لايك وتعليق تقرو هك وخلاص ليش ☹💔
بروبقندا 💛
الحلقة 8
رياض كان مقعمز في مكتبه فجأه خش حد عليه وفز رياض
رياض : جدي اهلين اهلييين
جد رياض ( علي ) شيباني كبير وبي عكوز : عدي يا اللي ما تتحشم لا تسأل لا شيء
رياض : تفضل يا جدي والله ليك وحشه
وقعمزه رياض علي كرسيه وقاله جده : وليت مشهور ولا ماني عارف ومعاش تسأل ( وبدأ يخبط فيه بالعكوز ) نسيت حوش جدك
رياض : واحني ننسوك يا جدي في البال والله ديما غير مشاغل
علي : قول للسمحه هذي اللي مصبيه اديرلي سحلب
رياض :سحلب ! ح حاضر يا جدي حاضر ( وبرق في السكرتيره ) وصي علي سحلب
قعمز رياض : كيف حالك ياجدي
علي : الحمدلله هاااا قالوا بتزوزوا بالجمله
رياض ضحك : أي منزوزوا يا جدي عقبالك
علي ضربه بالعكوز : وخالتك خيريه اااه منزوزش عليها اني
رياض : أي صح
علي : قولي يا ولدي خطبت انت
رياض : لا مزال والله
علي : نعرفكم شباب توا اني تبوا تتراسلوا واديروا العيييب اعوذ بالله من الشيطان الرجيم ( وضربه بالعكوز ) متعرفوش تتربوا
رياض : مش هكي يا جدي مزال ملقيتش بنت الحلال
علي : منين بتجيك بنت الحلال وانت هكي شد روحك خليك راجل
رياض : حاضر يا جدي
علي : وييين السحلب
رياض صبه : ياااا سهاام السحلب بسرعه
علي : مزوزه سهام هذي ولا شينقل ( بي دوت الشيابين )
رياض يضحك : لا شينقل يا جدي تبي ندويلك معاها
علي : لا يا ولدي بعدين خالتك خيريه توريني نجوم الليل في الضحاا لااالا
رياض ميت من الضحك
أنت تقرأ
بروبقندا 💛
Romansaكلام زائف وبهوره مواضيعنا وحكاياتنا قعدن مفتوحات للجميع كل شيء قعد متاح ومسموح وكل شخص يقدر يعطي رايه حتى لو مكانش يفهم في اللي يدوي فيه المهم يقدم راي ويكبر مواضيع ويعطي للشيء "بروبقندا" زايده ✅ روايات دعاء عبدو🤍