_نصف أنثى_
دخلات للبيت وهي كتترعد بالبرد بعد ماسالات دوشها بالماا الصاقع. شدات لباب وراها و مشات للماريو لي كانت بابو مهرسة و مقلوعة من بلاصتها بدات كتفتش في حوايجها على أكثر حاجة سخونة و تدفي بيه جسدها لي كان شبه عاري قبل ما يلسعها البرد و تمرض. هزات تريكو صوفي واسع ومعاه سروال رياضي فضفاض .نفس اللباس لي معتادة تلبسو
مكانش هدفها من هاد لباس تخفي معالم أنوثتها أو تلطخهم
لعكس هي كأي أنثى ماكرهتش تبرز أنوثتها و تكون في عين شي راجل فتاة الأحلام
وفي نفس الوقت مختارتش هاد لباس باش تعجب واحد نوع ديال دراري"المشرملين" لي كيبغيو بنت بستايل رياضي وفيك نكهة رجولية
هاد لباس كان فريضة عليها ...كتحس بهاد لباس فحالا تولد معاها حيث من نهار عقلات على راسها وهي بهاد لباس
جلسات على ناموسيتها لي كان كيخرج منها صرير مزعج كيدل على شحال هي قديمة و متهالكة
خدات نفس عميق و بدات كتستذكر ذكريات خايبين في هاد دار لي كانت منبع طاقة سلبية ل نفسيتها المتدمرة
ترسمات في بالها ذكرى نهار لي كانت هتعرض للاغتصاب من طرف صاحب باباها السكايري لي رماها وبدى يتهجم عليها حدى باباها لي كان مرمي في أرض بسباب الشراب لي طيحو و مخلاهش ينوض من بلاصتو
ترمى عليها السكايري و بدا يحيدليها في حوايجها
قطعة مور قطعة و نظرات صدمة كانت كتزيد في وجه رجل
لي حيد ليها سليب و شاف عضوها ذكري الصغير لي كان بين فخاضها
بعد عليها بالزربة و وجهو صفر و تراجع بالوراء بينما هي جمعات شتات نفسها بزربة و طلعات سليب لي كان مزال بين فخاضها ومشات للبيت بزربة شادة عليها ...
تنهدات تسنيم و نفضات ذكرياتها...
بدات كتلعب بصباع يديها
كتتمنى كون كانت تولدت بوجه مشوه...عمية...
عندها اعاقة حركية أو ذميمة الوجه
كانت كتمنى أي حاجة على أنها تولد نصف جنس
نصف أنثى و نصف رجل
خنثى تخبعات ب ملابس رجل...عمرها تعرات قدام شي واحد من غير ماماها لي كانت كدوش ليها في صغرها
وبساب أوضاعهم ماديةة ضعيفة ماقدراتش تدير لبنتها عملية تصحيح الجنس
مسحات تسنيم دمعة سخونة لي نزلات من عينها
و قلبها مقبوض عليها...غصة في حلقها كتحرق ليها صدرها
كتحس براسها في الهامش محرومة من أنها تكون زوجة و من أنها تكون أم
تحرمات من أنها تكون طفلة و تحرمات من تكون صديقة
هيئتها دائما كانت مريبة...بنات ينفروها خوفا
و ذكورا يبعدوها منهم عاراً
كانت في الوسط بين مجتمع ماعندوش وعي
وبين ناس جاهلين كانو كيوصيو ولادهم أنهم يلعبو معاها خوفا منها واخا كانت غير بنت صغيرة الله خلقها بهاديك الهيئة
يتبع
أنت تقرأ
نصف انثى(بالدارجة)
Random🚫نصف انثى🚫 __بالدارجة المغربية__ هِيَّ لاَ تَرْتَدِي الكَعْبَ مِثْلَ جَمِيعِ الإنَاثْ. ولا تضع تلك الألوان الصاخبة على جفنيها. مغرمة بالأحدية الرياضية ولا تبالي ب بعثرة حاجبيها ملامحها عادية جدا.... ربما تكتفي بالقليل من الكحل ليضفي رونقا على بري...
