𝗣𝗮𝗻𝗴 𝗼𝗻𝘀𝗲 (11)
TINUYO KO na magkaigwang trabaho. Online tutorial kapag aga sa mga aki na taga ibang bansa, kdrama sa banggi. Naghinguwa akong magpakabit nin WiFi asin nagtrabaho as English Tutor ta nauso an. Gusto man na nagkikita na yaon sana sa harong. Saro pa, nalilibong ang payo ko magluwas.
Dae ko aram kung nata habo ko s'ya mahiling. Kang sarong bulan, may nahiling akong babayeng kaiba niya.
Arog kaini ang eksena.
Aga.
Nagdudugdog akong masitas. Tas biglang may kaibahan si JanPol na babaye. Halaba ang buhok tas maamo ang pandok. Pasiring sa inda. Nahiling ako ni JanPol asin nginiritan n'ya ako tas kinawayan. Pasiring sinda sa inda. Nabadtrip ako.
Paghali ninda, nagchismisan kami ni Angel. Ang sabi n'ya, kung dae ko daa ito namimidbid. Si Rachel daw ito. Ka batch mi sa high school. Ito daa su kapartner ni JanPol kang JS. Ngata daa dae ko naruruduman.
Well, narurumduman ko. Mas magayon ako saiya.
Na chika pa sako na mag ex daa ang duwa. Kang third year naging sinda daa pero dae man naghaloy ta dae man ninda sineyoso. Kurukalwag man sana. Nani punduhan si Rachel kaito kang taga Carmelian na nagpipiday saiya. Good friends daa sinda. Dae ko daa an aram ta dae ko man daa si JanPol pigtitino.
Good bye! Mapasko na! Kaipuhan kong tipon para sa pasko. Dae akong luwas luwas sa harong halos. Maliwas sana ako mapainit pero dae na ako maluwas marabas kung sain. Busy ako sa pagturo. Ngunyan dakula na ang tipon ko, makubra ako tadtaod na hapon sa saod. Bitbit su card ko na inopen last month.
Halat! Nata? Ano palan labot ko kay JanPol? Ano labot ko kung may dara s'yang babaye? Kung piday n'ya ito? Eh bako ko man s'ya gusto! Dae ko man s'ya gusto!
"Mam! Mam!" Sabi kang sarong aki sa laptop.
"Yes, sweetheart?" Hapot ko.
"We already said goodbye. See you on Monday." Sabi kang aki at inoff ang camera.
Hinali ko ang headphones ko at nagstretch.
Petsa dos na kang December. Maski si Angel tas si Tep dae ko nakakaulay na tultol. Pirme akong iwas buda pigdadahilan ang klase ko. Ngata? Ngata ako arog kaini.
Minatapos pa sana ang klase ko, siguro panahon naman na maglakaw lakaw. Pirang bulan na akong pig bobother kang sakong namamatian. Dae ko aram.
Ano ini? Dae ko ini aram.
"Ma! Maduman sana ako ka Angel." Paaram ko ki mama habang nagsasanli na bado.
"Maray na bareta hali sa kalangitan! Nakaisip mag luwas ang aki ko sa laog ki sarong bulan!"
Dae ko sana pig inchindi si mama asin nagdiretso sa kaangel. Maaagihan ko ang harong na JanPol. Biyo na akong nagtatahob ko pandok. Kaso...
"Karen!"
Nagkiling ako. Boses idto ni Angel.
"Karen!"
Boses ni tep.
Pinaypay ako kang duwa sa harong ni JanPol. Ha? Anong igwa.
Nagrani man ako of course. "Pasiring ako sa indo. Nag ano ka jan?"
"Birthday ni JanPol. Igsabihan ko si mama mo padigdihon ka ta pirme ka busy. Garu habo mo na samo." Binukasan n'ya ang gate. Maray sana nani na maray pa ang sulot ko.
Nagdagos ako asin sinabat ako kang mama ni JanPol na naghadok pa sa pisnge ko. "Karen! Sain ka hali ta dae taka nasisilag?"
"Sa harong lang po." Nag nguris ako. Nasuuspog na ako ta yaon sa Ace. Karami kami man sana palan kung tutuuson. Tas, si Tep tas Angel iba ang hiling sako.
