𝗣𝗮𝗻𝘁𝘂𝗹𝗼 (3)
Pirang aldaw naman ako bago magluwas sa harong. Nakaluwas ako ta ginuyod ako ni Tep kasi Angel urawang turog pa ako. Nagkakasta pangagda magrabas sa sentro ta mahiling daa na parade.
"Mga lintian kamo, humalat." dawa pirikit pa ako pinirit ko na sana magbuhat.
"Kaati talaga ang hamag na uni, kururong na ngani nagliliwoy pa sa higdaan. Yak. Hilinga ang buhok mo, Tindugon na!" inarog pa ni Angel su boses sa radyo na tig hinanyugan ni Pay.
"Eu eu, pagluwas na muna ta makarigos ako. Duman na kamo sa sala maghalat." igtuplang na biyo ako pasiring sa baduan ko.
"Pumili ka na bado su color green man ngani paradis kita." gasod ni Tep bago makaluwas kang kwarto ko.
Alagad hiniling ko giraray sinda. Binurarat kong maray an mata ko asin nahiling ko na parehas sinda kolor green an bado. 3/4 sleeves nga lang kay Tep.
Ako man dali-dali pag karigos buda nagsulot na green na top buda jeans saka puti na sapatos. Nagpamara mara muna ako nin buhok habang nagkakape. Buda naghali ako dara su wallet buda cellphone ko.
Sinugo ako ni papa na mag bakal na isira pagkabanggi. Amay man sana ako mauli ngani ta mahiling kami pagkabanggi na Banda.
Pag abot mi sa sentro, kadakol na tawo an yaon. May mga CAT Officers na nagmarch, su ROTC kang TCC, tas su mga kaiba sa DLC competition. Baralag-balag naman su mga teenager sa plaza. May mga nagpapicture sa tahaw kang Plaza, may mga dayo, may mga sige ang karaon, buda may mga aki na sige ang tururo kung ano ano muyang bakalon na ang iba igkukurusrusing kang ina alagad nag iba naghihibi.
Magayunon an naging parada. Makulayon asin buhayon na maray an kapistahan. Munyan an kompetisyon kan DLC. Naexcite akong biyo ta abangan ko su sakuya man na Elementary buda su High School na iniskwelahan ko. The best!
Kan nahiling ko na magperform su duwa kong skwelahan, inagda ko na sana sa Angel buda Tep mag kaon ta lampas na pangurudtuhan.
Dumineretso kami duman sa Nhemels ngani magkaon. Pagpasiring mi duman, naghanap kaming pwesto asin ang nakua mi su yaon sa puro ta minahali pa sana su mganagkakaon. Si Angel buda si Tep ang nag order na matibay sinda magsuso sa matawong arog kaini. Ano kaya dae mo maahasan sa pag order ta igkukurab ako dawa dakula ako. Dae ko malingawan su pag pa Jollibee ming tulo tas ako ang nag order. Hinapot ako kang crew kung dine in o take out ang sinimbag ko digdi kami makakan ta mainit sa luwas. Kinurab ako.
Nagpupugol na iharaha su crew panigurado.
Nagbutbot muna ako kang selpon ko ta ighiriling ko su mga picture mi na Angel tas na Tep. Hanggang sa may mahiling ako sa medyo gilid gilid ko na pamilyar na mga tawo.
Su mga kaklase ko kang elementary na school mate ko man kang college. Sa Daniel, Christian, si Ace buda si Ronald. Su mga pabua buahon ko kaitong mga kaklase na huni na munyan, nagpuouon na magseryoso sa buhay.
Balak ko kuta sindang apudon kang may biglang tumunukaw sa kataning ni Ace. Nakanguris tas nakikipag apir pa sa inda. Napuon magkulo ang dugo ko tas nakamati ako nin malain na pagmati. Malas malas sana munyan na aldaw. Kuminiling pa sya sako, kuminaway saka nguminuris.
"Karen!"
Napahiling man lugod sa Ace sako na nagnguris asun inapod ako.
Ako man nagnguris sainda asin nag kaway. Pero never kay JanPol.
Dae n'ya deserve ang magayunon kong ulok pisti s'ya.
"Solo ka? Mana join na samo." apod ni Christian na nagayos kang salming nya.
Nagkiri ako. "Kaiba ko sila Angel tas si Tep. Salamat na lang."
"Naks minagarayunon talaga kapag bagong graduate. Glow up is real." sabat ni Daniel habang surunod na nagturukso su iba.
Nag ulok sana ako. "No to stress na baga kaya."
"Baka may mainlab saimo d'yan sa dalan. Pagiringat ingat na sana." sabi pa ni Daniel.
Masabat pa sana ako kaso nag abot na si Tep asin si Angel na igburaratan na ako ki mata ta tabangan ko daa s'ya mag baba kang mga pagkaon.
Inulukan man ninda sila Tep na inulukan man sinda pabalik. Nagkaraon kami asin naghururon na dae na pigdisturbo su squad na daniel.
Pagkatapos kinahapunan, nagbakal akong gulayon asin karne na isisigang tadtaod. Nag uli akong mga alas quatro na ta marabas pa ako tadtaod na banggi para maghiling na coroncierto.
Pagabot ko duman sa paradahan nahiling ko su tricycle na pano na.
"Kuya, wara na?" hapot ko sa driver kang trycicle.
"Igwa pa. Kung magkabit na sana si Pogi."
Paghiling ko kung isay ang igsabi nyang pogi, si JanPol na busy magselpon sa likudan. Hiniling ko man su kataning n'yang teenager na nag s-stolen saiya pasimplehon.
Ay yak pogi daa. Sus dae bagay saiya. Tanog sumpa.
"Ay sa sunod na tricie na sana ako kuya."
Nadangog n'ya gayud su boses ko, kuminiling s'ya. Juicecolored, uminulok pa. Huna n'ya nauugmahon ako saiya
naghiling. Garu ko s'ya kurusingon.
"Karen!" napahali s'ya sa igtukawan n'ya, "...digdi ka na sana."
Hiniling ko s'ya. "Dae na sa sunod na tricycle na sana ako."
Malakaw pa kuta ako kaso bigla s'yang nag apod.
"Karen!"
"Ano?"
"Dawa munyan lang..."
Hiniling ko s'ya na dae masabutan kung ano ang ibig n'yang sabihon.
"Pirme mo ako tigtanggihan, munyan lang tanggapon mo man."
Hiniling ko ang orasan ko. Harani na mag alas singko. Late na para sa pamanggi.
Naglakaw ako pasiring sa inofer nyang tukawan asin nagsakat s'ya sa tricycle para kumabit.
"You're welcome." sabi n'ya.
Nakatukaw s'ya munyan sa may likudan kang tricycle. Duman sa igralaagan kang sinaudan na nga magabat.
"Dae man ako nagpasalamat." sabi ko.
"Ay dae ba? Sayang. Dae ka na makautro." tukso n'ya.
"Dae ako labot. Dae ko man kaipuhan." sagot.
"Ay mahiling an." saad n'ya.
"Purupunduhan mo daw ako ta makairitahon ka."
"Nata pirme ka sako dagit?"
"Ay wow, himala nakalingaw ka?"
"Nata mananggad?"
"Lingaw mo na? Dulot ba yan ng pagiging adik?"
"Ha?-"
Nagpuon na pagdalagan ang tricy asin inisnob ko na s'ya dawa sige n'ya ang taram. Sige n'ya ang ngurob-ngurob.
