اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لايك وتعليق🥺
بروبقندا 💛
الحلقة 24
فدوى كانت تحاول تدير مكياج بي يد وحده مضبطش لوحت المسكره ويوسف جي وهوا يمسح بعدما كان يتمرن
يوسف : ها خيرك
فدوى : مش منعدي لي اهلي حاولت ندير شويه مكياج مقدرتش
يوسف جاها : نديرلك ( فدوى برقت في بي صدمه وضحكه ) يعني نجرب
فدوى ضحكت : ههههه يعني انت هتقدر تحطلي برايمر وكريم أساس وباودر ومسكره
يوسف : شنو شنو شنو هذا كله الصراحه اني شايف انك هكي تهبلي فوووله
فدوى : ماهو وجهي واضح عليه ان تاعب
يوسف : تعرفي ( برقت فيه بي ابتسامه ) الحفره اللي علي خدك
فدوى برقت في روحها : الغمازه خيرها
يوسف : كان يدفنوني هنا نتمنى الموت
فدوى انصدمت ويوسف ضحك وخش للحمام فدوى ردت ضحكت نفس الضحكه العبيطه
----------------------------------------------------------------------D033-10
اما ساره فأستمرت ساكته
رائد : مش دكتورك حمزه صاحبي ولا شنو؟
ساره : اءءء دكتوري دكتوري بس انصدمت هكي جبته السؤال فجأه
رائد : امممم هننزل اليوم نسلم عليه
ساره : انزل من شادك اني تأخرت
ساره طلعت ورائد طلع وراها وقعمزوا علي صفرة الفطور
----------------------------------------------------------------------D033-10
طلعت نور قبل تشوف رياض وصلها السواق ونزلت فتحت البوتيك نور خشت للمكتب وهيا ذابله كل البهجه والفرحه اللي كانت تخش بيها للمكتب عدت كل الطاقه والحيويه اللي كانت تبدأ بيها يومها اختفت خشت رحاب وموتيه اجنده وأفكار تخلي نور متشتركش تفاجئت بي
رحاب : مش هتشتركي
نور : أي الوضع عندي ملخبط واجد مش هنشترك في المسابقه
رحاب : شن صاير خيرك
نور: هنطلق اني ورياض
رحاب انصدمت وابتسمت ابتسامه قدرت بسرعه تخفيها : ه ه هتطلقوا ليش ؟
أنت تقرأ
بروبقندا 💛
Romanceكلام زائف وبهوره مواضيعنا وحكاياتنا قعدن مفتوحات للجميع كل شيء قعد متاح ومسموح وكل شخص يقدر يعطي رايه حتى لو مكانش يفهم في اللي يدوي فيه المهم يقدم راي ويكبر مواضيع ويعطي للشيء "بروبقندا" زايده ✅ روايات دعاء عبدو🤍
