كلام زائف وبهوره مواضيعنا وحكاياتنا قعدن مفتوحات للجميع كل شيء قعد متاح ومسموح وكل شخص يقدر يعطي رايه حتى لو مكانش يفهم في اللي يدوي فيه المهم يقدم راي ويكبر مواضيع ويعطي للشيء "بروبقندا" زايده ✅
روايات دعاء عبدو🤍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لايك وتعليق💛
بروبقندا 💛
الحلقة 2
رياض عدا ونور تبرق فيه فجأه حد سكرلها فمها وهيا تزرك من تحتها بعدين خداها ورا المحل وقلبها وفتحلها فمها
نور : انتتت ( وقعدت تخبط فيه ) انتت رعشتني قريب متت
رائد يدوي بي صوت واطي : أي اني معنديش غير نجيك هكي ( بعدين ابتسم ) مبرووك يا فرخه اسف مقدرتش نجي عالافتتاح عارفه بوك شن بيدير بعد يشوفني
نور تنهدت :الله يبارك فيك تمنيتك جيت يعني انت خويا الكبير ومتحضرش وجعتني بس تمام بعد شفتك ( هذا رائد خو نور الكبير عمره 28 سنه متخرج من الاقتصاد ويخدم محاسب في محلات واحد )
نور فتحت باب وخشت هيا وياه قعمزوا في المكتب
رائد : المكان سمح واجد جيت منجيب معايا سوسن بس عارفه الوقت متأخر لازم تقعد مع يقين
نور : المهم انت جيت كيف حالها سوسن
رائد : تمام الحمدلله
نور : معاش صار شيء هكي ولا هكي
رائد : لا خوتها معاش شافوني وجدها مزال في غيبوبه
نور : نفس الكلام درتوا في روحكم
رائد : الحمد لله علي كل حال ( صوته رجف ) كيف حال امي
نور تنهدت : الحمد لله تاخد في ادويتها وباهي توحشتها؟
نور تنهدت : شوف رائد دوينا واااجد لينا ثلاث سنين ندوو أهلها واهلك شايفين زواجكم غلط وكأنك خاطفهاا وانت تقول ان انت خطبتها من جدها وهوا زوجكم بس هوا توا في غيبوبه يعني كلامك ميصدقش اني مصدقاتك بس مش كل حد يفهم الدوه هذي
