𝗣𝗮𝗻𝗴-𝗮𝗽𝗮𝘁 (4)
"HALUYON SI KAREN MAGHIRO-HIRO! KAYA NA SANA DAE NAPIPIDAY!"
Ang boses ni Angel nasasakop ang harong sa sobrang ribok. Uya na naman sinda nagsusundo sako. Naka sangle na sinda asin naghahalat. Ako kaya minatapos pa sana pagkaon asin nagsasangli.
Nadangog kong uminulok ang sakuyang ama. Totoo man kaya. Si Angel, may piday s'ya munyan yaon sa manila nakahanap na trabaho. Si Tep naman, may piday man. Ako, ako sana nag dae. Puon kang namundag ako sa kinaban, dae lamang na nangahas na magpiday sako. Tigtatakot ko. Igtesting ko kung may maasir. Pero mga maluya. Kung dae ako pig boycott sa meet up, pig ghosting ako sa chat. Dae ninda ako kaya. Siguro talaga tadhana ko na maging single or su para sakuya nagtotoothbrush pa sana.
May crush daw akong taga digdi samo. School mate ko s'ya kang puon high school hanggang college. S'ya ang cum laude sa BEED. Gwapuho kaya s'ya su biyo mong malilingawan ang pangaran mo pag nahiling mo ang pandok n'ya. Mapapasabi ka na sana na tintasyon s'ya sa mga mag pipiday ta pagmaagi s'ya, dae ka dae pwede dae magkiling. Matalino na, mabuot pa!
Ini ang pinakamatindi sa gabos, MAHAMOT S'YA!
Su kung pwede singhuton su gabos n'yang hamot sa lawas, ginibo ko na. Mas mahamot pa s'ya sa pentel pen. Makaadikon an saiyang "smile". Alaga kang bayawas ang ngipon n'ya. Uni ang pinakamalala, single s'ya. Mahilig s'ya sa music ta dati s'yang nagbabanda sa school mi kaya abangan ko na s'ya tadtaod. Mapagayon mananggad ako. Dae pwedeng dae n'ya ako kilingan.
Pagluwas ko kang kwarto, dae ko aram kung maulok si Angel buda si Tep o naaati sinda sa sulot ko. Nata?!
"Naungmanan ka Karen sa plaza?! Nata ka naka skirt?! Kasuarin ka pa nakanuod magbugkos kang bado? Nata nakaayuson ka munyan?!" Igpupugol n'ya ang ulukon n'ya habang ighihiling ako puon payo pababa.
"Ay aram ko na!" Sabi ni Tep kaya nakakiling kami saiya. Nguminuris s'ya saka inayos su sulot n'yang salming. "Nag-ayos ka nanaman kay Louigie."
Nagnguris naman si Angel saka nagtukso na sako at bago pa ito madangog ni May buda nj Pay, ginuyod ko na sinda pagluwas ta mapasentro na kami ta mawawaran kaming pwesto sa plaza.
Pag-abot mi duman medyo matawo na syempre. Kadakol na ang mga nagbabaralagbalag. Sila Tep buda Angel, naghali ta may dudumanon daa. Baka kaiba su piday, ang aram ko kaya nag-uruli. Kaya ako nawalat sa may plaza nagtukaw muna duman sa gilid. Nag swipe swipe muna ako kang cellphone ko tas kang naboring ako hiniling ko su stage. Nag seset up na duman para sa open act. May mga niluwas naman na case kang mga red horse na ipapalis sa party cups para sa mga legal age na pede na mag inom.
"KAREEEN!"
Napakiling ako sa nag-apod tas nahiling ko sila Daniel, Ace buda Christian na pasiring sako. Nag apir sinda sako tas tinawanan ninda ako si glowing bracelet.
"Para sain ini?" Hapot ko saiya habang kapot ang glowing bracelet.
"Nani makakua kang eed horse. Syempre." Sabi n'ya sako.
"Solo ka sana?" Hapot ni Daniel.
"Kaiba ko sila Tep buda si Angel. Sinundo gayud su mga piday." Sabi ko.
"Awit nahiling ko sinda sa 7Eleven naglaloving loving." sabi ni Christian sako saka uminulok. "Lugi ka na naman, Karen. Hanap naman ngani."
Nag-ulok man si Daniel sa kataid n'ya.
"Isay? Ika?" Hapot ko saiya.
Naubatan si Christian sa sinabi n'ya saka garu nagtransform sa defense mode. "Habo! Sige mo ang pangayot, lapo na ang braso ko saimo."
Nag-ulok man kami dahil duman. Pirme ko kaya sinda kaibhan kang high school tas sige ko paghaplita ang braso n'ya pag nagigiulok ako. Magayunon kaya ang braso n'ya, maputi tas naglalata pag ighahampas ko.
