𝗣𝗮𝗻𝗴 𝘀𝗮𝗺𝗽𝘂𝗹𝗼 (10)
HALAWIG na panahon bago ako kami naman maghuron. Aram ko man na busy s'ya. Naaraman ko na nagexam palan s'ya. Kaya pagkatapos kang exam, natupad n'ya mananggad su pangako n'ya. Mahuron kami.
Nilibre n'ya akong milktea. Sa milktea house kami. Lunad na naman kang bigbike n'ya. Lakaw lakaw naman kami pasiring sa plaza habang naghihigop ki Milktea. Igisturya kung gurano ako naapektaran kang mga tatarasmon n'ya kadto.
"Grabe man. Marauton palan ako kung siring. Hamaki naapektaran ko su teenage years mo." Sabi n'ya.
"Eu. Pigsusumpa taka dati. Pigpapangadyi ko na sana mahulog ka sa kalot tas dae ka mahanap na pirang aldaw." Sabi ko.
Uminulok s'ya. "Marauton ka man."
"Mas maraot ang ginibo mo sako. Grabe ang mga hinibi ko kaito."
"Kaya tama sana nanggad na naghuron kita."
Sabi n'ya.
"Eu. Pirang taon takang dae pigtitin-o".
"Eu baga. Kang high school kita, nagsasarabatan man sana kita sa eskwelahan pero garu su dae mo ako nahihiling." Sabi n'ya.
"Aba, matapos mong lait, laiton su buhok ko kang high school eh pig-uumaw ako kang mga teachers." Sabi ko.
"Kang aki ka kaya, garu bulbol ang buhok mo-"
Nirapas ko s'ya ki matudahon na pano ki sama kang loob. Haloy ko na itong muya gibuhon. Alagad, kinagaw n'ya ito at nagmurulaag.
"Aray ko..." Sabi n'ya.
"Sorry not sorry."
"Malaniton." Reklamo n'ya. Kang nawara na su haldat nag higop s'ya ki Milktea asin nagtaram giraray.
"Pero kang high school kita, ugmahon ako sa buhok mong garu buhok kang santa. Pancit canton." Sabi n'ya.
"Mala pinangidam ako kay Santa Salome." Sabi ko.
"Pero ang ugali mo-"
Marapas pa kuta ako pero tinuro n'ya ako. "Hilinga. Dae man nanrarapas si Santa Salome."
"Ay pasensya ka, bako ako santa." Saka nirapas s'ya giraray.
"Nagbago na ako, dae mo na ako pagrapason." Sabi n'ya.
"Otek mo." Sabi ko man.
"Karen, nagbabago ang tawo. Lalo na pag may nauukdan."
"Anyare sa manila?" Hapot ko.
Inisturya n'ya sako ang tungkol duman. Yun nga totoo ang balita. Nagsisisi daa s'ya dahil duman. Kaya iniba mi na sana ang usapan.
"May nagkakacrush man saimo kang high school." Sabi n'ya.
"Ugwa! Ano huna mo sako? Pangit?" Depensa ko.
"Dae man ako naghapot. Sabi ko mag nagkakacrush saimo kang high school."
"Isay?" Sabi n'ya.
Nag-isip s'ya. "Su Fourth Year. Dati kang thied year kita. Tas sa section C. Huruhambugon ka kaya kadto kaya daeng may nakakarani saimo."
Section A kaya ako dati. Magkaklase kami pirme dati. Pero dae man kami nagtitinuhan.
"Mala. Isay sala." Sabi ko.
"Munyan?" Hapot n'ya.
"Ano?"
"Kamusta kamo? Ni Louigie?"
"Ah, dae n'ya man aram na gusto ko s'ya. Saka balita ko may GF s'ya sa manila."
"Ay hirak man..." Sabi n'ya.
"Dae ako labot. Crush mo man giraray s'ya. Crush man sana."
Naghigop giraray ako milktea. "Ika may nagugustuhan ka na?"
"Igwa." Sabi n'ya.
"Weh? Buwa."
"Igwa."
"Anong year?"
Hiniling n'ya ako. "Mauli na kita, mabanggi na."
Naglakaw kami pabalik sa bike n'ya.
"Weh habo sakonh itaram."
"Secret. Saka na. Ipamidbid ko na sana."
Pag-abot sa harong, napundo su pagpapantasya ko na crush ako ni JanPol ta natauhan ako. Bako n'ya man ako gusto. Mabuot s'ya sako ta muya nyang closure. Ta puon high school, dae ko s'ya pigtitino. Saro pa, childhood friends kami. Friends. Yun lang.
Saro pa, sabi n'ya ipamidbid n'ya daa na sana sako. Ok halatang bako ako. Ok lang naman sako. Mabuti. At least dae ako maasa. Malinaw naman. Saro pa, ano bang labot ko? Pakiaram ko saiya? Edi magkagusto s'ya sa iba.
Dae ko dapat namamatian ang "panghihinayang". Right from the start, habo ko na magkagusto s'ya sako. Ta para sako, maraot ugali n'ya. Pundo, Karen.
"Karen! Hanap ka ni JanPol." Tuktok ni papa sa kwarto ko.
Pagluwas ko, yaon si JanPol. Dae pa ako nagsasanli.
"Masubli na FS 5." Sabi n'ya.
Diretso ako sa laog asin kinua su FS 5, 6 saka 7.
"Yan." Abot ko saiya. May tinaram s'ya pero dae ko na dinangog. Labot ko saiya.
Diretso ako sa kwarto, kay Eun Woo sana.
