و اندفع الجواب من جوفها بدون ما تشعر: اشنو كتقصد؟
غسان رمقها ببرود ونطق بصوت كيغلفو الجفاء و الاستحقار: وحدة بحالك عمرها ما هتقدر تخطف قلب راجل بحال"سفيان"
اذا بلا ما تحاولي تتصنعي الاهتمام
و بلا ما تحاولي تبني بلاصة ماشي ديالك
و تحلمي بحوايج مستحيل يتحققو.
وجودك بحال عدمو ... و احترمنا كنقدموه ليك غير حيث انت اخت علاء لي صاحبنا و كنعزوه.
جمال نطق مواصل كلام صاحبو: القلب لي باغا تأخذيه راه محجوز لبنت أخرى
و خاص تعرفي بلي تصرفاتك...عينيك...اهتمامك
كاع هاد لحوايج كيفضحو مشاعرك
تسنيم ابتاسمات ابتاسمة باهتة و قابلات كلامهم لنكران: مفهمتش اشنو كتقصدو!!
-غسان: انت فاهمة ... وانا فاهم ...و جمال فاهم
ولكن اذا حتى علاء و سفيان فهمو!! و استوعبو انه الدخيلة المتطفلة كتخالجها مشاعر ديال المراهقات
فهينوضو مشاكل حتى حد ما هيستحمل عاقبتها
جمال: سفيان في قلبو بنت أخرى لهذا غير خرجي هاد المشاعر من قلبك ... و كنفضلو تخرجي من شلتنا. حيث من نهار دخلتي مبقيناش كتأخذو راحتنا
غسان: رجل مكتمل بحال سفيان مهيستهويهش عشق نصف أنثى
جمال: و رجل شرقي دمو حاار بحال علاء مهيصبرش على انه ختو تبغي صاحبو
بلعات ريقها و بريق دموع تشكلو في عينيها البنين؛ شعرات بالقليل من الاهانة. شعور الانتقاص وهي محاطة بيهم و كتسمع ل كلامهم اللاذع.
دفعات الكرسي للوراء و ناضت خارجة بون ما ترد على اتهاماتهم...
اتهمات تجرعات من الواقع نصيب!!
واش مشاعرها كانت شفافة لهاد درجة؟!
باش تكشفات بكل سهولة؟!
يتبع....
أنت تقرأ
نصف انثى(بالدارجة)
Random🚫نصف انثى🚫 __بالدارجة المغربية__ هِيَّ لاَ تَرْتَدِي الكَعْبَ مِثْلَ جَمِيعِ الإنَاثْ. ولا تضع تلك الألوان الصاخبة على جفنيها. مغرمة بالأحدية الرياضية ولا تبالي ب بعثرة حاجبيها ملامحها عادية جدا.... ربما تكتفي بالقليل من الكحل ليضفي رونقا على بري...