Turutadtaod, nag-abot si JanPol na nagtaning kay Daniel. Nawara lamang ako sa mood. Huminiling s'ya sako pagkatapos nguminuris. Ako naman daw sana naggirong.
"Uni baga si JanPol, Karen. Single, gwapo, available. Yieeee."
Nakakiling akonkay Christian na pigbubugaw si JanPol sakuya. Eeeeew. Jusko madangog ko sana ang pangalan ni JanPol, nanggigirurabo ako. Pagmati ko kakalinturahon ako. Pagnahihiling ko ang pandok ni JanPol, narurumduman ko su 15Billion na nawara sa Pinas. Pag nag-uilok sako si JanPol, pagmati ko mabubuwang ang kinaban tas bigla maruluwas ang kalayo.
"Ma madre na sana ako." Sabi ko.
Nagkaranchawan sinda buda yinugyog si JanPol. "Man down" uru-utrong sabi ni Daniel kay JanPol saka nag-arapiran.
"Garu man su mapakasal kita." Sabi ni JanPol habang nag-uulok. Nag tarahob ki pandok sa Ace na dae ko nasabutan kung nata.
"Magom na sana akong manok kesa kursunadahon ka." Sabi ko saka huminali. Nadangog ko nag-urulok sa Daniel pero dae ko na hiniling. Naglakaw na sana ako kung sain hanggang sa makaabot ako sa may food court kang plaza. Duman garu ako mag-irihi.
YAON SI LOUIGIE!! Nagseselpon habang nagkakaon na burger. Medyo matawo sa food court buda su sa hampang n'ya na sana ang mayo na nakatukaw. Kaya ako ang ginibo ko, mapapansin ako sa crush ko. Nag order akong pagkaon saka nagrani.
"Hello!" Apod ko saiya.
Hiniling n'ya ako saka nagnguris. SHET NAGNGURIS SAKO SI CRUSH.
"May nakatukaw na digdi?" Igpugol ko ang kilig ko. Kalma sana bhie.
"Wara pa man. Sige na tukaw na." Sabi n'ya saka nagselpon giraray. Ako nagkakan naman. Kinua ko man su selpon ko saka nagpasimple pag picture saiya.
Syempre aram kaya nindo magpasimple kamo sa crush nindo eu? Minsan maging durat kamo haha charot. Mag dinurat sana kapag graduate na.
Para milktea su binakal ko. Diitan ko pa mabutasan su pig-iinom ko hanep. Edi sabi ko baga kaya mag pasimple kay crush. Edi ig stolen pic ko si Louigie tas ang hamal naan MAY FLASH! MAY FLASH!
Edi kamusta ka nakakiling s'ya sako tas pag click kang camera nakaulok na s'ya.
"AY HALA SORRY-"
Nakapundo ako ta bigla s'ya nag-ulok. Ako man namumulaag na. Sarong hirigupan nakabanga ko si milktea pirang pearls su nahalon kong dae nag-agi sa sarapaan.
JUSKO ANO MAN UNI! NATA MAN AROG KAINI.
"Mag paaram nani sa sunod kung muya ki picture. Dae man hahabuan." Sabin nya. Kinua n'ya su selpon ko saka nagselfie. Nag gilid s'yang diit nani pareho kaming yaon sa picture. Saktong magayon ang lighting saiya kaya magayun man su picture mi. Ay shempre nag ayos ako kang pandok ko su pinakamagayon kong pose ta ngani pwede ipadevelop tas idukot ko sa kwarto o kaya ipatarp ko ito sa inutan kang harong mi na may picture ako sa crush ko.
Pero kung pwede kami na sana ang madevelop.
"Karen, right?" Hapot n'ya.
Tuminango ako. EU CRUSH. SOON TO BE MRS. VALENZUELA KUNG MATUGOT KA.
"May kaiba ka munyan?" Hapot n'ya sako.
Nag dae tulos ako. Sus may kaiba man sana sila Tep tas si Angel mga piday ninda. "Nata?"
"Kita na sana." Saad n'ya.
"Ha?" ANONG KAMI NA SANA? AAGUMON NYA NA AKO?!
Bigla s'yang nag-ulok. "I mean kita na sana ang mag ibahan. Wara man kaya akong kaiba, dae man palan masulpot su tugang ko."
"Aaaaah." Sabi ko. "Ok sige."
Nadangog mi nanagtetesting na magpalagatob su drums kaya nagduman na kami duwa as IN SABAY KAMI NAGLALAKAW PASIRING DUMAN.
Habang naglalakaw kami, nakamati ako na nakahiling sako kaya naglibot ako kang hiling ko saka ko nahiling si JanPol na nakahiling sako habang nag-iinom ni red horse na sadit.
