نصف أنثى
سفيان لي كان رجع للقهوة و شد كرسي و جلس و بدى كيفكر في معشوقتو مرة أخرى..كيحس بالغيرة كتعصر قلبو
دائما كان كيكره الأنثى العنيدة ..وكينفر من بنت لي سهلة المنال
ولكن دابا بغا وحدة من نوع لي كان كيكره
كان باغي ديما وحدة غير يشوف في عينيها تتزنك و يحمرو خدوذها ...ولكن لي بغا قلبو كتهز عينيها في كاميرا بجرأة وكتتصور لمئات رجال لي كانو كيستناو تصويرة ل جسمها
ذوقو دائما كان كيميل للبنت الحنونة رزينة لي عندها فكر واعي و كتشوف بلي عندها كيان و روح
كثر من جسد تزير عليه بالباس ولا وجه ترجعو لوحة فنية بالماكياج ... ولكن نور كانت بنت مخالفة ل ذوقو
نور كانت أنثى كتشوف بلي هي تخلقات من جمال و هتعاند العالم كامل باش ما تخبعش راسها و جمالها لي تخلقات بيه
هو كيشوف بلي تصرفاتها رخص و انتقاص ل قيمتها بينما هي كتشوف بلي لي كدير طغيان و تمرد كيخليها تعيش حريتها و شبابها لي اذا ضاع منها هتتحسر عليه لعمر كامل
و رغم تضاد شخصياتهم ولكن بغاها وحتى هي بغاتو
فاق من سهوتو على صوت كرسي تجر علا عينو و لقاها قدامو...تسنيم...خت صاحبو
تسنيم كتحس بتوتر و نطقات بصوتها الخالي من أنوثة: كتبان ليا ساهي ... واش نخليك جالس بوحدك ؟
سفيان بقا ساكت لثواني حتى حسات بالإحراج و كانت هتنوض وهو ينطق
-سفيان: عمرك بغيتي شي حد كتحسي بيه كيخالف ذوقك ومعايرك؟!
-تسنيم بقات ساكتة لثواني...كتفكر وهو ينطق سفيان:عارف عمرك بغيتي ولكن باغي غير رأيك
- تسنيم هبطات عينيها لصبعانها و بدات كتلعب بيهم و نطقات: بالنسبة ليا اذا كان هذاك لحب كيخضع لمعاير دأنه واش هتناسبك ولا لاء و هذاك لي كتبغي واش من ذوقك ولا لاء فهذاك ماشي حب اصلا حيث الحب عمرنا كنختاروه
-سفيان تنهد وقال: كنحس براسي وليت كنبغيها
-تسنيم وهي مزال كتشوف في صباعنها وماقادراش تشوف في عينيه فحالا عارفة أنه عينيها غير هيتقابلو مع عينيه هيفضحوها و هيبانو مشاعرها لي كتتحارب باش تخبيهم
-تسنيم: ماكنظنش هيكوون حب وحتى اذا كان حب ماهيطولش. ثيق بيا نتا مزال صغير وهي مزالا صغيرة...نتا مزال ما بنيتي راسك وهي مزال طايشة و عايشة مراهقتها بلا ما تضرب لحساب لا لي قدامها ولا لي وراها بالنسبة ليها أكبر مشاكلها هي اذا مجاش سروال قدها كتمرض نفسيا غير اذا لقات كوافورة سادة و حتى نتا فاين هيوصلك هاد الحب مثلا؟ هيجي نهار لي غادي تبغي تتلاقاك فيه
ماهتلقاش حتى باش توكلها و تساريها!!
هي همها غير سطوريات وحتى نتا ا سفيان خاصك تبني حياتك و تشوف قدامك قبل ما ضيع شبابك
-سفيان عض على شفايفو ونطق: يعني عندك نفس فكرة ديال خوك...خاصني نبعد على نور
-تسنيم رمشات بعينها و من داخلها قلبها فرحان بهاد كلمة لي قال...حاولات تكتم فرحتها و نطقات بأسى: نتا ونور من أحسن تبعدو على بعضياتكم .
نتا وهي جوج ناس متناقضين ...صغار على تعيشو هاد لحب لي هتدفعو ثمنو قاصح ملي يزيد يكبر في قلبكم دفنوه ماحدو باقي صغير
-سفيان شاف فيا و بتاسم بأسى : شكرا أ تسنيم
هضرتك كتفيدني ...ديما كنحس بيك فحال ختي كبيرة لي ماكترددش باش تعاوني
- تسنيم حسات بغصة في قلبها ملي سمعات كلمة ختي الكبيرة, ابتاسمات من فوق خاطرها و شافت فيه و دغيا هبطات عينيها: فوق ما بغتيني هتلقاني حداك
-سفيان: شكرا بزاف ليك ...
-تسنيم ناضت من كرسي و هي كتحاول تخفي معالم التوتر و الغيرة:العفو ...انا هنوض غسان ما كيبغيش نجلس في قهوة نتا عارف
-سفيان بتاسم ليها وهي ناضت بزربة وقلبها هيخرج من بلاصتو
يمكن هذا كان أطول حوار بيناتهم من دائما كانو كلمات بيناتهم محسوبين أو يمكن كلماتو هو لي محسوبين طالما حاولات تدوي معاه و على أقل تروي مشاعرها بعلاقة صداقة مقربة
ولكن هو دائما كان باني حدود ل علاقتهم بسباب الاحترام لي كيعزو لخوها و مع انه نيتو هتكون صافية ولكن بالنسبة ليه و لكاع صحابهم ملي هيجلسو مع خت صاحبهم و هوما كيضحكو و يعنقو فيها راه قلة احترام و كينقصو من
رجولة صاحبهم غسان
رغم أنها مسترجلة هذا ما كيعنيش أنها ماشي أنثى ...
أنت تقرأ
نصف انثى(بالدارجة)
Random🚫نصف انثى🚫 __بالدارجة المغربية__ هِيَّ لاَ تَرْتَدِي الكَعْبَ مِثْلَ جَمِيعِ الإنَاثْ. ولا تضع تلك الألوان الصاخبة على جفنيها. مغرمة بالأحدية الرياضية ولا تبالي ب بعثرة حاجبيها ملامحها عادية جدا.... ربما تكتفي بالقليل من الكحل ليضفي رونقا على بري...
