بروبقندا 💛

الحلقه 29 💛

لايك وتعليق🥺

بروبقندا 💛

الحلقة 29

نور تشيكت بي سوت (بدله رسميه نسائيه متاع سروال ) مع سندل ابيض بسيط ووشاح حرير ابيض وشنطه بيضه خفيفه وبخت عطرها وطلعت القت رياض لابس بدله رسميه سوده وعلي اخر طراز فتحلها يده شنقلت روحها فيه ونزلوا لاقتهم فاطمه لوطه

فاطمه : ولولولولولوييش عرساان ما شاء الله ربي يحفظكم من كل مكروه

نور : تسلمي يا عمتي

رياض باس علي راسها : ربي يحفظك لينا

فاطمه : هيااا هياا اطلعوا وافرحوا وفرفوشوا هكي

رياض : هي سلامات

نور جت بتلحق رياض شدتها فاطمه : ما شاء الله عليكم وليتوا مفيش شيء في الطريق

نور : ان شاء الله ربي يرزقنا

نور طلعت وفاطمه الابتسامه بتشرك فمها شويه قطع عليها صوت جود اتصيح

جود : يااااا امييييي تعااااالي للفرخه مبتششش تسكت

فاطمه : استغفر الله العلي العظيم الصبر يااا ربي جاايه جااايه

----------------------------------------------------------------------D033-10

اما رحاب ف10 دقايق وهيا تبرق فيه وهوا مبتسم ابتسامه عريضه وأخيرا حد نطق

رحاب : م م منو انت شن تبي مني

مدلها يده : معاك الدكتور النفسي خليل

رحاب مبتش تمد يدها : ا ا اني مش مريضه

خليل حول يده : انتي مريضه لازم اول خطوه انك تستوعبي انك مريضه

رحاب : ا ا اطلع بره برررررره منبيكشششش اطللللع

خليل صبا وشدها وحط عيونه في عيونها : لو مهديتش وسمعتيني للأسف المستشفى هتطر تقلك للمصحه النفسيه ووقتها مش هنكون موجود او بالأحرى مفيش حد هيكون موجود ومعاك الا الدوا واليباري اسمعي مني انتي محتجتيني

رحاب سكتت شويه وتبرق فيه وهوا حول و رد لي مكانه ويبرق فيها وهيا ساكته وتبرق فيه

----------------------------------------------------------------------D033-10