🚫نصف انثى🚫
افاق من سهوتو على اصدامو بجسد, رفع عينو. ولمحها هي...كانت مغمضة عينيها بتألم...و بزز باش شدات توازنها و مطاحتش في الأرض.
تراجع بخطوات للوراء و نطق بإعتذار: سمحي ليا...مشفتكش...
إستجمعات الحروف لي تبعثرو في جوفها اول ما شافتو ونطقات و هي كتقاد القب على شعرها: ماشي مشكل...سفيان انت بخير¿
تنهد وهو كيحاول يخرج غصتو لي واقفة ليه في الحلق: لو قلت بخير مهتيقنيش.
وضعات يديها في جيب سروالها الفضفاض الرجولي. و شعرها البني محلقاه...و قادات وقفتها الرجولية: واش خويا دار ليك شي حاجة¿¡ تخاصمتو ثاني!!
شاف فيها و ابتسم بحزن: علاء ما دار والو غير كوني هانية!!
تسنيم بادلاتو الابتسامة الحزينة ونطقات بصوتها المختلط بين النبرة الرجولية و الأنوثية: واش خويا و دراري لداخل¿حيث قالو ليا هيمشيو يفطرو في القهوة بحال ديما!!
سفيان حرك رأسو بأه: كلهم لداخل!! دخلي تفطري معاهم.
-تسنيم بعدات من باب المقهى و جراتو: مهنقدش نخليك وانت هاكا(بلعات ريقها و لمعة كتضوي في عينيها القهوين):راك غالي و مقامك في قلبي عالي...
سفيان بعد يدها لي كانت محطوطة على مرفقو و نطق وهو كيشتت نظرو: تسنيم...بغيت نبقا بوحدي...دخلي عند خوك حسن ليك.
تسنيم عضات شفتها و نطقات بصوت مرتجف: كتتهرب مني¿¡
سفيان تراجع خطوة للوراء وهو كيبعثر القرب لي كتحاول هي تختالقو: حاليا باغي نتهرب حتى من راسي...بغيت نبقى
بوحدي!!
حركات راسها بالإيجاب و عطاتو بظهر غادية بإتجاه القهوة لي بعدو عليها فقط ببضع خطوات.
مشيتها رجولية مبعثرة...و ملابسها فضفاضة ذكورية...حتى شعرها محلوق من الجدر.
يتبع.....
أنت تقرأ
نصف انثى(بالدارجة)
عشوائي🚫نصف انثى🚫 __بالدارجة المغربية__ هِيَّ لاَ تَرْتَدِي الكَعْبَ مِثْلَ جَمِيعِ الإنَاثْ. ولا تضع تلك الألوان الصاخبة على جفنيها. مغرمة بالأحدية الرياضية ولا تبالي ب بعثرة حاجبيها ملامحها عادية جدا.... ربما تكتفي بالقليل من الكحل ليضفي رونقا على بري...
