نصف أنثى
بارت:04
((وكان لون البن في عينيك
أجمل بكثير من ذاك الأزرق الذي يسرق أنظارهم))
FARAH EL MANSSOURYE
مشات كلسات في الكرسي قدام شلتها وهي جامعة حجبانها و الفضول كيأكلها من لداخل .
-تسنيم بصوتها المسترجل :علاش خرج سفيان مقلق؟ و مالو مهموم!!
واش مات باباه!؟
-جمال شاف فيها بكره مقيت :ما حنا على فالك ا ختي مالكي على هاد الهضرة ...باه حي يرزق و الله يطول في عمرو.
غسان تكى بظهرو على الكرسي: شفتي غير سفيان مشفتيش خوك لي كالس في القنت بوحدو؟!
تسنيم حركاات بؤبؤها لطبلة في القنت كان كالس فيها"علاء"بوحدو مختلي بنفسو و رفيقو هي سجارتو المشتعلة لي كيستنشق احتراقها وهو شارد الذهن.
نطق غسان مواصل كلامو: ديك شيئ لي باغا تصنعيه مهيصدقش ليك.
تسنيم رمشات بعينها: اش هنكون باغا نصنع؟! انا كنعرف خويا...و عارفاه بلي معصب و بااغي يبقى بوحدو...وحتى سفيان كنعتابرو خويا عليها سولت على حالتو!! مبغيتش نشوفو حزنان .
جمال بنفس النظرة المقيتة و نبرة الكلام الجافة: انتبهتي لحزن سفيان ... و ما انتبهتيش بلي خوك رجع كيكمي؟! و رجع يهلك صحتو بداك الكارو!!
عضات تنسيم شفتها وهي كتحس بالغربة بين هاد جوج لي بدون سبب كيكرهوها و كيعتابروها فقط متطفلة كتحشر انفها فما لا يعنيها...
أنت تقرأ
نصف انثى(بالدارجة)
Random🚫نصف انثى🚫 __بالدارجة المغربية__ هِيَّ لاَ تَرْتَدِي الكَعْبَ مِثْلَ جَمِيعِ الإنَاثْ. ولا تضع تلك الألوان الصاخبة على جفنيها. مغرمة بالأحدية الرياضية ولا تبالي ب بعثرة حاجبيها ملامحها عادية جدا.... ربما تكتفي بالقليل من الكحل ليضفي رونقا على بري...
