كلام زائف وبهوره مواضيعنا وحكاياتنا قعدن مفتوحات للجميع كل شيء قعد متاح ومسموح وكل شخص يقدر يعطي رايه حتى لو مكانش يفهم في اللي يدوي فيه المهم يقدم راي ويكبر مواضيع ويعطي للشيء "بروبقندا" زايده ✅
روايات دعاء عبدو🤍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لايك وتعليق🥺
بروبقندا 💛
الحلقه 31 والأخيرة
بي خطى فرحانه ومتشوقه خشت ومشت تجري حضنتها
رحاب : انتي كويسه
سما ( البنت اللي متكلفه بيها ) : اني كويسه ( رحاب حولت وتبرق فيها بي شوق ) بس انتي طولتي معاش جيتيني كان في واحد اخر يجي بدالك اسمه يضحك ( وضحكت بي ضحكه طفوليه )
قبل شهرين
رحاب كانت تفطر جاها الدكتور خليل
خليل :صباح الخير (رحاب برقت فيه ومردتش وهوا قعمز ) مع انك يعني مقلتيليش اتفضل بس اني صحيح وجه
رحاب : لو تبي تعالجني بي شرط
خليل : شنهوا
رحاب برقت فيه وسيبت الخبزه اللي في يدها : اني في بنت متكفله بيها في الميتم ( وابتسمت ) اسمها سما بعد خشيت هنا معاش شفتها ومنبيش نشوفها واني هكي نبيك تمشي وتقللها اللي ناقصها وتسلملي عليها واجد ( وبي ابتسامه اكبر وعيون مدمعه ) تقولي ماما رحاب قولها اني من طرف ماما رحاب وهتعرفني طول قولها انها توحشاتك واجد وانها توحشت تحضنك وتشم ريحتك وتمسح علي شعرك تمام
خليل بي ابتسامه : اكيد هنمشي بس مش هنمشي واجد لانك هتطلعي بروحك وتمشيلها
رحاب نزلت دمعتها مسحت بسرعها وهيا مبتسمه
نردوا للواقع رحاب ضحكت من كلمة سما وقالت : عمو خليل دكتور
