بروبقندا 💛

الحلقه 21 💛

لايك وتعليق🥺

 بروبقندا 💛

الحلقة 21

رائد كاين راقد جاه اتصال ناض ورد

رائد : الو من معايا

.....: اني منى سكرتيرة المدير اليوم تعال استلم مستحقاتك تم فصلك من الشغل

رائد فز : شنووو امتى وكيف

سكرتيره : ليك تقريبا 3 أسابيع مداومتش واجازتك كانت أسبوع

رائد : بس اني قلتلكم عندي ضروف

سكرتيره : للأسف عينه حد بدالك مع السلامه

رائد لوح النقال وحط يديه علي راسه وهوا مصدوم

----------------------------------------------------------------------D033-10

نزلوا كلهم يجاروا القوا جود مصبيه مصدومه أحداها جمجمه تقطر دم جود جت لي أمها تجري تعنقتها وخايفه

عمران وولاده نزلوا ويبرقوا في الجمجمه وبعدها نزلن البنات

عمران شد الورقه وقري كرمشها : الوضع معاش ينسكت عليه لازم نخبروا الشرطه يومها موس واليوم جمجمه

رفاء : قوللنا من معادي يا رياض انت

نور برقت في رياض بي صدمه ويوسف برق في رفاء متاع نقتلك توا ولا شن اندير

نور بي خوف : ر ر رياض انت المقصود

رياض : نور اهدي مفيش شيء تلقي حد يبصر بس

فاطمه : لالالا اني معاش منصبر توااا تعدوا لي الشرطه دبرولي في حل

نور مصدومه وقلبها يدق ويوسف قال : من اللي يهدد فيك يا رياض قوللنا

رياض برق في نور وفيهم وقال : جماعه يبوني نخدم معاها جيهه مليشياويه بره المدينه يبوني نسافر ونخدم معاهم اني رفضت وكانو يهددوا فيا ياااااريت كانو يبوا روحي ( نور نطت برقت فيه ) هما يبو يحرقولي قلبي

نور عيونها دمعن وعمران قال : هيا معايا منعدوا لي مركز الشرطه

يوسف : هذيما واصلين يا بويا يمكن يديروا شيء بعد يعرفوا ان مشينا احني نأمنوا حراسه للحوش وبعدها نفكروا