"Mari na, dagos." Kinabit n'ya ako pasiring sa kusina saka tinawan na plato. Pagkakua ko, pasiring kami giraray sa sala. Kataid ko na si Ace.
"Yow, haloy na panahon, Karen. Haloy na panahon." Sabi n'ya saka nagulok.
"Trabaho."
"Trabaho o pig-iiwasan?"
Hiniling ko s'ya. Ibinaba n'ya ang tinidor n'ya. "Ako kuta naguukod sana. Nakachamba ako Karen. Nata ka daeng luwas luwas? Ang Karen na aram ko, sige ang rarik pasiring ka tep or ka angel. Mangangagda sasentro tas ika....ayyyy iba an."
"Alo, ace. Alo sana."
"Igsabi ko saimo, ang sikreto, nagluluwas. Maluwas ang sikreto mo Karen." Sabi n'ya saka nag kagat sa puto.
Nagluwas si JanPol na SanMig. Tinawanan n'ya ako alagad dae ako naghihiling sa iya. Pagkatapos ko magkaon, may nag-abot na bisita si JanPol.
Su babaye kang sarong bulan, si Rachel.
Winelcome man ni mama ni JanPol si Rachel. Si JanPol inibahan si Rachel sa kusina.
Magayon si Rachel. Narumduman ko na. Kang high school, s'ya su nag miss Intrams. Crush n'ya dati si Jan Pol, aram kang Campus. Kaso bako s'ya crush ni JanPol. May ibang crush si JanPol na dae man kung isay ang nakakaaram.
Siguro s'ya su pigtitukoy ni JanPol. Balita kaya na nagtatrabaho sa TCC si Rachel sa Registrar. Pirme gayod naghihilingan ang duwa. Naghuhuron. Siguro nani, tigliligawan ni JanPol si...
HALAT! ANONG LABOT KO?????
"Karen, puuni daw uni..."
Nakakiling ako kay Daniel na nagaasikaso kang video singko. Sobra ang tuon ko kang pansin kay Rachel tas kay JanPol.
"Ha??? Ano...dae man ako nagkakanta..."
"Otek mong hayup ka. Matibayon ka mag kanta!" Sabi ni Karen saka inagaw su mic buda tinao sako. Isinalang su pirmeng pigpapakanta sako dati kang mga gurang kang saday pa kami.
Hopelessly Devoted. Ayan.
Nagkakanta sana ako. Tuda ang paralakpakan, pati ang mama ni JanPol ugamahon sako. Alagad si JanPol nagiinom, nakakiling sana sako. Namamatian ko ang hiling n'ya sako. Pagmati ko, ano man na oras, matutumba ako.
May hilang ba ako? Eu na gayud ini. Kan sukat dae ako nagluluwas.
Pagkatapos ko magkanta, nagparalakpakan naman. Pagkatapos kaito, ginuyod ko si Karen sa kung sain. Sa luwas, basta harayo sa inda. Nagpaaram ako na madali man sana kami.
Duman na ako naghibi.
"Hala! Naano ka?"
"May hilang gayud ako?" Sabi ko.
"Ha? Nata? Ano????" Grabe na ang pag hadit ni angel.
"Dae ko aram. Basta, pirang aldaw akong dae nagluluwas. Dapat dagit ako kay JanPol ta igiiwal n'ya ako kang aki ako. Munyan, pagnaghihiling ako saiya, pagkaiba ko s'ya, pag sige n'ya ang pangulit, nauugma ako. Magianon ang pagmati ko. Siguro magagadan na ako ta nakamati na akong magian na buot saiya. Tapos, magkajowa na s'ya si Rachel. Dae ko aram, nagkukurubkutub ang daghan ko. Dae ko kaya. May hilang gayud ako sa puso. Kasubaggo, habang nagkakanta ako, nakahiling s'ya sako. Tigruluya ako. Pagmati ko matutumba ako." Pagesplekar ko kang namamati an ko. "Angel ano ini? Dae ko ini aram. Malainom s'ya na magayun na makulog!"
Kinugos ako ni Angel. "Naglalain ba ang payo mo? Like, mas naiisip mo si JanPol kesa kay Eun Woo?"
Nag eu ako.
Inalo n'ya ako asin hinampang at hiniling sa mata.
"Hayup ka. Dae kang hilang. Namomoot ka na."
