كلام زائف وبهوره مواضيعنا وحكاياتنا قعدن مفتوحات للجميع كل شيء قعد متاح ومسموح وكل شخص يقدر يعطي رايه حتى لو مكانش يفهم في اللي يدوي فيه المهم يقدم راي ويكبر مواضيع ويعطي للشيء "بروبقندا" زايده ✅
روايات دعاء عبدو🤍
إبراهيم : صباح النور ( نور جت بتدوي قاللها بوها ) خشي خشي للحمام
نور مشت تجري للحمام
(هذي بطلتنا نور 💛عمرها 24 سنه تو تعرفوا من شن متخرجه وافتتاح شن اليوم المهم مواصفاتها قصيره وفمها كبير شوي عيونها صغار وخشمها رقيق سمحه وجمالها بسيط وشعرها من نوع الكيرلي )
إبراهيم : يا بنتي معاش تجري افطري وبالشويه الافتتاح التسعه
نور : منقدرش لازم نعدي بسرعه
نور طلعت تجري لقتها اختها ساره
ساره نايضه شعرها مكنكش وحالتها حاله مدت لي نور تليفونها : هذاا يوم اخر من البلكونه منلوحه ( هذي ساره اخت نور عمرها 19 سنه كل حياتها تليفونها ودارها وتقرى سنه ثانيه برمجيات في الاي تي )
نور خدت التليفون وخدت لبستها وخشت تجري للدار كلمت صحبتها وزي اختها كريمه وهما يقولوها كوكه وهيا يلي منظمه الحفله لي نور
نور اطلع في كسسوارتها وحجاته وتكلم : ها كوكا شن صاير عندك
كوكا : تمام كل شيء انتي وانتي جايه مري خودي السلطات متاع البوفي
نور : تم سكري ضياء يكلم فيا ( هذا خال نور بس صغير عمره 27 سنه نور متعلقه بيه واجد وتقوله ضياء حاف مش مزوج ومتخرج من هندسة ديكور ) هاا ضياء شن صاير عندك
